معاناتي مع امي الله يهديها ادخلواا تكفون

:44:السلام عليكم

انا بكتب لكم مشكلتي من حر مافيني انا عمري 22 متزوجه عندي ولدين امي وابوي منفصلين عن بعض من لما كان عمري 14 واخواني الصغار بنتين وولديين
ابوي انفصل عن امي وتزوج لأنه ماقدر يستحمل امي على كلامه لأن امي تعاني من مرض نفسي من لما جابتني وابوي ماقدر يتحمل وراح وتركنا انا اكبر وحده عندهم
انا من كنت صغيره لأخواني زي امهم امي مرضها النفسي انها مزاجيه بقوه يوم معك وعشره عليك اما معي تكرهني وتحس ان ابوي تزوج عليها لما انا كبرت وصرت حرمه على قولتها وانا السبب بأنه فكر بالزواج والاكيد انه مستحيل انه يكون كذا امي دايم تقولي انتي جارتي لان ابوي يحبني اكثر اخواني بس لما راح وتزوج انا كنت صغيره وامي تضربني وتحملني مسؤولية زواج ابوي وكانت دايم تتكلم عند الناس بهالموضوع انا اول مره اشوف ام ماتبي زوجها يحب اولاده ويدلعهم بس دايم اقول امي ولازم اصبر واتحمل على اجر ****لله
امي من لما تزوج ابوي كل يوم جايه تقولي فلان يبي يتزوجك وفلان يبي يتزوجك تبي تزوجني بأي طريقه وانا ارفض لاني صغيره وماابي اترك اخواني امي كانت تبي تتخلص مني بأي شكل من الاشكال ****لله اموت ماعندها أي مشكله خطبني ولد خالتي وانا عمري 18 ووافقة طبعن لأني قلت ولد خالتي ويبي يكون احن علي من الغريب خصوصا اني متعوده على خالتي وبنات خالتي لأني دايم معاهم واحبهم ويحبوني لما جيت اتزوج سوت لي مشاكل ماتبيني اتزوجه تبيني اتزوج اخو صديقتها واخو صديقتها متزوج حرمتين ويبيني الثالثه ولاجيت اروح للسوق اجهز تهاوشني وتضربني عشاني اروح معي ابوي طيب اروح مع مين ان مارحت مع ابوي طبعن ابوي ماسأل عني الا لما جيت اتزوج وفيه خطبه وهالسوالف طبعن قبل ماكنت اشوف ابوي الا من ست شهور واكثر يعني بالسنه حسنه لان ابوي لاجا يشوفنا تسوي له امي مشاكل وتروح لم اعمام ابوي وتسوي فضايح انا ماادري ألوم امي أو ألوم ابوي الشكوى لله دايم اقول مكتوب علينا نعيش هالمعانات تزوجت ولد خالتي ومن اول شهر صارت امي تروح لخالتي وتحذرها مني تقولها انتبهي من روح تراها بتزوج زوجك وخالتي على الشيله بس انا اتحاشى أي كلام مع خالتي او امي لاشفتهم حملت وجبت الولد الأول امي فجأه وبدون مقدمات دقت علي وقالت كلمي زوجي تزوجت حتى بدون ماتقولي قلت هذي حياتها والله يهنيها طبعن تزوجت مسيار واصغر منها طبعن مابينت لها اني تضايقة انها ماقالت لي ولا لمحت لي صدمه كذا ؟
حسستها اني فرحانه لها وجلست ادعي لها وطبعن عندي اخت عمرها 15 واخت عمرها 8 صارت تدق علي اختي وهي تصيح وتقول ان امي تبي تروحني مع زوجها تخيلوووو وش موقفي واحد مانعرفه بس يجيها ليله ويروح كل اسبوع وتبي تعطيه خواتي ينامون عنده يومين ليه وبأي مناسبه مع ان امي ماتخلي خواتي ينامون عندي ليش تخليهم يرحون عند زوجها طيب ليه ماياخذ امي ان كان عنده بيت ليه ياخذ البنات انا خففت مرره هذا غير ضرب امي لخواتي وحرمانهم من روحت المدرسه واشياء كثيره ماتسويها ام في اولادها
ورحت وكلمت ابوي وقلت له
ابوي حسيت انه صحى من كل اللي هو كان عايش فيه طبعن زوجته الجديده ماتبي ابوي يكلمنا
