عندي لك فكرة خطيرة ..
لو سويتها راح تكسبين عدة أمور ..
أول شي هي راح تنشغل عنك ..
ثاني شي انت راح تستفيدين فايدة ماتتخيلينها ..
ايش رايك تعلمينها الكتابة والقراءة إذا كانت ماتعرف ؟
وإذا كانت تعرف ايش رايك تقولين لها تحفظ قرآن وكل فترة تسمعين لها اللي حفظته ؟
والله لو تسوين هذا الشي غير تشوفين البركة والتوفيق في دنياك وآخرتك وهي راح تنشغل في شي مفيد ينفعها .. وترى هي اللي تسويه غصبا عنها من الفراغ اللي في حياتها لكن لو كليتوا لها هذا الفراغ بشي مفيد ماراح تضايقكم ..
وابغى اقول لك اصبري وانا اختك ترى الدنيا فانية ماتسوى شي .. أنا عمتي ام زوجي يوم اخذت ولدها كانت شباب وبصحتها وكانت تآذيني بالكلام والحركات البايخة وياما رجعت من عندها ابكي وخاطري مكسور ..
لكن تعالي شوفيها الحين تحزن بعد ماكبرت وضعفت وهدتها السنين .. والاه اني حزينة عليها الحين من الوضع اللي وصلت له .. واحنا مصيرنا نصير مثلها ويمكن ساعتها حريم عيالنا مايتحملونا ..
وجلسنا عند امه والحين اذا جاب طاري انا بنطلع تزعل وتتضايق تبي ولدها وتصرفاتها عكس كانها ماتبينا ..