يارب ياارب يارب يامالك الملك ملكها خير عبيدك وكل من قال امين

ولو لسااااتك صغيرة 24 سنة
شو هيد عن جد كلام فاضي لا تحطين في بالك ونصيبك بيجيك ولو انت بنت ل 50 سنة
والله يجيبلك الي فيه الخير

والله نفس حالتنا بالضبط بس انااحسن منك بعد كانت امنا تلمح لكل حرمة واسامينا بعد عندخطابةوكان عمري22واختي21!!!!والحمدالله الان متزوجااااااااااااااات ومبسوطات النصيب اذا جاء جاء العبرةبالتوفيق بالنهاية

حبيبتي .. انتي للحين صغيره
الزمن والوقت تغيّر ..
وماودي أحطمك .. بس وش الزواج اللي نكدتي على نفسك على شانه ؟؟!!
شوفي حال المتزوجات وفكري بحالك ..
لاتضيعين أجمل سنين عمرك بنكد وهم وغم ..
يعني بتحرمين نفسك من السعاده بهالعمر الحلو .. وماتدرين يمكن تتزوجين واحد ينكدعليك باقي عمرك .. الله لايقوله .
شوفي حبيبتي .. نصيبك بتاخذينه
اليوم .. بعد شهر بعد سنه بعد 5 سنين محد يدري !! لكن اللي نؤمن فيه اننا لايمكن نعلم الغيب ولايمكن ندري وين الخيره .. هل الخير لنا الزواج المبكر .. أو التأخر في الزواج ؟؟

استغلي شبابك وفراغك بالتقرب إلى الله .. التحقي بدار تحفيظ للقرآن وبتكونين لك صداقات رااائعة وبتشغلين نفسك بكتاب الله وتكوني في رياض الجنة كل يوم ..
تعلمي أشياء مفيده من النت .. مثل مكياج .. طبخ ،، اشغال يدوية .. ابدعي في مجال منها وتميزي
تعلمي فوتوشوب وتصاميم ..
النت فتح لنا آفاق كبيرة جداً ..
برّي بأمك قد ماتقدرين قبل لاتتزوجين وتنشغلين وتجربين الأمومة وتقولين ياااااليت ..
شيلي شغل البيت عنها .. حنّيها ووسعي صدرها .. إذا شفتيها ضايق صدرها من كلام الناس هوّني عليها وقولي لها كلام يطمن بالها ويعلّقها بالله سبحانه .. امسحي دمعتها وخليها توعدك ماتبكي علشان هالموضوع لأنه لاهو بيدها ولابيدك ولا بيد أي مخلوق .. دعوا الخلق للخالق ..
تفنني في الطبخ وخلي أمك تاخذ من شغلك إذا راحت عند احد وهم أكيد بيسألونها من اللي مسويه .. الحريم يحبون اللي فنانات في الطبخ والتقديم ..
اقري وطوري نفسك .. إذا كان عندك قدرة خذي دورة كمبيوتر أو لغات أو إلقاء وغيرها من مهارات التطوير ..
شيلي موضوع الزواج من بالك .. والمعرس إذا جاء بيدق بابكم لاتخافين موب طاير ..
ونصيبك بتاخذينه .. مكتوب لك وانتي ببطن أمك ..
أنا تزوجت وعمري 26 واحس نفسي صغيره بهذاك الوقت .. لأني كنت مبسوطة جداً وعايشة أيامي بكل مافيها ولااهتميت بكلام احد .. علماً ان كل صديقاتي وقريباتي اللي بسني تزوجوا قبلي إلا اني ماضاق صدري أبد ولله الحمد لأني واثقة من نفسي .. ولو كان على البياض والا الجمال .. نص الحريم ماتزوجوا لكنه النصيب وانا اختك ..
شوفي حولك بنات مافيهم من الجمال شي .. بل بعضهم بشعه والثانية سمينه وغير ذلك .. وتزوجوا بدري هل هذا دليل انهم جميلات ..
وهل كل متزوجه سعيدة ..
والله اني لو يرجع فيني الزمن ماتزوجت قبل هالعمر أبد..
وبالنسبة للسمار ..
اهتمي بنفسك وشوفي قسم البشرة بتلقين خلطات حلوة ..
حتى لو مافتحتي وصرتي بييضاء .. أهم شي تكون بشرتك صحية وفيها نضارة ولونها موحّد ..
اهتمي بنظافة جسمك وريحتك المميزة وبطلّتك أمام الناس ..
وخليك واثقه من نفسك .. لأن ثقتك بتوقف كثير ناس من اللي حطموك عند حدّهم ..
وتعلمي ... شخص جرحني مايستحق اني أراعي مشاعره ..
ليش هو طيب ماراعى مشاعري والا أنا تمثال ..!!
لاتسمحين لأحد أياً كان يهز ثقتك بنفسك ..
ولو كنتي جامعية سجلي ماجستير .. عندك الماجستير الموازي بجامعة الإمام مثلا الحين في تسجيل ..
خليهم يحسوا انك أفضل منهم ومبدعه بمجالات هم فاشلين فيها ..
علميهم أنهم ماتزوجوا بشطارتهم ولا بزود جمالهم ودلالهم .. لأ .. لأنه مكتوب لهم وهذا نصيبهم .. وبسس مافيها شطاره وفهلوة ..
والا كان الجميلات أسعد النساء في العالم ..

الله يكتب لك مافيه الخير ..
ووسعي صدرك الدنيا ماتسوى ..
وبيني وبينك ..
v
v

ياحظك ماشاء الله .. ليتني بعمرك وللحين ماتزوجت .. أشياء كثيييييرة نفسي أسويها ماسويتها بعمرك ,,