معاناتي مع الدورة الشهرية ..

السلام عليكم و رحمة الله و بركاته

الدوره كانت تمام معي .. 5 ايام يا محلاها
صحيح كانت تقدم اسبوع و احيانا تأخر اسبوع بس طبيعي ..
بعدين غلطت غلطة العمر ، تركت الاهتمام
كل شي غير مسموح بالدوره من غبائي كنت اسويه ..
اشرب بارد امشي حافيه اشرب غازيات
كل شي كنت اسويه غير مسموح
و الحين قاعده اعض اصابع الندم
ندمانه حيل حيل بس وش يفيد الندم
دورتي تدمرت ، صارت تنزل علي يوم واااااااحد فقط و بهاليوم اموت عشرين مره من الالم و النفسيه التعبانه ..
و بس يخلص هاليوم ما عاد اشوف شي و لا ادري انا طهرت و الا لأ و تبدأ معاناتي الثاني هل اغتسل و اصلي و الا انتظر 5 ايام !
حاولت اتدارك عمري و اترك هبالي و تركته
لكن ما تعدل الوضع ، صرت اعتني بعمري اشرب اعشاب بردقوش قشر قهوه ميرميه و اكل رشاد مع تمر ولاحظت في غزاره لكن لمجرد يوم واحد .. و اذا انقطعت بعد هاليوم تركت الاعشاب و الرشاد ..
احس اذا وقفت خلاص مو مستاهله اكلهم و اختي تهاوشني تفول كمليهم لخمس ايام حتى لو ما ينزل معك شي ..
رحت للمرخه و مرختني لمدة 3 ايام و قالت لازم تستمرين معي كم شهر لكن علشان حالتي الماديه تركتها
و صارت تنزل معي يومين كاملات .. خير و بركه ..
الى الحين و هي تنزل معي يومين بس .. و اليوم الثالث ما تنزل لكن ما احس بنظافه ..
انصحوني وش اسوي وشلون اعالج عمري ..
هل نصيحه اختي تمام ؟ و الاعشاب ممكن تفيدني حتى لو انقطعت عني ؟