معاناتي بولادتي انتبهوا يا حوامل

السلام عليكم

اكتب لكم قصتي بولادتي وانا مره تعبانه من رجلي بالذات

بس حبيت اكتبها علشان تنتبهون لا يصير لكم مثلي

كل حملي والله ياجرني تعبانه وطلوق والحمد لله ، وكل مارحت مراجعه قالت فيني شي

البيبي صغير ، البيبي مانزل المويه قليله الين دخلت التاسع

واخذت السونار ( الدوبلر ) علشان يشوفون دم البيبي والمويات واخذتها وصار كل شي تمام

بعدها رحت موعدي يوم الثلاثاء كشفت علي الدكتوره قالت كل شي تمام والراس نازل ومفتوح الرحم واحد سم

الفجر يوم الأربعاء بدتني طلوق حاميه مره ودم الله يكرمكم ، جلست اتصبر اتصبر لين 12 بالليل ، بعدين رحت

قالوا ولاده والطلق حار ومتباعد ومفتوح الرحم 4 سم

كل هالموت واربعه قلت ان شاء الله خير ، دخلوني غرفة الولاده 3 الفجر بالتمام ، وكل ساعه يزود الطلق والموت

اشوفه بعيوني والرحم ماانفتح ولا سم واحد ويركبون علي الطلق الصناعي ماافيه فايده ويحطون الثاني والثالث

ست ساعات بعدين قالوا بنشق المويه ، جو يفجرونها قاموا يصايحون ماافيه مويه قليله مره كيف مااعلمونا

وانا بس اصارع الموت

جلست ساعه كشفواا علي قالوا وصل الرحم سته وبانوا على وجههم الضيقه

انا جلست احمد ربي قلت بشارة خير وجلست ساعتين وكشفوا الطلق يزود والرحم ماانفتح بس وقف على سته

وانا بس اصيح واقولهم تراني في ذمتكم بموت ، واقول لزوجي ارسل لاهلي واقاربي كلهم يووحدون لي الدعاء

من شي اونسه

جابوا استشاريه قالت لازم عمليه خلاص بس راح ننتظر عليها ساعتين اذا جت الساعه وحده الظهر وهي ماولدت
عمليه
وانا اقولهم ايه ايه عمليه قطعوني قطعوا البنت المهم خلصوني ريحوني

وانا ماادري خلاص ويني فيني بس اتشهد حسيت اني ماارح اشوف بناتي ولا اهلي خلاص

وادعي على المسشتفى واصارخ عمري ماصارخت بولادااتي بس شي خارج عن اراادتي
الحمد لله علىكل حال

يوم جت الساعه 12 ونصف ظهرا ، الا الحمد لله ياااااااااااااااااااااااااااااااااااااااااااااااااااااااااااارب

تجيني طلقه قويه وتطلع البنت الله يصلحها يارب ويهديها يارب

وانا خلاص توني برتاح قالواا نزيف نزيف

تخيلواا والله ماهمني تدرون ليه لان الالم راح

معليش اموت وانا صاحيه اهون من اموت وانا اصارخ وادعي

جلسوا يشتغلون فيني وانا مغير لاهيه افكر بهالدنيا وشلون ابرجع لبناتي واهلي

وشلون كتب الله لي حياة جديده ، وهل البنت طبيعية ولا لا

والحمد لله بعد ساعتين قالوا ان شاء الله ان الدم ما تجلط يعني بيوقف ماراح يستمر

وصحيح خف بعد يومين ولله الحمد

والبنت الله يصلحها طبيعيه وطيبه ولله الحمد

بس اللهم رجلي اليسرى الحين خاصة منطقة الفخذ متشنجه تماما

اسوي لها تدليك طبيعي والحمد لله ماشي حالي

بس بغيت انبهكم يابنات المويه المويه

موية الجنين لازم تكون كافيه علشان ماتتبهذلون بالولاده مع طبعا الدعاء بكل سجده وبكل وقت
لهون الطلق وحسن الخلق
وكثرة الاستغفار وقول لاحول ولاقوة الا بالله

والله دعيت لتجمعي مانسيتهم ولا نسيت اية حامل الله يهون عليكم جميعا ويسر امركم يارب
يالله تعبت ظهري منكسر ورجلي توجعني والحمد لله عدد ماكان وعدد مايكون وعدد الحركات وعدد السكون
سبحان الله وبحمده زنة عرشة ورضا نفسه وعدد خلقه ومدد كلماته