معاناتي مع ابنتي

شوفي اهم شي انتي لاتبينين لها توترك وخوفك
قصي لها قصص عن بنت صغيره ماتعلمت وش صار لها من مواقف ومرة ثانيه قصة بنت تعلمت يعني حبيبها في المدرسه عن طريق القصص واستخدمي شخصيات الحيوانات اللي تحبها
الشي الثاني تكلمي عن نفسك وعن قرايبها اللي مثل عمرها واكبر وانهم يروحو للمدرسه
في الاسبوع التمهيدي روحي معها واذا بكت لاتطالعين فيها تجاهليها وخليك واثقه من نفسك ولاتطاوعينها
اذا راحت اول يوم ومابكت وجلست طول المده المحدده كافئيها وامدحيها وهكذا باقي الاسبوع
عادي فيه اطفال يرفضون الدراسه في البدايه بس الموضوع يبي صبر وطولة بال
وخلي المعلمات هم اللي يتصرفون معها لان لهم خبره في هالمشاكل ودايم تصير واحيانا يحتاجون للصرامه معها
معظم الاطفال مايحبو المدرسه لانهم مانامو زين في الليل يسهرون واذا قامو الا معصبين ويبكون لان ببساطه فيهم نوم فخليها من الان تنام بعد صلاة العشاء مباشره
وان شاء الله بتسلك
موفقه 🌷

عادي طبيعي اول سنه من المدرسه فيها بكااااااااااااااااااااااء واستفرااااااااااااااااااغ وماابي اروح المدرسه والخوووووف بوجيههم .. شي طبيعي احنا عشناها .. وكيف تعاملوا معنا اهلينا امشي للمدرسه وهم شادين عيونهم علينا .. هي فتره وراح تتعود ...
وعلشان تحب معلمتها .. انتى بالبدايه جيبي هدايا اللى تحبها بنتك ولا تروينها لبنتك اعطيها الابله حقتها وخليها تعطيها لها بالفصل قدام البنااات ويصفقون لها تشجيع للبنت .. واذا جتك بنتك قولي لها ماشاءالله مين اعطتك هي سويت نفسك ماتعرفين ههههههههههههه عشان تعلمك ..
واذا بنتك مرررره مررررره ماتحب المدرسه .. وديها مدارس اهليه لان الاهليه يهتمون البنات .. مو زي الحكومي ماعندهم اهتمااام بالبنات خاصه سنه اولى ..

اذا كان فيه احد من الاقارب بيدرس هالسنه غيرها اجلسو امدحوه قدامها و ما شاء الله كبرت و تتدرس وش استعدادك للمدرسه
خلو الغيره تشتغل شوي بعدين و فلانه ما شاء الله تتدرس
يا كثر ما مثلنا عليهم يستانسون بالتعزيز 😂
لازم الخوف بالبدايه بس بعدين تتعود على المكان
و انتبهي تخلينها هالسنه دون دراسه او تدارينها بزياده
لازم تواجه المجتمع و بالاسبوع التمهيدي المعلمات ما يقصرون مع الطالبات لعب و اناشيد

اذكر امي تسحبببببني بالشاررررع وانا اصيح يومياً
للرووووضه مو للمدرسه
الا اروووووووح غصب ماتضربني لا تسحبني وتوديني غصب
ليومك يتطنزون علي اخواتي ههههههههههه
والله ماتتكلم معي ولا كلمه تلبسني وانا اصيح وتمشي فيني بالشارع لانه الروضه قريبه لبيت اهلي ابوي عليه يودي اختي للمدرسه بالسياره وامي توديني للروضه
تدرين كم جلست بروضه
اربع سنين من عمر 4 لحد 7 سنين بسبب صغر جسمي رافض يدخلني ابوي مدرسه يقول الى الحين صغيره
دخلت مدرسه وعمري 8 وبرضو نتفه بين الطالبات
والله مدري كم سنه بالروضه كم جلست اصيح بس اللي اذكره اخر سنتين لي بالروضه اروح بنفسي امي مو معي اروح واجي على رجولي
والله حتى الغياب يوم كنت ادرس بالابتدائي والمتوسطه والثانوي ماتقدر نغيبه الا بمرض فقط عندي امي وابوي يعني مانغيب وحنا مافينا شي
عاد ياليته طلعت زي خواتي شاطره امحق 😂😂😂😂
لذا لازم تودينها تصيح تصيح وتسكت مع الوقت يمل الطفل مع الوقت من الصياح بس لاتردين عليها لا بهواش ولا بزعل ولا كان احد يصيح راح تلاحظ انه الصياح مايفيد معك وتمل وتسكت
كانت امي كذا معي والله ماكاني اتقطع عندها مسكته ولا تمدح ولا شي

عادي اول سنه كذا داومي معها اول اسبوع وانسحبي شوي شوي
وخليك شوي صارمه معها انا بنتي جننتني لدررجه ان ابوها مل بغى يفصلها
لكن مع الصبر الحمدلله عانيت معها شهرين والحمدلله بعدها تعودت
كنت ادخل معها المدرسه واتعرف معها ع صديقاتها ومعلمتها ولارجعت اسولف معها واشتري لزميلاتها حلاو وبسكوت اقول وزعيه عليهم ابي تتحمس لروحة المدرسه وهكذا