معاناتي مع الدوره وألمها..

السلام عليكم..
أنا من قبل ما أتزوج أعاني من ألام فضيييييييعه لاجتني الدوره ودايما أروح المستشفى ويعطوني إبر ومغذيات وأحيان توصل لأربع أو خمس إبر ورا بعض ومع ذلگ ما يخف الألم..ودكتوره النساء تقول هذا شي طبيعي بعد الزواج بيروح الألم كله..
تزوجت وما زلت أعاني..وبعد 5 أشهر حسيت بأعراض نفس الحمل ونزيف وكذا ورحت المستوصف وقالت عندك كيس أو تكيس..وحولتني ع مستشفى النساء والأطفال بتبوگ..وعشان أتأكد رحت لدكتوره مرررره شاطره بالديره لما نزلت لأهلي وأكدت لي كلام الدكتوره الأول..
وبالمستشفى لما رحت للموعد قالت ما فيك ولاشي وعطتني أشعه اتحاليل اسويها ثاني أو ثالث يوم للدوره( أظن انه لهرمون الحليب)..وأنا دايم قبل الدوره صدري يتورم ويوجعني مرررره إلا هذاك الشهر اللي سويت التحليل فيه ما حسيت بألم..
ورجعت لها بعدين قالت أشعتك سليمه وسألتني عندگ شعر زايد بجسمك قلت لها لأ..بصراحه ما فهمت سؤالها إلا بعدين..وسكت شوي وقالت كمان تحلاليلك سليمع.. ومع ذلك خليها تسويلي سونار عشان أتطمن..
هي تحسب هذا كله عشان الحمل وأنا كل همي أرتاح من ألم الدوره وقالت إنتظري سنه وإذا ما حملتي ارجعيلي لأني مابي أوصف لگ شي يلخبط أمورك (وربي ما تتخيلون قديش أتعب مغص وغثيان وإستفراغ مستمر وتشنج أطرافي)..
والبارح جتني الدوره وزوجي بالدوام ولما جاء رحت المستشفى وقال الدكتور دام الألام قويه كذا أكيد فيه أكياس أو تكيس مادري..وظليت منومه من 2 لين 5الفجر..وظغطي گان مره منخفض..
والحين أفگر إني بكره أروح المستوصف وأسوي أشعه وتحليل هرمون الحليب لأن بكره بيكون 3يوم للدوره لأنه يمكن هو اللي مأخر الحمل عندي..والله متلخبطه ومو عارفه إيش اسوي..
مو عارفه أروح لأي دكتوره بتبوك..
إيش رايكم بدكتوره ساميه بالدخيل؟!!وتكفون لأحد يقولي إيمان بالشفاء لأني كرهت هالمستوصف..
واللي عانت من أكياس أو تكيس أو هرمون ياليت تحگيلي إيش الأعراض أو أي شي..؟!!