ما حبيت امر و ما ارد على موضوعك
اول شي اقول لك ان كتابتك لموضوعك و طرح مشكلته يعني انها بداية التغيير
انا حاسة فيك لاني كنت في مثل حالتك و اكثر
هذا و انا ما تعديت العشرينات و مو متزوجه و لاشي بس وزني وصل لل 93 او 94
و طولي ما يتعدا 1.60
المهم جات فترة مري بشوية ظروف عائلية و التوتر من الاختبارات و وصلت لل 88 و بعدين 86
بس التجريح و الاحراجات من الناس اللي ما عندها مشاعر كانت تضايقني
بس عمري ما فكر اسوي رجيم لاني رغم الكلام و التجريح الا اني مقتنعة ان جسمي عادي
لين جا الوقت اللي بديت افكر بجدية
خصوصا اني اتضايق كثير من التجريحات و تجرا استاذني انه يجرحني و يحرجني قدام الطلاب
ذاك اليوم صحيح جلست ابكي تقريبا يوم او يومين
بس بعدين بدت الفكرة تجي براسي
جا اليوم اللي قررت اسوي رجيم
و امي و اخواتي متاكدين مية بالمية اني ما استمر يوم واحد
لان كل تجاربي مع الرجيم تفشل من اول يوم
و هالشي شجعني اكثر اني اثبت لهم
و بديت الرجيم فطوري شاي و ثلاث تمرات
و الغذاء سلطة و لقمتين او ثلاث من الطبق الرئيسي
و العشاء سلطة و معاه اي شي بروتين
و اسوي رياضة ساعة او ساعة و نص
مر الاسبوع الاول صعب جدا لدرجة اني بكيت و انهرت قدام امي و اخواتي
و السبب ان الاغراءات ببيتنا كثير
بس الحمد لله شجعوني و انا تذكرت كلام البنات و الاستاذ و حطيت تحدي
اني ما ارجع للمدرسة الا و انا رشيقة
و كل ما اتذكر كلامهم ازيد من ارادتي و عزيمتي اكثر
و اذا ضعفت و حسيت اني رح اوقف
اقرا قصص نجاح سواء للبنات او للشباب
و بعدين لقيت تجمع لرجيم النقاط اسمه السيدة الرشيقة تلقينه بقسم الرشاقة و اللياقة
و اللحين الحمد لله وزني وصل 76
و باقي لي شهر و ايام و نرجع للمدارس
و ابي اكمل التحدي
رغم اني هالايام اخبص شوي
و ضعفت عزيمتي
بس ان شاء الله ارجع للرجيم و اتحمس اكثر
و اتمنى انك تحبي نفسك اول يعني ما اقول لك سوي الرجيم عشان زوجك
لا عشان نفسك انتي اول شي و بعدين عشان زوجك و حطي لك تحدي انك تبهري الكل
حطي دايما ببالك صورتك و انتي رشيقة
فكري بالايجابيات و لا تفكري بالتعب
و كل ما نقصتي كيلوا فهذا شي جميل
و المفروض يحمسك اكثر
ما انصحك بالريجيمات اللي تحرمك من الاكل
لا حطي لك رجيم خاص فيك
و كل 10 ايام او اسبوع يوم مفتوح كهدية لك انك نقصتي
الرياضة الرياضة لانها اهم شي عشان لا تترهلي
امشي البيت ارقصي سوي تمارين شد
و ان شاء الله تنحفي من غير شر و توصلي للوزن المثالي
بس يبيلك ارادة و عزيمة

السلام عليكم اختي قريت موضوعك والله كنك تتكلمي عني وعن تجربتي انا متزوجه وعندي عيال وسبحان الله مريت بالي مريتي فيه بس انا طولي 152 تخيلي😢وزوني مدري يمكن 81 وزجي طفش مني انا ارواب الروز المشكله فيني برود فضيع ضايفه حسابات بالانستقرام ودخلت قروبات واتس التزم اسبوع واطفش وواوقف رجيم واطللع من القروب واشتري من هالكريمات وخلطات تخرب مرميه بدولاب مدري ليش هالبرود الفضيع وابشرك زواج حماي بعد شهرين لااحساس ولاشي مع اني حفله ملكه تعذبت نفسيا مالقيت فستان ع جسمي ولبست فستان اسود وتحته مشد وتعبت نفسيا وقررت انحف برمضان عادي كم يوم وراح تانيب الضمير هههههه والله قهر شجعني واشجعك لس اتوقع انك مثل حالتي غير احلام وقرارات من غير تنفيذ واذ طفشنه طحنا بالاكل هههههه

جربو اسامه حمدي انا نزلت بالاسبوع الاول 2 ك
فيه تجمع له تعالو نشجع بعض ونكرر الاسبوع الاول لان هو اللي نزوله واضح
جربو ماراح تخسرو شي