الطريقه الأولى اشتري برميل شامبو جسم وشعر وايدين يكفي شهور
الطريقه الثانيه : بكوب اخلطي الشامبو بماء
وجزء تصبينه بكوب الليفه اوطاستها علشان يتجمع الصابون فيها بكل مره
وجزء للشعر
وتستعملينهم بعد ماتغسلين الشعر والجسم بماء هذا يخلي الليفه ترغي اكثر
بعكـ س لو كان الجسم ناشف فيستهلك شامبو اكثر واكثر
والشعر نفس الشي
الطريقه الثالثه: أو اشتري جركن شامبو وجركن صابون جسم وايد
الطريقه الرابعه : للجسم انك تبشرين صابونة دوف الورديه وتذوبينها على نار هاديه وتضيفين لها ماء ورد ونشا ولر ماء حنفيه
وتقلبين لين توصلين للكثافه اللي تبينها وبعد مايبرد حطيه بجركن وعلب صابون
ونفس الطريقه لوعندك قطع صابون مر وصابون رقي النوع القديم سوري ولبناني هذا صابون زىت زيتون
واي انواع ثانيه بس لاتكون عطريه
لان العطريه تسمر وتسبب تصبغات للبشره
الطريقه الخامسه: تشترين كرتون صابون رقي اصلي بزىت الزيتون وتقسمينه جزء للشعر وجزء لليفه والجسم يكفي سنه
الطريقه السادسه: اشتري شامبو طبي غالي للشعر مع زيوته علشان تجبرين نفسك على استعماله للشعر وبس
ودايماآخر شطفه ماء صحه أو ماء بارد
ونفس الشي صابونة الجسم والجل ومقشراته
الطريقه السابعه: فيه صابون مبشور نوع للجسم ونوع للشعر ياخذ فتره طويله
الطريقه الثامنه: جهزي خلطه صابونيه لتبييض الجسم (مكونات الاصليه بالنت باسم مزيونه وشقرا)
وجهزي خلطه صابونيه لتغذية الشعر
بهالحاله ماتقدرين تستعملينهم الا لغرضهم والا فالنتيجه بتكون عكـ سيه ولاراح يستفيد الشعر وبيتغذى شعر الجسم
الطريقه التاسعه: اشتري طقم كبير وشامل شهريا شامبو شعر وجل جسم وليفه ومعطر وبودر وزىت شعر
الطريقه العاشره: قارني مبالغ الشامبو اللي يخلص وتشترين ويخلص وتشترين بقيمة شي من الأشياء هذي
بتلقين انها أوفر وصحيه وتاخذ شهور
الطريقه 11: اشتري انواع شامبوات لارج وكل مره تستعملين نوع بعد اخذ كميه وخلطها بلماء
هذا يغذي الشعر ويكفي شهور وطريقه صحيه جدا
ونفس الشي صوابين الجسم
الطريقه 12: جهزي عدة استحمامك بجنطة استحمام
والزايد من كريماتك وشامبواتك وصابون الجسم مقراض اظافر الخ
واحفظيهم فيها عند أروابك وكل مااخذتي الروب للاستحمام تاخذينها
الطريقه 13: بواقي صوابين الاستحمام الصغيره ابشريها +بواقي شور جل الجسم +بواقي الديتول =حطيهم بجركل وضيفي الباقي ماء ساخن
واتركيه بالحمام يبرد واذ احتجتيه بأي يوم فاخذي لك كميه بكوب/ طاسه وليفه للجسم
ونفس الشي بواقي شامبوات الشعر بجركل صغير علبة شامبو او أي بطل
الطريقه ال14: حددي من مصروفك السنوي مبلغ سنوي للشامبوات والصوابين ولوازمهم ومنظفات البيت
مثلا سنويا 1200 ريال محدده لهم
وتشترينهم جمله بيكفون لسنه منها نظمتي اولوياتك ومنها نظمتي ميزانيتك وعرفتي تكلفتهم السنويه
وكل شي من أكل لبس منظفات عزايم طلعات اسواق خططي له وقسمي له بنفس الطريقه
