معاناتي معا السمنه بازدياديارب فرجك

السلام عليكم ورحمة الله وبركاته
الى حبيباتي الغوالي
أهني كل وحده شدة من عزيمتها ونحفت ووصلت للي تبي
واللي نحيفه وتبي تمنت ليتها ماتفكر بالسمنه
انا تعبت ووزني مانزل لكن وش اسوي
مالي حظ
والحمدلله على كل حال
قبل ماتزوج كان وزني حلو وجسمي خيال
وحملت وطار وزني وولدت وانا على106
وكل ماله في ازديادالين وصلت110
عملت رجيم ونزلت لين وصلت102
وحملت مره ثانيه وولدت ومن وقتها لي اربع سنين
مابين شد وحط انزل كم كيلو وترجع دبل
والحين صار118وزوجي بدى يتذمروانا كرهت حالي احيانا اتمنى أموت
اهلي كلهم اوزنهم حلوه وأعلى شي في70
ماغير انا حظي ردي
كل ماشديت الهمه اعوذ بالله يصير شي وأفشل
اكلي عادي العشاء محذوف واحيانا كوب حليب معابسكويت
دخلت مركز ودفعت فوق العشره الاف ونزلت 16كيلووكلها كم شهر ورجعت دبل
دخلت صاله رياضيه وكل اللى انزله 4كيلو وترجع
امشي وافرح بالمشي فجئه اتعب ويطلع عندي خشونه والتهاب مفاصل وابطل
الغده سليمه
والله يابنات اني اكتب ودموعي بعيني وش اسوي تعبت نفسي انحف وارضي زوجي
نفسي انحف واحمل نفسي انحف واللبس اللي ابي نفسي انحف وأغير نظرة الناس لي
تعبت والله تعبت لكن امر ربي ومالي اعتراض
بس حلم ليش موراضي يتحقق
اعذروني مالقيت احد غيركم اشكيله همي
دعواتكم عسى حلمي يتحقق بيوم وانحف