وميـــض @omyd_6

عضوة فعالة

معاناتي مع الخياطة بعد الولادة ؟؟؟

لي شهرين ألحين من بعد الولادة ولله الحمد
لكن معاناتي مستمره مع هالخياطة
سألت أختي عنها لكن للأسف أختي والده قيصري وماعندها خبره بالولادة الطبيعيه
فقلت مالي إلا خواتي بعالم حواء أستشيرهم

..

من أيام النفاس وانا أعاني من إلتهاب وانتفاخ بالخياطه
الجرح حاليا إلتأم لكن بطرف الخياطه من جهة المهبل
فيه ندبة منتفخة ودايم يطلع منها دم إلى الآن مع ان لي شهرين من الولادة والدم مستمر من هالندبه
طبعا هو مو دم كثير
لكن لمن أنشف ألقى نقطة دم في المنديل من هالندبه
مع شد قوي وألم فظيع في المهبل والفخذ الأيمن اللي هو جهة الخياطه
أحيانا أحس إني ما أقدر أحرك رجلي اليمنى من قوة الشد وأحس بتشنج المهبل من جهة الخياطه
حاولت أصبر وأتحمل ..

مدري هذا شي طبيعي وبيروح مع الأيام وإلا مو طبيعي
أبي تنصحوني يا أهل الخبره
مع العلم ان هذا أول مولود

ياليت محد يقول لي روحي للدكتوره لأني متعقده من الكشف
أمي واختي حاولوا فيني كثير أروح للدكتوره بس أنا رااااافضه
أتحمل الألم ولا أروح للدكتوره ...

سامحوني إذا في أخطاء أو عدم تنسيق ...

60K

يلزم عليك تسجيل الدخول أولًا لكتابة تعليق.

تسجيل دخول

المهــــــــــاااا • 13 سنة

لازم تروحين ياقلبي

يمكن خياطتك مشدوده

كريم ميبو زين

-أنامل ناعمه- • 13 سنة

ياقلبي ماراح يفيدك كلامنا
لان ماشفنا الجرح حقك
يمكن الخياطه من جهه ملتهبه ولسى مابرت
او يمكن صديد

حورية الانغام • 13 سنة

لا تصبري على أشياء يمكن تظرك حبيبتي
باين خياطتك مشدوده راجعي دكتوره نسائيه أفضل
تقبلي مروري

هايدي99 • 13 سنة

والله ماادري بس اتووقع جاك شمم في الاربعين

او مااخذتي المضاد بعد الولاده والتهبت الغرز

الحل الوحيد لالالالالالازم تروحين الدكتور واذا الغرزه خارجيه ماتحتاجين داخلي

انا بعد الاربعين رحت اركب لولب ولقت الدكتور الغرز تطلع صديد

وشفت الصديد بعيني في الشاش بس ماكنت احس بالم

وقالت السبب مااخذتي مضاد او ماا ستخدمتي مطهرر طبي بعد الولاده

هدوء..~ • 13 سنة

شكله جايك شمم وقت النفاس يعني التهاب الجرح بسبب العطور الله يعينك والله ما اعرف لو مكانك رحت طيران للدكتورة اهم شي راحتي والله ..
الله ييسر امرك ..