السلام عليكم للجميع
حبيت اشاركم معاناتي النفسيه مع الاستشاريه جيهان شوقي في مستشفى نجد الاستشاري
بالرياض بدايه حللت عندها وطعت نتيجه التحاليل عندي زياده افراز في الغده الدرقيه لانها اثرت على عيني اليسار صارت كبيره
المهم قالت سوي اشعه نتاكد طلع فيها حويصلات نشطه عطتني علاج للغده قالت حبتين تاخذي وراجعيني بعد شهر ولا فهمتني شي صرت اخذ حبه صباح وحبه ليل
رجعت لها وقلت لها خاصمت تقول مين قالك تاخذي حبه صباح وحبه ليل قلت انتي ماعلمتيني المهم سوينا تحليل لسى نسبه الهرمون مرتفع زودت الجرعه 3 حبات الصباح وقالت تاخذيها سوا
بعد شهر راجع احلل قالت بالفم المليان "احنا حنشوف التحاليل لو رجع الهرمون لطبيعته ححولك للقراح=للجراح يشيلها لك"
:o انا انصقعت قلت يشيل ايش بالضبط سكتت وقالت "اه انا غلطانه ما اولتلكيش من الاول انها تحتاج قراحه=جراحه" وسالتها وش سبب الافرازات الزايده ف الغده تقول الحويصلات تتكون في الغده وهي اللي تسبب نشاط الغده ولمن ترجع لطبيعتها بالحبوب نتدخل جراحيا ونشيلها"
طول الايام ذيك وانا في حاله مايعلم فيها الا الله حسبي الله ونعم الوكيل
اسلوبها معفن ماتعلمك بالتفصيل
غيرت المستشفى ورحت لدله لدكتور استشاري الغدد
فحص الغده لي قال مايحتاج جراحه وكل بني ادم عنده حويصلات شرح لي وش سبب انتفاخ عيني اليسار وكيف راح نعالجها ارتحت وربي حسيت ايام مشرقه زي مايقولو ولسى مشواري في علاجها دعواتكم لي
والله على ما اقول شهيد في كلامي
حبيت بس احذركم منها اسالوها بالتفصيل الممل انا صقعتني في جبهتي لمن قالت جراحه واشمئزيت منها...
وسلامتكم
kawaii-me @kawaii_me
عضوة نشيطة
يلزم عليك تسجيل الدخول أولًا لكتابة تعليق.
غندورة المملوحة
•
حسبي الله عليها والف سلامه عليك اسأل الله الشفاء لك ولجميع مرضى المسلمين
الصفحة الأخيرة