معاناتي مع اطفالي

السلام عليكم ... حقيقي احتاج مساعدتكم ومشورتكم في موضوعي ..وابغى افض فض
اولا انا موظفه وبدون شغاله وعندي بنتين سنتين واربع سنوات ..طبعا انا بمدينه واهلي بمدينه تانيه ..ساكنه قريب من اهل زوجي ..ولان ماعندي شغاله فاظطر اني اودي بناتي عند جدتهم ام ابوهم وعندها ولدين حمس سنوات وست سنوات ...المشكله انهم متسلطين على بناتي بشكل مو طبيعي يخوفونهم ويهاوشونهم وياخذون العابهم وحتى اكلهم طبعا انا اجهز لهم اكل واعطيهم مصروف لو احتاجوا شي ..يرجعوا من جدتهم ما اكلوا شي اسالهم يقولوا الاولاد اكلوا اكلنا طيب والمصروف يقولوا اخدوه وراحوا اشتروا فيه ....فصرت اجهز اكل للاربعه واعطيهم مصروف لهم ولعمانهم ...ونفس المشكله ... كلمت جدتهم طبعا باسلوب حلو قالت بناتك مدلعات علميهم ماحد ياخذ اغراضهم ...بالاخير قلت لابوهم وكلم امه وقالت حلاص لاتجيبهم عندي ..كلمت الاولادد وفهمتهم ومافيه فايده ...ما ادري ايش اسوي دورت حضانات ماحصلت روضات مافيه قريب من عندنا وابوهم رافض يودي بعيد وباصات مايبغى يخاف عليهم ويقول خلاص غند امي ماهم ميتين جوع ...صرت اسهرهم وانا معاهم عشان يناموا عند جدتهم ويرجعوا تعبانين ماناموا ولا اكلواما يرتاحوا بنومتهم ...احذتهم معاي المدرسه اسبوع وبالاخير قالت المديره لاتجيبيهم ممنوع ...تعبت نفسيا ...لما يرجعوا بناتي واشوف اشكالهم ابكي من القهر ...لاني ماني مقصره مع اهل زوجي وياما حدمتهم وياما اعطيتهم ووقفت معاهم حتى ماديا ما اقصر معاهم ..وفي وقت حاجتي يصلحوا كدا في بناتي ...المشكله ما ليه احد ...دورت شغاله ماحصلت ...ولا حضانات ولا روضات ..وزجي شايف الموضوع عادي وبناتي حتى اشكالهم تغيرت ...قبل مايناموا يوصوني لاتروحي المدرسه.

تعبت وربي تعبت مافيه اجازات رعايه ولا استثنائي الابموافقه المديره ...والمديره رافضه بسبب الاحتياج بالمدرسه ..احيانا افكر افصل من التدريس لما اشوف بناتي .

ابغى حل ...او دعوه ربي يجزاكم كل الخير