السلام عليكم ورحمة الله وبركاته، خواتي انا اليووم جداً متضايقة في وحدة للأسف كانت صديقة وأنا كنت سبب بعد تقدير ربي ورحمته انها توظفت على طول بعد تخرجها لأنها كانت صديقتي توسطت لها وانقبلت على طول صارت اليوم ألد اعدائي وللأسف لأول مره احس بشعور الكره اتجاه احد قبل كنت احتسب مساعدتي لها لوجه الله لكن والله لا إرادياً صرت اتحسف يا اخواتي تحاربني بكل شي بدتها بمكتبي ليش معطين فلانه مكتب اكبر من مكتبي بعدين بدت بنوع الشغل ليش تكلفون فلانه بشغل مهم وانا لا بديت انتبه انها مش صديقة ونظراتها كلها حقد على مدار السنين صار يجيني كلام انها تتكلم عني في ظهري حسبي الله عليها مايهمني كلامها اتحسب عليها لكن اللي ابيه تطلعني من بالها عينها علي والله لدرجة اني مرضت لفترة واخذت من اثرها بدون لا تعرف واغتسلت فيه وطبت بعد تقدير ربي ولله الحمد، انا الحمدالله شغلي ممتاز لكن انا مش جريئة نفسها اختمتها قبل يومين كان مديري مكلفني بشغله وجات لزميلتي اجنبية تسألها انتوا تشتغلون على ايش وقالت لها عن صفاء نية تفاجأت انا مديري مناديني وقالي ان هي راحت وسلمته تقرير كامل بنفس الموضوع وكان يكلمني ويقول سبحان الله ايش هالصدفة كأنها عارفة اننا نشتغل على هذا الموضوع ووو مايدري انها تحفر لي انا تعبت منها كثير وفي نفس الوقت احس ان في شغلي مدرائي محترميني وماودي اسوي حركة او اتهاوش معاها واخرب صورتي ودي بحل الله يلهيها بنفسها:icon36:علماً اني اطالبها فلوس10 الاف قبل لا تشتغل كنت اسلفها ومب مسامحتها عليها لانها ماتستاهل ومعاشها حول 30 الف ريال يعني بالراحة تقدر ترجعها لي لكن استحي أطالبها وانا أصلا ماكلمها ابدا الا السلام وماودي تطول لسانها علي وانا مالي لسان:29:
beana @beana
عضوة نشيطة
يلزم عليك تسجيل الدخول أولًا لكتابة تعليق.
مثل ماقالت الاخت حكاية قلب ..... انا كانت عندنا مسؤولة مضايقتني في الدوام سبحان الله وتعبت نفسيتي منها وخذيت اجازة ماعاد لي خلق اداوم وسبحان الله بالدعاء ولا دعيت عليها ابدا بل دعيت لها بالتوفيق وان الله يهديها ويكفيني شرها من غير شر عليها انا داومت الخميس وهي كان اخر دوام لها معانا الاربعاء .. سبحان الله .... توكلي على الله ودعيه بقلب صادق ( يارب انك ياحي ياقيوم لا يخفى عليك من حالي شي يارب انك تفرجها على وتكفيني ما اهمني ) واسأل الله الحي القيوم ان يفرجها عليكم ويسخرها لك ويكفيك شرها .... اللهم آمين
احب جدتي
•
الله يعبنك على الاشكال المفروص تحطك فوق رايه من يحصله وظيفه بي طنشيه وبعدين قوليله لاتنسين العشره خلص وظفتك ياليتك موظفتني بدالها تكفين لاتهمك وتخسرين وظيفتك واذا شفتيها قولي اللهم اكفني به بماشئت لازم ترددين وكل ماجبتي تكلمينها رددي اللهم اكفني به
منجو
•
سبحان الله
فعلا أتقي شر من أحسنت أليه
تجاهليها حبيبتي ولا تهمك و أذا فبالها تأذيك لا تنسين أن الله يمهل ولا يهمل
و كلن بيرزقه الله على قد نيته
و فلوسك طالبيها فيها قولي أنا بحاجتها و أذا معك مايثبت هالشي زين
و أذا ماعندك أثبات و أنكرت قولي لها الله حسيبك و بتحسب عليك و الله بينصرني
دائما رددي أذا شفتيها اللهم أكفنيها بما شئت وكيف شئت
الله يوفقك و يكفيك شرها بما شاء
فعلا أتقي شر من أحسنت أليه
تجاهليها حبيبتي ولا تهمك و أذا فبالها تأذيك لا تنسين أن الله يمهل ولا يهمل
و كلن بيرزقه الله على قد نيته
و فلوسك طالبيها فيها قولي أنا بحاجتها و أذا معك مايثبت هالشي زين
و أذا ماعندك أثبات و أنكرت قولي لها الله حسيبك و بتحسب عليك و الله بينصرني
دائما رددي أذا شفتيها اللهم أكفنيها بما شئت وكيف شئت
الله يوفقك و يكفيك شرها بما شاء
كرري قول اللهم كفني شرها بماشءت وكيف شءت وحاولي مايصير بينك وبينها اي احتكاك عشان ماتشوه صورتك قدام مديرك او الموظفات وربي يكفيك شر كيدها سبحان الله اذكر الوحده لاسويتي معاها معروف ماتنساه هذي كيف تجيها الجراءه انها تكيدلك وتحاول تاخذ مكانك الله يشغلها بنفسها عنك وصدقيني دام نيتك سليمه ربي راح ينصرك عليها
الصفحة الأخيرة
تجاهليها وحاولي الابتعاد عنها والانشغال بعملك ‼️
والله يهدي النفوس 🌹