هالشي بيساعدك توفرين بدال لاكل شوي تشترين الشغله بنفس السعر وتهدرين مبالغ اسبوعيه وتكررين الغلطه والاستنزاف
الطريقه ال15: بسعر الشامبو اشتري طقم اطفال كبير اووسط شامبو وجل وزت وعطر وبودر
وهكذا تعودي تقارنين سعر الشي اللي يستهلك مبالغ مكرره يوميا واستعماله دايم وحجمه وكميته بسيطه بطقم اكبر أو شي أوفر
الطريقه ال16: ركبي رفوف أودولاب بالحمام وكل ماتسوقتي أو طلبتي من البقاله اشتري:
صابونه /شامبو / شور جل/ معجون اسنان/ مناديل صابونيه / نساءيات/ منتجات اطفال / ليفه / مناديل الخ
واحفظيها بالرف
فتلاحظين انها كلها اشياء ماتكلف وكمياتها بسيطه لكنها تفك ازمه لو تجمعت وصارت تزىد يوم عن يوم
وقريبه من مكان استعمالها وهذا هو الأهم والمنقذ
وبهالطريقه تقدرين بعد تدلعين نفسك وتستعملين كل مره نوع
وتقدرين تطبقينها على لوازم الأكل وكل شي ببالك
مثلا تطلبين مره بهارات مره كتشب ملح مكرونا تانج عيش الخ بدولاب حدده للتزين اللي من هالنوع
فيجي الشهر الجاي
من غير لاتحتاجين انك تصرفين عليهم وبالمبلغ كافئي نفسك بخاتم بقلب بلبس بعطر الخ
الطريقه 17: احفظي الصابونه بطبقها الصيني وعليه صفحة قصدير
لان ركنها قريب من الدوش يذوبها اسرع حتى لو محد استعملها وتخلص مع اول استعمال
الطريقه 18: حددي يومين بالاسبوع لغسل الشعر بالشامبو علشان الشعر يستفيد من زيوته
وبغير هالأوقات احفظيه بمكان بعيد عنك علشان لاتستسهلين استعماله لغير غرضه وافادته اللي شريتيه علشانها
الطريقه 19: خلي هداياك اطقم شامبو وشورات فبترد لك كهدايا المرات الجايه
فايدة هالطريقه / لو خلص الشامبو فدولابك بيكون مليان هدايا من هالنوع نفس لماتهدين وحده فلوس وتهديك فلوس
الطريقه 20: فيه عروضات شامبو كبير ومعاه واحد مجانا أومعاه شور جل
هذااوفر من المعتاد بمراحل
ونفس الشي الصوابين والشورات والمعاجين وووو واشتركي وتوصلك عروضاتهم اليوميه لبريدك
بس اكتبي بقوقل
عروضات الاسواق والهايبرات
اللي بمنطقتك ومنطقة اهلك واهل زوجك واي منطقه سهل توصلين لها
الطريقه 21: استعملي بخاخ كبير وسط فاضي للشور جل أو صابونتك المبشوره +والباقي ماء ورد وماء حنفيه وبللي جسمك وليفتك
ورشي على الليفه منه هذا أوفر بدال لاتصبينه دايركت
لأن عبواتهم مصممه بطريقه تخليها تخلص بسرعه خياليه علشان تشترينها مره بعد مره
الطريقه22: حددي طاسه خزفيه لـ ليفتك تضيفين لها كميه من الشور او صابونتك
ووقت الاستحمام بترغي بكثافه لعدة مرات وقت الاستحمام وهذا توفير قمه
الطريقه 23: تعبئة جزء من البانيو ماء اوفر للصابون والنتيجه احلى والمود فوق
الطريقه ال24: الاستهلاكيات من منظفات ومعلبات وشارابات واندرات ونسائيات وغسولات خلي شراءها سنوي وجمله ولارج
بهالطريقه بتكون متوفره طول السنه وبهالطريقه توقفين هدر مبالغ يوميه لوجمعتيها بتطلع رقم فلكي
وبالتوفيق يارب

على حسب افراد الاسره
واذا كان الشعر الطويل يفرق عن القصير
انا اشتري علبه كبيره اكبر حجم
ويجلس عندي شهر