معاناتي مع اول حمل ونفسي ترد علي دكتوره كويسه

اهلين بنات
انا الحين حامل في الاسبوع 24 ومغتربه ورحت للدكتوره في بداية الحمل وسوت لي تحاليل شامله وقالت كل شيء طبيعي
وكنت اروح لها مراجعات وكلها كانت بس تشغل الموجات الصوتيه وتسمع بس نبض القلب وتقول تمام لحد الاسبوع 17 وبعدين قلت لها عندي اجازه بااروح السعوديه فيه اي خطر علي قالت لا
وسوت لي بس موجات صوتيه لقلب الجنين المهم لما رحت السعوديه كنت متحمسه اعرف جنس الجنين رحت لدكتوره كثير مدحوها لي اول ما شغلت السونار قالت ايش هذا مافيه مويه وانا حسيت قلبي طاح قلت لها ليش قالت ماادري المويه حولين الجنين مره قليله والجنين مو مبين لان رجوله ناشفه من كثر مو المويه قليله المهم حولتني على استشاري اشعه شافني سوى لي الترا ساوند قال المويه قليله نسبيا المهم وبعدين خفت مره ورحت لدكتور ثاني واخذت معايه الصور وقال لي انا لازم اسوي الترا ساوند وسوها لي وقال لي الحمدلله كل شيء سليم و وراني الكليتين وقال المثانه فيها بول اللهم ان المويه قليله شويه قال المفروض انها 3 وهيه عندي 2.7 المهم واعطاني حبوب جوسبرين قال عشان يتغدى الطفل ويتبول المهم استمريت عليها بعدها بكم يوم رجعت امريكا ورحت لدكتورتي ولما شافت السونار قامت تقول لي الموضوع مره خطير ومدري وشو الجنين ماراح يعيش وسالفه ياطولها وحولتني في نفس الوقت لدكتور الهاي ريسك (المخاطر) المهم رحت له كشف علي قال انتي الحين في الاسبوع 23 ومو شايف كليتين للجنين ويمكن هذا سبب نقص المويه حولين الجنين والصوره مو مره واضحه لان المويه قليله المهم قال لي ماعندك الا خيارين وكلها مو كويسه يا انك تولدين طلق صناعي والجنين راح يموت لان ماعنده كليتين ولا تكملين حملك وراح تولدينه ويموت نسبة حياته 0% انا طبعا احس بحركة الجنين الجنين يتحرك ونبض قلبه تمام بس يقولون ماعنده كليتين المهم انا الحين قلبي يتقطع والله مو عارفه وش اسوي غربة ودراسه وتعب نفسي وحولوني لدكتورة مخاطر ثانيه وقالت لي حتى انا مو شايفه كليتين ابدا ولا حتى مثانه وانتوا قرروا قرار نهائي المهم احنا قلنا لهم خلاص نسوي طلق صناعي ونتوكل على الله والله يابنات قلبي يتقطع كل مااحس بحركته وخلاص اعطوني موعد يوم الجمعه الصباح طلق صناعي
بس ودي اعرف هل ممكن الجنين يتحرك وماعنده كليتين والمويه جافه حولينه او قليله مره ويقولون طول مو هوه في بطني راح يظل عايش بس اول مايخرج راح يموت
ارجو الرد بسرعه