معاناتي في ولادتي..... وبعدها ولدي!!! كان بيروح بغمضة عين

بسم الله
والحمدلله اولا واخيرآ










حطيت موضوع قبل 3 شهور تقريبآ ابشركم بولادتي
هذا هو http://forum.hawaaworld.com/showthread.php?t=2782362

وتوقعتها اخر المعاناه


وصار بعدها شئ ماكنت عامله حسابه ابدآآ


قعدت بالمستشفى من الجمعه وماولدت الا الاربعاء
والي رفع ضغطي طالبات التدريب
انا وياهم مطاقق كلما جو يكشفون علي اطردهم
اقولهم ماني فأر تجارب
والي فاقع كبدي تجيك الوحده معلقه البي بي على رقبتها والاظافير طووويله وتقول ابي اكشف!!!!
اقولها مناااااك لحد يدخل علي اذا حسيت بشئ بزهم عليكم
وبعدين مركبين علي التخطيط حق الطلق يعني مايحتاج كشف كل شوي!!!
المهم باختصر لكم السالفه
هذاك اليوم خللالالاص تعبت نفسيتي وابي الخلاص من المستشفى
ومن الصبح جاني الاستشاري ورفضت الكشف وقالي ابصمي على انك رفضتي الكشف
وبعدها ارسلي دكتور مصري ياناااااس يده كبيررررررة تروع ورفضت الكشف ونفس السالفه قالي بصمي
وبعدها شرفو طالبات التدريب ورفضت تدرون وش قالوا!!
مو على كيفك الا بنكشف غصب وهم تقريبآ 4 بنات قمت صرخت عليها ومسكوني الا والا تدخل يدها وتكشف
وفي الاخير طلعو وهم يسسبون فيني طبعآ بالانجليزي عشان ماافهم...بس رديت عليهم وسكتهم عشان يدرون ماني دجاجه قلت لهم ماني فار تجارب لكم
تخيلو جابو رئيسة القسم...وهنا جات الطامه وبداية العذاب
يشتكون للرئيسه يقولون مارضت تخلينا نكشف تبي تحرمنا الدرجاات!!!!!!!! تخيلوا بس!!!!
طبعآ ماكان الا انا ووحده معي بالقسم حق الملاحظه
المهم وش سوت الدكتوره.....
وهم من اليوم الي قبل قاعدين يخففون علي الاكل
واساسآ الشهية منسده
الساعه 2 بالظهر عصبت علي الدكتوره وقالت راح اكشف غصب عنك
قلت انتي ايه والمتدربات لالالا
قالت مو على كيفك
بالنهايه قلت يابنت العني الشيطان يمكن قربت ولادتي وانا على عنادي
خليتها تكشف
وبعدها قالت راح افتح الكيس لان الرحم مفتوح 7 سم
فتحت لي الكيس من 2 الظهر ولا ولدت الا 11 باليل
تعذبت الله لايسامحها
وكل شوي يجون يصيحون علي خليك على جنبك البيبي نبضه بدأ يقل
بعدها بساعه جاني الدكتور وخليته يكشف تدرون وش قااال!!
طبعآ اخذ الدكتوره برا وقالها ليش اسستعجلتي عليها لسى الرحم عندها 5 سم
وبدري على ولادتها
اقدي عندها لايصير فيها شئ
تخيلواااااا يااااعااالم قاعده تسوي التخطيط وتهز خصرها مع صوت التخطيط
يعني مرررره مبسوووطه الله لايعطيها عافيه
ولما جاتني الولاده اللهم لك الحمد تيسرت
بس البيبي اول ماطلع ماصاح قعدو يغفصون فيه ويشفطونه وبرضو ماصاح وانا ماادري عن الدنيا حيلي مهدود مرره
قامت الي جنبي تصيح تقول ولدك ماصاح ليييش!!
بعدها انتبهت ان ولدي شرقان
والحمدلله بعدها سمعت صوته الله لايحرمني منه
والله لايوريكم العنايه في الحضيض ومزبله وخيااااس
وخرجت ع مسؤليتي من القرف
تخيلو ابسط شئ البطانيه والمخده مافيه يقولون كلمي بابا يجيبلك!!!
المهم مالكم بالطويله
بأقولكم وش صار بولدي يوم الاربعين!!!!
بس ارتاح شوي واكمل لكم


