ما شاء الله عليكم يا بنات والله ما اتوقعت سرعة التفاعل هذي

الله يجزاكم خير والله فرحتوني ..


عزيزتي هوى الدار

يكفيني ردك ودعوتك يالغالية الله يعطيكِ العافية ولا يوريك مكروه

وبالنسبة للدكاترة أنا رحت لأشهر وأمهر الدكاترة بس ما فيه فايدة

والحمد لله على كل حال ..

حبيبتي أم محمد ..

الله يسمع منك وينتقم من كل من أراد الشر لمسلم ويرد كيده في نحره

وبالنسبة للبيت أنا واثقة بإذن الله أنه راح نرتاح لو خرجنا لكن خرجتنا منه

صعبة جدا لظروف معينة ياليتها كانت مادية ولكنها تتعلق باهل زوجي

ومستحيل نقدر نخرج والله المستعان ..

تسلمين يالغالية على الدعاء الله يجزاكِ خير ويفرح قلبي وقلبك وقلب كل محروم

بالذرية الصالحة أنه على ذلك قدير .

أختي oOROo

ما يجيكِ الشر إن شاء الله , سلامة قلبك ياعيوني

ومن ناحية العين أو النفس الله العالم كل شي جايز , وانا سمعت عن كذا وحدة

جالها نزيف وشالولها الرحم والله اني خايفة من الشي هذا لكن اللهم لا اعتراض

على حكمك , مشكورة حبيبتي على مرورك وردك الكريم والله يجزاكِ خير .

عزيزتي الطير المهاجر

يشهد الله أن ردك أثلج صدري انتِ وباقي الأخوات , فعلا كل من يسمع

بحالتي يستغرب واعتدت على الشي هذا , ومن ناحية اني ممكن ألاقي شي في البيت

أنا فعلا لقيت الورقة اللي قلت عنها وكمان فيه تفاصيل ثانية ما حبيت أذكرها عشان

ما أطول عليكم وأهمها أنه قريبة زوجي في أول زواجي أعطتني بخور وعودة قالت

جايتني من الرياض وحابة تجربينها وأنا على نيتي أخذتها وفعلا بخرت البيت

وكلمني زوجي وهو راجع من العمل وطاير من الشوق ( عرسان ) وأول ما دخل وشمها

انفجر في وجهي بكلام وتصرفات غريبة وجلس أكثر من أسبوع ما يكلمني !!!

وسمعوا أخواته صوته ونزلوا قمنا شكينا في البخور , اتخيلوا أنا متأكدة إني قبل

نص ساعة حاطته في منديل على دولاب المطبخ جينا ندور أنا واخوات زوجي الثلاثة

ما لقينا شي !!!!!!

لكن إلى الآن ما أبغى أعلق معاناتي بشخص أو فكرة معينة عشان ما أتعب أكثر

وما أقول إلا حسبي الله لا إله إلا هو عليه توكلت وهو رب العرش العظيم , مشكورة

يا قلبي على دعواتك الطيبة مثلك وحسن مواساتك , الله لا يحرمك أجرها .

عزيزتي شامه

مشكورة حبيبتي على مرورك وردك ودعائك وإن شاء الله ماني مقصرة ,

والله يقوينا على طاعته ورضاه , تسلمين يا قلبي والله يجزاكِ كل خير.