معاناتي مع امساك الاطفال الشديد

كيفكم عساكم كلكم بخير وصحه وعافيه يارب.💐
اول شي قبل ابدأ كلامي ابي كل وحده تستفيد منه تدعيلي من قلبها وجزاكم الله خير.
الامساك الشديد عند الاطفال ماتحس بمعاناته الا الام اللي مجربة. انا ولدي من يوم انولد الحمدلله تمام مافيه الا العافية لين وصل عمره ستة شهور بدأ معاه الامساك. فما كنت حاطة فبالي انه شي راح يتعبني مع الايام. كنت اعطيه تحاميل واخفف اكله وكذا. ليييين لاحظت انه المسأله طولت وصرت اوديه المستشفى وكل واحد يقلي نوع الحليب والا نوع الاكل والا عوديه ع الحمام ومن ها الكلام ومافي فايده ابد. وجربت جميييييع انواع الملينات وكمان الحقن الشرجية اكرمكم الله. ويومياً احطه بطشت دافي بعمري عنه كل شي سويته له واعطيته وبدون فايدة. صار عمره ثلاث سنوات واحنا بنفس المشكله لين قبل شهر قلت بمشي على وصفة
((🛑الشوفان🛑))
والله يعيني. المهم كنت اقطع نومي واقوم اغلي ثلاث ملاعق شوفان وابعدها عن النار واحط فيها ست حبات تمر. واحطهم بالخلاط وبعدها اصفيها واعطيه بالرضاعة مع كم نقطة زيت زيتون بكر. . طعمها حلو للاطفال. ومشيت ع الوصفه هذي فترة.والحمدلله الحمدلله الحمدلله تحرك بطنه اللهم له الحمد والشكر. وبعدها قلت خلاص اختصر وقمت طحنت الشوفان وخليته بعلبته وصرت اخذ ثلاث ملاعق واحطها بالركوة لين تغلي اول غليه واطفي عليها يصير لزج مرة واذا مرة ثقيل اخففه بمويه واخليها لين تدفى واحطها بالرضاعة واحليها ب عسل. والحمدلله ليومنا هذا مافي امساك بعد معاناه ثلاث سنوات.طولت عليكم بس اللي عانت زيي ماتحس انه طال الموضوع تبي اي شي يحل الازمة هذي.
نسأل الله العافية والسلامة ويحفظ لنا كل غالي يااااارب
دعواتكم♥️