معاناتي مع البواسير والمها الذي لا يطااق !!

السلام عليكم ورحمه الله وبركاته ..
حبيت اكتب لكم اليوم معآناتي مع الشرخ والبواسير
انا اخذت ع نفسي عهد اذا شفيت منها اكتب لكم قصتي
بدأت البواسير معي بحبه صغيره وتوقعت انها من الخياطه بعد الولاده وكانت ماتؤلمني
وبعد كم سنه صارت تؤلمني وضاقت الفتحه ! وصار امساك وسبب شرخ معاها
الاعراض اللي حسيت فيها :
الم عند الاخراج .. نغزات شديده .. حرقان مثل لسع النار .. نبض قوي لا يطاااق بالجهه اليسار
استخدمت :
زيت الخروع .. زيت الزيتون منقوع في ريحان ( زيت زيتون ÷ مر ÷ خوا جوا ) .. فازلين .. عسل ..
قشر الرمان .. منقوع مر .. وحقنت زيت الزيتون .. ماء البصل .. ووضعت المر .. وتنقعت بماء دافي وملح كل يوم .
ومشيت ع نظام غذائي اللي هو :
خضار .. فواكهه .. خبز بر .. سلطه .. شربت منقوع قمر الدين .. منقوع التين المجفف والزبيب الاسود
استخدمت الادويه التاليه :
تحاميل ( نيو هيلار ) و تحاميل ( بروكتو جليفنول ) ومرهمها
وتحاميل ( هيمو بروكت ) ومرهم مخدر ومطهرات
ومع هذا كله تخف اسبوع ع الاقل وترجع بالم أشد !!
مع انه مافي امساك وصار دخولي دورة المياه (الله يكرمكم ) بالنسبه لي رعب
والالم لا يطاااق لدرجة اني ما اقدر امشي ..
ودخلت منتديات كثير وقرأت عن تجارب الناس مع البواسير وقرات عن الدكتور حسن نصر
وتوكلت ع الله واتصلت ع مستشفى ( المشفى ) بجده .. وحجزت موعد بعد اسبوع ورحت ع الموعد وكشف علي الدكتور حسن نصر وقال معك شرخ مزمن و بواسير من الدرجه الثالثه !!
وقال لي تحتاجين عمليه وافقت ع العمليه
سوولي تحليل دم و تخطيط قلب و دخلت ع دكتور التخدير وشافني وقال لي تعالي بكرا الفجر الساعه 5
وانتي صائمه من الساعه 12 ليل .. رحت الساعه 5 ودخلت ع غرفتي وكانت مرا مرتبه وفخمه وجاتني الممرضه وقالت لي غيري ملابسك والبسي ملابس العمليه وركبت اللي المغذي بيدي وقاست الضغط والحراره ولما جت الساعه 8 نزلوني للعمليات وخدروني تخدير كامل وتوكلت ع الله والساعه 9 صحيت من البنج طلعوني لغرفتي والحمدلله ماكنت احس الا بألم خفيف والساعه 12 جابولي الاكل واكلت الحمدلله وبدا الالم معي يزيد شوي وجت عندي الممرضه واعطتني ابره مسكنه والساعه 3 جاء عندي ممرض واعطاني الادويه اللي احتاجها وهي :
مسكن باندول الاحمر .. حبوب توقف النزيف .. مضاد حيوي .. مرهم .. ابر فولتارين مسكنه اضربها كل يوم لمدة سبع ايام في المستشفى القريب من عندنا
الساعه 3 ونص جاء الدكتور حسن نصر وشال القطن والحمدلله ماحسيت بالم لانه قال لي خذي نفس
وقال لي الخروج الساعه 5 ان شاءالله الحمدلله خرجت الساعه 5 وكان معطيني ملين شربت منه بالليل وفي صباح اليوم الثاني رحت لدورة المياه ( الله يكرمكم ) وكان في الم بس الواحد يقدر يتحمله
واستمريت ع الادويه والحمدلله كل مال الالم يخف شوي شوي .
وانصحكم لوجه الله اللي معاها بواسير أو شرخ يتوكل ع الله ويسوي العمليه
الم شهر ولا الم البواسير المستمر
اتمنى انكم استفدتم من تجربتي واي سؤال تفضلو اسئلوا وان شاءالله بجاوب .