معاناتي مع المعدة

قبل شهرين صابني وهن وتعب وخمول وطحت بالفراش حتى الأكل ما أقدر أكل والشهية مسدوده وعملت كل الفحوصات فحص الدم والغدة وسويت صورة ألتراساوند وتخطيط قلب وجميع الفحوصات سليمه والحمدلله..وشارت عليي احد الأخوات أسوي فحص جرثومة المعدة وفعلا سويته وطلعت النتيجه إيجابيه وأخذت العلاج الثلاثي وطبقته بحذافيره ولله الحمد بعد ما خلصته عملت الفحص وكان فالمرتين فحص نفخ البالون وكانت النتيجه سلبيه والجرثومه راحت ولله الحمد.
المشكله ألحين أني أحس بخمول أحيانا وألم فالمعدة مع امساك وانتفاخ وأحيانا أقوم من النوم بالليل وجسمي يرعش وبرداااانه وعندي خفقان فالقلب ولما أقيس الضغط احصله عالي ويستمر لفتره ويروح عني وأرجع طبيعيه بعد دقائق..وأيام أكون طبيعيه لا انتفاخات ولا غازات ولا شي مع العلم انه عندي نغزات فالمعده وتنتقل من مكان لأخر ولما أشرب مغلي زعتر أو شاي أخضر تخف والحمدلله.سويت فحص فيتامين ب 12 وطلع عندي نقص بسيط وفيتامين د وبعد طلع عندي نقص بسيط حسب ما خبرني الدكتور وكتب لي حبه فيتامين ب 12 يوميا قبل النوم مدة شهرين وحبة فيتامين د3 أسبوعيا مدة 4 شهور
بغيت أعرف هل هالحاله لها دخل بإصابتي بجرثومة المعدة سابقا مع أن التحليل وضح أنها راحت خلاص لأن تعبت من التفكير