معاناتي مع القلق والاكتئاب وعلاقة المعدة

السلام بنات اخباركم بقولكم قصتي من البداية ..
بيوم من الايام جاني مغص ببطني دوخه وتعب وضربات القلب جدا سريعه رحت عالمستشفى وانا بالمستشفى فجأة جتني دوخه قويه حيل لدرجة الدكتور والممرضهه وقفوا كذا قدامي منصدمين واستفرغت حاجة صفراء وحطو لي مغذي وطلعت عالبيت وجيت البيت وجلست استفر غ استفرغ وانتوا بكرامة مع اني لي اكثر من 9 ساعات مو ماكله شي ورحت المستشفى من جديد المهم ان ماوصلوا معي بنتيجة وطلعت عالبيت ومن هنا بدأت معاناتي صرت بس افكر باليوم هذا وصار يجييني قلق مو طبييعي وضضضضضضضيقة صدر قويه لدرجة بس تجي حزة المغرب اقعد اصيييييح وماقدر ا يجي يومين ماانام اذا نمت افز بسرعه من نومي كني اختنق واحس بشي واقف لي بصدري ويدي اليسار تعورني وقلبي نغزات وضربات قويه لدرجة كأنه بيطلع من مكانه ورجفففة واحس جسمي شاد وصرت افكر واقول انا لين متى بعيش هل راح تكون حياتي كذا لين متى وليش اصلا اعيش يعني افكر باشياء سلبية من الاخير يعني جسمي كله تعبانه ونفسيتي العن ووزني ينزل بسرعه يعني تقريبا نزلت 20 كيلو رحت مستشفى خاص اخذوا علي منظار للمعدخ صار عندي ارتخاء بصمام المرئ وصف لي ادويه شهرين والحمدلله تحسنت معدتي 50% لكن القلق والاكتئاب ملازميني اخاف ترجع هذي الايام اخاف من الستقبل شلون بجيب عيال وبربي شلون بفتح بيت شلون بسافر وبروح صرت اكره الطلعات مع اني كنت اموت بشي اسمه طلعه ومسيار صرت اكره التجمعات والناس يعني فجأه الاقي نفسي بينهم ضربات قلبي سريعه واحس بيغمى علي رحت دكتور نفسي وصف لي دواء للقلق حبه يوميا بااسبوعين حسيت نفسي رجعت للحياه صرت اطلع واروح واضحك بس للحين اخاف من داخلي يعني شلون افهمكم يعني انا اروح واجي وانا تعبانه بس ماصرت اتوتر واقلق من هالشي نفس قبل والمشكله الآن اني على هذا العلاج سنتين والان الدكتور يحاول يقطعه بالتدريج بس انا احاتي اذا قطعته ارجع نفس قبل مع اني للحين احس بقلق وخوف وتفكير وجسمي يشد .. سؤالي / هل فيه احد مر باللي مريت فيه ؟ هل فيه احد منكم تعالج نفسيا وترك العلاج ؟ هل فيه احد منكم حس بشوي من اللي مريت فيه ؟ عطوني نصايحكم وواسوني ...