ولدت قبل اربع شهور قيصري واستخدمو معاي 5 محاولات طلق صناعي الا غصب اولد طبيعي هههه + الاكسجين استمريت اشفطه حوالي 10 ساعات + المخدر وقت العملية
المهم الحين وضعي سيء جدا بسبب النسيان و التركيز!
احيانا انسى اني صليت واجلس افكر طول الوقت انا صليت ولا لا ؟ و اروح اصلي
و امس رحت سنتر بوينت عشان اغراض البيبي وواقفه ساعه بقسم الاطفال احاول اتذكر وش كنت ابشتري واتفرج بالاشياء يمكن اتذكر بس مره نسييييت ودقيت ع اختي وسألتها وقالت لي =(
ولما بدات اطبخ بعد النفاس نسيت طريقة الكبسة وكل الاكلات الي متعوده اسويها
لو تسألوني وش صار امس اتذكر بصعوووبة لدرجة انحرج مثلا احد يسالني متى رجعتي من السفر اقعد افكر ساعه واضطر اجيب يوم من راسي عشان ما انحرج
غير اني انسى المواقف وانسى وين حطيت اغراضي واكون مخططه اسوي شي بيومي وانسى .. حتى الحين ناسية المواقف اللي نسيت فيها
والتركيز نفس الشي مثلا احد يكلمني او يشرح لي احس اني مو معاه ولما يسألني او يقول عيدي اتورط واحيانا وانا اسوي الرضاعه الخبط بعدد الملاعق مثلا
تتوقعون هذا من تأثير البنج ؟ ولا ايش ؟ مره تعبت
كل شي انساه ماعدا لحظات الولادة لاني عانيييت اتذكر ادق التفاصيل فيها
rashaSM @rashasm
محررة
يلزم عليك تسجيل الدخول أولًا لكتابة تعليق.
أتوقع البنج له دور كبير بحالتك بس في ياقلبي ماكولات وشغلات اذا استخدمتيها تقوي التركيز والذاكره وشي ثااني الاشاي ءالمهمه سجليها بورقه افضل مثل أغراض البيت والاشاي الاساسيه واذا ظلت حالتك كذا او زادات افضل حل تراجعي الدكتور ممكن يعطيك فيتامينات وان شاء الله ماتحتاجينها وفتره وتعدي وحمدلله علي سلامتك
الصفحة الأخيرة
استخدمي اللبان الذكر مقوي للذاكره
وكمان قريت عن رائحة اكليل الجبل تشميه يقوي الذاكر
والله اعلم