اااااااااااااااااااه وين اهلي عني
هذه اول مره اكمل السنه فيها وما شفت اهلي
كرهت الغربه وكرهت السفر وكرهت كل شئ
اجلس لحالي من اقوم الصبح الى العصر يجي زوجي ياكل له لقمه ويرجع العمل
واجلس انا الى الساعه 10 او 11 واحيانا 12 وانا لحالي
احيانا عندي يكون عندي دراسه اروح وارجع لنفس الحاله لوحدي طول الوقت
ومن كثر الجلوس لوحدي يصير مالي نفس لشئ اكتئب
ويجي زوجي ويقولي انا ما أحب اشوفك كذا
وهذا شئ مو بيدي
لي تقريبا اكثر من 6 شهور ما خرجت مع زوجي وتمشينا زي الناس
لانه على طول مشغول وماعنده وقت ابدا

ما أقول الا الله يعين

يبدو أن مثيلاتي كثر الله يفرج عنا وعنكم
T_Hiso
صادقة والله مافيه مثل أهلك في حنيتهم عليك وتحملهم لطلباتك وأخطائك
أما البكا فبكيت حتى مل الدمع من عيني خصوصا في بداية زواجي أما الآن تحسنت كثير
لكن يظل الشوق والحاجة للأهل كبيرة
fossi
وانا أردد معاك أشتااااااااااق بس فعلا غريبة ليش مافيه زيارات الا بالاجازة الرسمية خصوصا ان الشرقية قريبة من الرياض أنا المسافة اللي بيني وبين أهلي تقريبا ثلاث ساعات سفر
بس ترى الأولاد لهم تأثير خصوصا إذا يدرسون صعبة تسافرين بغير الإجازات الرسمية
ذكرى الغرباء
فعلا لا يخلو شيء من خير أشكر لك مرورك العطر
ليلى1421
آمين الله يحقق لي ولك مانتمنى
NSEEM ALEEL
انت معانتك أكبر الله يكون بعونك خصوصا في بلاد الغربة
أما الأخبار فعلا مالنا إلا الله ثم الهاتف وأحيانا لما أزورهم أشوف فيه أخبار ما أعرف عنها وألوم أمي بس تقول أنسى ... أحسبك عارفة ...من وين ياحسرة !!
الله يفرج عنك ويردك لأهلك سالمة غانمة..

حلم لم يتحقق
أولا اسمك جميل جدا لكن يحمل على اليأس والحزن
ثانيا:
فعلا والله حاسة فيك فقد الأهل ما يعوضه أي شيء بس إذا كنت تعانين من الفراغ حاولي تنشغلين بأي شيء مفيد مثلا تخصصين لك وقت محدد لحفظ القرآن مثلا ساعة أو أقل لحفظ صفحة يوميا أو على حسب استطاعتك وستتفاجئين في نهاية الشهر بأنك حفظتي جزء ونصف من القرآن وأنا مجربة هالطريقة أو تتعلمين طبخات جديدة أو تتعرفين على أحد وتتزاورين وياهم ..
الله يفرج لك همك وينفس كربتك ويردك لأهلك بالسلامة

اشتااااااااااق لهم ولجلستهم وجمعتهم وقهوتهم وشاهيهم وصجتهم ولجتهم ومشاكلهم بعد ..الله يجمعنا بهم في دار النعيم اللي ما فيها فرااق ..
والغربه لها ميزات تعيشين حياتك الزوجيه بكل معانيها انتي وزوجك متفاهمين لا مشاكل ولا تشره عليك ولا انتقادات من احد ولا شيء يغث قلبك ..
وذكرتيني باحدى صديقاتي تقول لما اركب الطياره انا وزوجي نحجز للشيطان مقعد معانا خخخخخخخخخ

انا يمكن مصيبتي اكبر لني اكبرهم ووحيدت اهلى واهلى حيل يشتاقولي

ومشتاقه لبنات العم كمان ولحياتي كلها هناك

الشي الايجابي بما اني وحيده ودلعوني زياده وما تحملت في حياتي مسؤليه ابدا الحين والحمدلله معتمده على نفسي وماكنت متاكده اني اقدر اتحمل مسوليه ولكن الحمدلله

الله يخليك اهلك وديم عزهم ياكريم ..
فعلا الاهل ما يتعوضون انا يوم اروح الاهلي انسى همومي الله يخليهم لي ..