معاناتي اللي مأثرة على نفسيتي

بنات ابغا تواسوني وتخففون علي همي وتداروني باطلع كل اللي في قلبي،
اولا زوجي ضابط وراتبه ماعليه يعني يقدر يولدني في مستشفى خاص، اول حمل لي وحاولت اقنعه انه فيه فرق بين الخاص والحكومي وما اقتنع يحسب البزر ينزل ويطلع وبس تنتهي السالفة مايدرون بالمعاناة الحقيقية، حاولت اشرح له يمين يسار مافيه فايدة قال تولدين في العسكري الرياض، قلت في نفسي خلاص بأولد فيه وان الولادة تيسير من الله ماتفرق خاص ولا حكومي وان كل وحدة تجربتها غير، يعني من هالكلام احاول اقنع نفسي، بكر وولدت وانا حاليا نفاس، لكن من ولدت وانا اقسم بالله شبه يومي كل ماتذكرت اللي مريت فيه اصييييح طبيعي ولا لا؟
احاول اتذكر حسنة وحدة تشفع لهم اولد عندهم ثانية مااااافيه تعبووووني حسروووني نفسيتي تعباااااانة واحاول احمد ربي واشكره واهدي نفسي لكن العذاب الجسدي والنفسي اللي مريت فيه مأثر علي، بأذكر لكم معاناتي ماقبل الولادة، اول شي نزلت علي الموية وعلطووول رحت المستشفى، امي تقول اذا نزلت لاتروحين لين تحسين بالطلق، لكن قلت اخاف ينفتح كثير ويقولون مانقدر نعطيك ابرة ظهر كوني سألت قبل كل دكتورة وكل ممرضة اقابلها عندهم عشان أتأكد اذا عندهم ابرة ظهر ويقولون ايه عندنا، على نياتي رحت لهم الصباح طيران، فحصوني قالوا مفتوح واحد روحي الانتظار تنويم وهنا تبدأ المعاناة طبعا الانتظار والتنويم عندهم كرسي مو سرير، صبرت من الصباح لين الليل تقريبا يوم على هالكرسي، فحصوني لقوه واحد لكن ماطلعوني ولا صبروا علي ينفتح اكثر ياليتني طلعت، علطول قالوا ادخلي غرفة الولادة، دخلوني وعطوني طلق صناعي وهاتك عذاب من الليل لين العشاء، غير الفحص اللي اتوقع نص المستشفى كل من طفش دخلوه يفحصني رجاجيل على ممرضات يحاولون يوسعون ويفحصون، غير الخصوصية الصفررررر كل من بغى يدخل الغرفة ولا عاد الحماااام متفسخة تقضين حاجتك يدخلون عليك الممرضات عااادي الوضع عندهم نااااعاااام صدق قرف الله يسترنا، غير طقطقة الافريقيات القابلات عليك والمعاملة الخشنة الزفت، اه يابنات مع الطلق الصناعي والآلام سألتهم متى تعطوني ابرة قالوا اذا وصلتي اربعة ولما انفتحت اربعة وسمعتهم قلت يلا عطوني ويسفهون من بعدها يشتد الطلق وانا في ونين وصياح مايعلمه الا الله وكل من دخل علي دكتورة ممرضة اترجااااهم اقول بليييييز ابغا ابرة مسكن اي شي والله اني راحمة نفسي اكثر منهم على المذلة اللي اترجاهم فيها يعطوني ويسفهون هالابرة اشمها واسمع بها انه عندهم ولا شفت شي، يوم وصل ٧ مع التعب وقلت عطوني ابرة ناشبة لهم بالاخير قالت الدكتورة مافيه الا دكتور تخدير واحد وعنده عملية اللحين، يسلكون لي يبغوني انطم يعني معقولة مستشفى كبر جدي مافيه الا دكتور تخدير واحد، يوم وصل ٧ قالوا خلاص يمكن يصير فيه خطورة على الجنين بنحولك عملية، وولدت عمليه وانا مااااابغا عملية وهالشي مأثر على نفسيتي مرررررة، للعلم اني لما وصلت ٣ مادري ٤ قرروا لي عملية لكن واحد من الدكاترة قال لا نصبر عليها شوي، اه يابنات تعبوني لعبوا في نفسيتي
الانتظار كرسي والخصوصية صففررر والفحص اتوقع نص المستشفى يتسلون علي فيه، علطول عطوني طلق صناعي وانا بكر طيب اصبروا علي طلعوني غير انهم لعبوا علي انهم يعطون ابرة ولا عطوني شي، عيشوني عذابين عذاب الطلق وعذاب العملية، غير اني من قبل وانا مابغا رجاااجيل يدخلون علي يفحصون ولا يولدون وقال لي زوجي كل القسم حريم وصدقته لكن الحمدلله على كل حال وزوجي راح اقول له الولادة الثانية يا بتولدني في مستشفى محترم زي الناس ولا تسلفت فلوس وولدت نفسي في خاص، نفسيتي وراحتي اهم من الفلوس والعذاب اللي عشته، فلوسه وش كثرها ومستكثر علي يولدني في خاص