معاناتي مع امي ؟

اهلين بنات انا الصراحه نفسيتي تعبانه من امي ودي اصير مثل البنات الي تروح لاهلها تزور وتنبسط والي تنام عند اهلها والي تتنفس عند امها وتهتم فيها انا اذا جيت ازور امي تجلس تلاحق عيالي ليغيرون شي من مكانه مع ان عيالي ماشاءالله معودتهم على التحف والاثاث ولهم غرفة العاب ما يلمسون شي حتى النفاس يابنات تقولي كا نك بتحطين لنا كنب جديد والا لاتجين اذا رحت ازورها ماتفرح بجيتي مع اني محدده يوم الاثنين والخميس ازورها وتتكلم علي بدون سبب ليش مدري حتى اني اذا رحت السوق اشتري لها هديه واهديها وكني ما جبت لها شي صرت اطول ما اروح ماتسأل عني حتى بالتلفون واذا جيت ما تهتم ولا تصير مشتاقه وانا حامل يابنات ما ترحمني تطنز فيني وتتكلم عليحتى تقولي اخر مره راس مالك بنت واخواني بس جالسه تفكر فيهم واذا زاروها تهتم فيهم وحتى حريمهم تهتم اذا حملواوانا في النفاس اجلس في بيتي ما تجي تزورني في المستشفى ولا في البيت ولاتتصل ولاكني والده :icon33:وماعندي اخوات اروح لهم ويجوني واذا صارت لي مشكله تمسكها علي وتمر سنين ودري الا هي تذكرني فيها وتتشمت علموني يابنات ام زي كذا وش تتصرفين معها ؟