السلام عليكم ورحمة الله وبركاته
:(
هذي مش اول مشاركه لي بالمنتدى بس انا غير دا الكلام ما عندي اكتر اقوله واشكي بيه لاني دقيت كل باب ما لقيت جواب
واتمنى من ربي ثم من كل احد يدخل دي المشاركه يفهم معاناتي
انا عمري 28 لا عندي شي مهم بدي الدنيا لا اولاد ولا زوج ولا حتى شغل. عمري ما فقدت الامل في ربي
انه يوم حيجي والحال يتغير . في اشياء تصير للانسان ماله يد فيها وفيه اشياء ربي بيقول اسعى يا عبد وحسعى معاك
اخواتي انا ليه كم شهر افكر في حالتي.. انا لو مابقالي احد في ذي الدنيا ان شاءالله ربي يطول في عمر ابويه وامي انا مدلله مررره بالبيت يمكن دا الي عماني انه حيجي يوم حجلس لوحدي
انا اكبر اخواني الاتنين شباب كل واحد بيدرس وعارف ايش يسوي بحياته بس حيجي يوم
ويتزوجو وانا ما ابغا اكون عاله على احد والله العظيم اني ما هديت يوم من يوم ما خلصت دراستي وانا ادور
شغل والحمد لله اتوفق في شغلي جدااا لدرجه ممكن توصل للغيره من زملائي الين ما " اتفنش" الين ما قلت اايام بتمر وما حستنى فرصه تجيني انا حسوي فرصتي بنفسي واعمل شغلي الخاص .بس الفتره الاخيره
تعبت وانا ادور على فرصتي انا دايما اقول انا مو غبيه او ما انفع في شي عندي مواهب كتير لازم الاقي ليا حياه اعيشها
وابدا اكون " انا" الانسانه الي لها كيان. تعبت وانا وادور مكان ابدا منه ما ابغا الهم والاحباط يتغلب عليا
بس خوفي من ان حيجي يوم فيه اشوف احد من اخواني ممكن غصبا عنه يحسنني انه ثقلت عليه او على زوجته ......... مجرد تفكيري دا....
بيقتلني
ارجوكم ساعدوني..... ارجوكم وانا عمري ما طلبت احد بس والله كل ليله دموعي حارقتني
انا الي ابغاه مكان اعمل فيه شغلي الخاص انا اعرف اغلف هدايا لكل المناسبات وذوقي بشهاده حولي حلو ابغا أبدا شغلي الخاص
انا مو طالبه غير مكان يكون في محل نسائي كصالون او نادي او اي تجمع نسائي
انا حدفع اجاره وحشتغل فيه بيدي بس طلبتكم ساعدوني
تعبت ادور بس مافقت الامل بربي انه حيكرمني ويرزقني بحياه افضل واحسن
ربي كريم
وما فقدت الامل في الخير الي في قلوبكم وحب المساعده
طلبتكم لا تردو سؤالي
:26:
ran_81 @ran_81
عضوة جديدة
يلزم عليك تسجيل الدخول أولًا لكتابة تعليق.
السلام عليكم .طيب ليش ماتروحي في البازارت الي يسونها في السواق ولا صالون نسائي .فيه كذا منتدى يعلنون قبل مايسون البازر استاجري طاوله وسوي الي تقدرين عليه وبيعي وربي يوفقك حبيبيتي .ولا سوي معمول ولا غريه واسوي الشغلات الي تعرفينها تنباع وربي على طول وربي يوفقك .
ran_81
•
ريمية مشكوره اختي
خواطر الغلا البازارات مدتها كم يوم واذا كترت اسبوع وبعدين طيب؟؟
انا دورت بتلفون وبالسياره وعالنت ما لقيت مكان لو احد يدلني على مكان انا مستعده اروح بنفسي مشكوره على اهتمامك
خواطر الغلا البازارات مدتها كم يوم واذا كترت اسبوع وبعدين طيب؟؟
انا دورت بتلفون وبالسياره وعالنت ما لقيت مكان لو احد يدلني على مكان انا مستعده اروح بنفسي مشكوره على اهتمامك
الصفحة الأخيرة
عارفة انه ممكن احد يقترح اني ابدا اعمل من النت زي باقي الاخوات هنا بس انا ما عندي مكان ابدا فيه من البيت بيتنا صغير وما ينفع يكون ليا فيه زي الورشه اشتغل فيها