السلام عليكم كيفكم صبايا
طبعا من فتره حبيت اغير لون شعري .. لونه الطبيعي بني وسط مو غامق ولافاتح
وحبيت يكون لونه فاتح شوي على عسلي
المهم وحده قالت لي استخدم الخلطه اللي بالبروكسيد تطلع الشعر طبيعي ولونها حلو
طبقتها بنفس الطريقه بس مانفعت معي ابداااا ولاكأني حطيت شي . جلست فتره وجربتها مره ثانيه ونفس الشي شعري ماتغير
قلت استخدم صبغه اضمن وافضل .. وشريت غارنييه لون اشقر رمادي
وحطيتها وكل شوي اشوف في المرايه ولاتغير شي تركتها ساعتين وغسلتها
النتيجه لون بني خفيييييييف مايبان الا في ضوء قوي :06:
بالرغم شعري خفيف شوي يعني توقعت تبان فيه بسرعه
قلت يمكن يحتاج صبغة قويه مثل كوليستون
جلست 3 شهور وبعدها اخذت كوليستون الرغوه شفت كثير مدحها وانها سهلة الاستخدام وتتوزع عالشعر
اخذت لون اشقر رمادي فاتح لانهم قالوا لي بيصير على شعرك عسلي
عملتها امس ووزعتها على شعري كانت سهله مره وقالوا انها ماتحتاج تصبغين الاطراف وتتركين الجذور اخر شي مثل الصبغات الباقيه
تركتها 40 دقيقه واشوف في المرايه تغير شوي بني خفيف قلت اتركها اكثر حتى يصير اللون اللي ابيه
بعد ساعتين شفت اللون اللي ابيه ورحت غسلتها
بس تفأجات ان نصف الشعر تلون ونصفه لاااا :06:
شعري لنصف الظهر تقريبا .. من الاذن وتحت لسا بني على لونه .. ومن الاذن وفوق العسلي اللي ابيه انا
ونفس الشعر من قدام مو متوزع اللون تمام جاي بني فاتح على عسلي
بالرغم اني وزعت بنفس الكميه وتغلغلت لكل الشعر
انا فكرت اخذ رغوه جديده لون افتح درجه من اللي اخذته واصبغ اللي تحت وفي اخر شي ارجع عالجذور -والحمد لله باقي شعري على نعومته ماتاثر بالصبغه- بس اخاف يخرب لو صبغته ثاني في خلال ايام
بليييييز اللي عندها حل تساعدني قبل يوم الاحد لان عندي دوام ومااقدر اروح كذا
وهل اقدر اني اصبغه بعد يومين كذا ! بس اخاف ترجع نفس المشكله ويطلع نصف ملون ونصف لا
تكفون ابي حل :(
,,كلي حـــلا,, @kly_hla_13
عضوة نشيطة
يلزم عليك تسجيل الدخول أولًا لكتابة تعليق.
كلمة على الماشي
•
كنتي مستخدمة حناء أو أي صبغة أغمق من الأشقر؟
من الحنا
اصبري سنة أو اكثر عشان ما يبقى لها أثر في شعرك
الحين ما عندك حل غير انك تغمقينه شوي عشان يتوحد
اصبري سنة أو اكثر عشان ما يبقى لها أثر في شعرك
الحين ما عندك حل غير انك تغمقينه شوي عشان يتوحد
ايوه من الحنا ماتخلي لون الصبغه يطلع انا مع الاخت انك تغميقينه وبعد فتره اصبغي في صالون لأنه حرام كذا يخرب الشعر من التجارب
اجرب اغمقه ان شاء الله
وبالنسبه للصالون ماحبيت اروح خفت يعدمون شعري قلت اصبغه في البيت اضمن
الف شكر حبيباتي
وبالنسبه للصالون ماحبيت اروح خفت يعدمون شعري قلت اصبغه في البيت اضمن
الف شكر حبيباتي
الصفحة الأخيرة