معاناتي مع اهلي

السلام عليكم ورحمة الله

بنات انا تررد كثير في كتابة الموضوع لكن وش اسوي بقلبي اللي مجروح مايداويه اكبر طب في العالم

مشكلتي هي اهلي وخصوصا امي وابوي
اولا زوجي عنده انتداب لمدة سنه في نفس المدينه اللي اهلي ساكنين فيها الله من فرحه سجدت لله شكر لما سمعت الخبر المهم لما رحنا المدينه واخذنا شقه اهلي فرحوا واخواني طبعا انا ماعندي اخوات انا الوحيده وعندي اخوان ثلاثه متزوجين واحد اكبر مني واثنين اصغر المهم
كل مره اروح فيها عند اهلي تزيد معاناتي والله اشوف التجريح وخصوصا من امي بنات لاتقولون هذي امك ادري انها امي لكن فيه ام وام وباقي بقولكم سالفه طوويله عن معاناتي لكن لشي اللي قهرني يوم الاربعاء
هو

امي طلعت من المستشفى كانت مسويه عمليه كانت دائما تشتكي من اللوز في حلقها فقررت العمليه
المهم لما طلعت لها تقريبا اسبوعين مافيها الا العافيه جا في بالي اسوي لها عشاء قالوا بيتك صغير ومدري ايش قلت خلاص بجيبه لان عندها شغاله فما شلت هم تعبها
المهم العشاء كان ذبيحه هذا غير الحلى والسلطات والعصيرات وووو
المهم هم فرحوا وعزمت حريم اخواني والكلام هذا كله في بيت اهلي والله يابنات ماقدروا امي او اهلي باي شي لكن ماعليه بكيفم مو هذا موضوعي

المشكله ان امي وابوي يحبوناخواني وعيالهم لان الكبير عنده ولد وبنت والاثني عنده بنت والثالث بنت وانا ولدين
والله انهم يلعبون الصغار ومبسويطين وتشوفين لو احد من عيال اخواني طالح او تهاوشوا على لعبه جات امي وابوي صياح وتلميحات بالعيون علىالاولادي هذا غير الكلام الي يسم البدن والله ماينقال لصغار
حتى اولادي اذا جينا البيت يقولون جده دائما تخوفنا اثاريها تتوعد وتتهدد فيهم وانا مدري

المهم بعد يوم الاربعاء بعدما تجملت في امي ولدي الكبير ضرب ولد اخوي الثاني وهم في نفس السن والله يابنات ضرب مو قوي لكن ولد اخوي عرف ان احد يدلعه اي شي يبكيه هو بكى شوي وسكت وزوجة اخوي والله محترمه ماقالت شي وتقول عادي هم كذا الصغار حتى اخوي ماقال شي لكن من كبر المشكله امي

راحت عند ولدي وتعطيه من ذا الكلام ومن الشتم ولدي عمره خمس سنين والله لوتسمعون الكلام ماقدر اكتبه
المهم وتروح عند ولد اخوي وتضمه وتشيله ولد اخوي عمره ست سنين
عاد خلاص العبره ماعاد قدرت اتكلم شلت عبايتي واتصلت على زوجي وعلى طول طلعت

وقول في نفسي الله واكبر حتى كثر خيرك ماتقولنها اتجمل ولا ماتجمل عادي عندهم

والله اني بنت اخوي الثاني تضرب ولدي عمره ثلاث سنين وهي اربع اقسم بالله محد قالها شي الا امها طبعا تمنعها
شوفوا حريم اخواني محترمات معي وفاهمين الصغار ولانزعل من بعض
لكن اللي يسوي مشكله ويكبره هم امي وابوي
وتذكرت موقف مره كنا جالسين علىالقهوه وانا جبت حاى معي مالت على وجهي

المهم تجي بنت اخوي تجلس في حضن ابوي ويعطيها ابوي ملعقه حلا ولدي الصغير ابو ثلاث سنين قام من عندي وراح عند ابوي ووده يجلس جنبابوي تعرفون الصغار يحبون التقليد تدرون وش قال ابوي

اقسم با لله ماكذب عليكم فتح عيونه قال انقلع انقلع هناك والله ولدي رجع وشفايفه ترجف وده يبكي

وش اسوي يابنات
لاتقولون اصبري هم اهلك ادري اللي تقول كذا قلبها طيب مثل قلبي لكن هذا القلب انداس كثيير ولااحد حسب حسابه


وامي الله يهديها تعبت معها كثير والله دائما تسبني عند اخواني لكن اخواني فاهمين وياحياتي عليهم ودهم يعطوني هدايا لكن خايفين منها
والله اخوي الكبير مره جاب هديه لولدي سياره شحن كبيره مثل اللي فيا لمولات يمكن بالفين ريال اظن
تدرون يقول لااحد يدري تخيلوا وانا ادري انه يقصد امي

واذا احد من اخواني جا اسلتف من زوجي فلوس تفرح وتدعي لنا ومره استلفت انا فلوس من اخوي وعرفت امي والله يابنات انها زعلت ولعت على اخوي وسوت مشكله حتى انا اخوي ارسل رقم الحساب لزوجي قبل الراتب يعني افهم

ولو تردون كم الملبغ خمس مائه ريال الله المستعان
و الحل معهم تعبت تعبت تعبت :(:(:(