ابوي قال لزوجته اني بجيب عيالي عندي زوجته رفضة ابوي ماسمع كلامها وراح واخذ اخواني من امي امي ماقالت شي قالت اريح لي وجلست سنه ونص ماسألت فيهم ولا تحرك فيها شي طلقها زوجها وفضت لهم وصارت تدق علي وتقولي جيبي عيال وتتكلم علي كلام مااقدر اقوله انا صرت اسمها واسكت ماودي اصكر السماعه في وجهها لانها امي بس هي ماتسوي شي عشاني بنتها ولما زهقت مني صارت تدق على زوجي وتقول طلقها وانا ازوجك وكل شي علي ولاتشيل هم زوجي قال انا ماابي غير روح هي لما شافت زوجي يحبني وانا احبه صارت تسوي مشاكل واستمرت المشاكل والقلق النفسي لي ولزوجي لمدت سنه بعدها تزوجت وراحت منطقه ثانيه وحاولت احسن علاقتي معها صارت تجي عندي في البيت وتجلس بالأسابيع وانا اقول البيت بيتك واجيب اخواني يجلسون معها واطلعها وامشيها طبعن امي مالي منه عليها لكن انا ماسويت لها شي مع انها كانت تجي للبيت وتهاوشني قدام زوجي ووتكلم علي وتهاوش زوجي لدرجة انه صار ينام بالاستراحه عشان دوامه شفتات وهي دايم مسويه صراخ وهواش في البيت وشقتي صغيره مرره وساكته حتى بالأعياد دايم اخواني يعايدون ابوي وعلى طول اخذهم واروح للمنطقه اللي هي فيها واخذ شقه واخليها تجي كل يوم تشوفهم عشاني ارحمها اقول اكيد امي تغيرت وكل يوم تثبت لي عكس ماأنا اتوقع
يمكن وجعت روسكم بس والله ثم والله ماعندي احد اشكي له انا قلت اقولكم وشورو علي ايش اسوي يعني هذي امي مااقدر اقولها شي او ازعلها هي دايم تزعلني وتحاول تخرب حياتي بكلام قووي مرره تقوله لزوجي حتى بشرفي تتكلم بكل مكان قدام زوجي واهل زوجي واي احد تلاقيه يعني كأنها عايشه وهمها الوحيد انها تخرب حياتي انا خالتي ام زوجي يوم معي وعشره ضدي طبعن بتأثير امي عليها اللي هي اختها وهي وامي قريبات من بعض بقووه احنا الحين نمر بزنقه زوجي صار عليه ديون لانه ساعد ابوه انه يعمر بيت كبير ويكون لنا شقه فيه زوجي حط كل ماوراه وقدامه عشان هالشقه اللي يقول انه يبي يستقر فيها وعندي اهله انا طبعن مامانعت قلت اللي تبي لما خلصت البيت وسكنو فيها لهم تقريبن اسبوعين انا رحت وشفت شقتي طبعن ماعجبتني لان حرام زوجي دافع فلوس فيها ومعطينه مكان صغير مره واخو زوجي مادفع ولاشي ومعطينه مكان كبير طبعن سكت ماقلت لزوجي شي عشان ماتصير مشاكل بينه وبين اخوانه اذا هو ماتكلم وهو صاحب الحلال انا بتكلم قالت خالتي وش رايك وكأنها عارفه ان المكان مو مناسب لنا يعني مستحيه مني وهي تتكلم قلت بالعكس المكان حلو واهم شي اني بينكم امي عرفت من خالتي اني بسكن عندهم طبعن امي راحت لهم للبيت وقالت لخالتي لاتقربكم بنتي انا ادرى فيها تراها تبي تدخل ويدخل الشر معها وتبي تزوج زوجك والاسطوانه القديمه وعليها بهارات حاره جدا جدا جاني زوجي اليوم وهو مره معصب علي وقال كل شي راح بسبب امك وامك ليش تتكلم انا مافهمت الا لما قالي زوجي قال ان امي تقول ان جت زوجتك اللي هي انا في البيت انا بطلع وزوجي قال خلاص محنا جايين ولا ساكنين جنبكم يعني كل شي رااح على كلام زوجي قولوا لي بلاه وش اسوي امي لو بدق عليها واحاول اتفاهم معاها بالكلام الطيب تبي تقب فيني وتهاوشني وتسبني وماتعطيني فرصه اتكلم وش اسوي تكفوون احس اني تعبت من كل شي تعبت من تحمل مسؤلية اخواني وامي انها تشوفهم ويشوفونها والله ان اخواني مايبون يشوفونها وانا اجبرهم واقولهم مهما كان هذي امكم احس اني تعببت مرره يعني لو اني جبل كان طحت ارجووكم ايش اسوي