تحيااااتي

سالفة ولدي بالرد رقم 16الصفحه الثانيه

هذا ياطويلات العمر والسلامه لما صار الاربعين
من اليوم الي قبله ولدي مايرضع ولايبي يرضع رحمته مررره وكلما سدحته ع فراشه يبكي ارفعه على كتفي والليل كله مانام جالسه جنبه حاسه ان الولد مو طبيعي مررره
لما صار الاربعين مررره مبسوطه بروح اعمل كورس في مشغل بس قبلها قلت لابوي بروح الطوارئ حق الاطفال عشان ولدي شكل في صدره بلغم ابغاهم يشفطونه عشان يرضع من البارح مارضع ابد
قالي ابوي طيب خلينا نوديه العياده يشوفه الدكتور
قلت لالالا ابي اخلص عشان الحجز حقي بعد المغرب في المشغل
المهم البس والبس ولدي وهو نايم
وعلى مهلي مررره
طلعناا السياره انا وابوي وامي
وولدي في حضن امي ((نااايم))
طبعآ المستشفى شوي بعيد وساهر مسويلنا قلق صرنا نمشي على مهلنا الين وصلنا باب الطوارئ
صااااااح ولدي وتلوى وبعدها<<<< توقف قلبه
انا سمعت صوته وانا اخذ ورقة الكشف من عند الاستقبال قلبي نغزني
خليت الورقه ورحت اركض عند امي اشوف ولدي
قلت لها وش فيه
تقولي مافيه الا العافيه ان شاء الله
وهي بعد كانت خايفه حست ان الولد فطس بس ماتبي تفجعني
وانتو تعرفون قلب الام
قلت لها عطيني اياه
قالت لالا روحي جيبي الورقه حقت الكشف بسرعه
وانا اقولها ولدي ماات صح
وهي تقول لالا مافيه شئ بس روحي<<<<طبعآ هذا كله بصوت عالي وانا مره متوتره حاسه ان فيه شئ
بالاخير امي تبي ترفع ولدي صار يتسفط بيدها مثل الخرقه
قمت صحت بصوتي كله <<<ةولدي ماااااات الحقووووني
شافنا رجل الامن راح طيران زهم على الدكاتره وجو يركضون لما شافوه شالوه من يد امي وركضوا به على الانعاش
وانا انتظر يقولون لي عظم الله اجرك
جاتني حرمه من الامن حق المستشفى تمسكني وتهديني تقولي شوفيه بخير
وانا ماصدقتها الين سمعت صوته بعدها اغمى علي....
قعد حوالي 3 ساعات بالانعاش ونقلوه بعدها ع العنايه المركزه
بعدها طلع علي ابوي يقول يلا مشينا!!!
قلت وولدي
قال بيقعد عندهم!!!
قمت ابكي واصيح اقولهم ماراح اطلع من دونه
المهم ماجاء الفجر الا وانا في المستشفى استدعوا اخصائي القلب
وسووله كل الاشعه والتخطيطات للقلب
في البدايه شخصوها على انه التهاب في عضلة القلب وهبوط حاد بالسكر والتهاب رئوي حاد
وقعد بالعنايه 10 ايام حاطين له منوم
ومركبين له تنفس صناعي مع فمه وانبوب مع خشمه للحليب ومغذي مع راسه واسلاك القلب على صدره وقسطرة بول ويدينه الثنتين فيها ابر مركبه وحده لسحب الدم يوميآ والثانيه يسعفونه بدم كل يوووم
ورجله فيها ابره يحطون له مضاد حيوي ورجله الثانيه مساكه عشان تخطيط القلب
وهو كله عمره شهر و10 ايام
يااااااعمرررري وش تحمل.....
اكمل لكم الباقي بعدين