معاناتي مع زوجي والدور الثاني 💔

مساء الخير على الجميع
بدخل في المشكله على طول بنات أنا ساكنه في فيلا دورين وزوجي إنسان كسول لامبالي قرر مايطلع الدور الثاني نهائي وجالس بالدور الأول كان ينام على كنب الصاله وأنا وياه في صراع أن هذا مايصير وخطاء والنوم له مكانه وهو مصر على رايه وصار مايطلع إلا إذا إحتاج للأمور الخاصه وصرت أرفض أنا عندي بنات ثانوي ومتوسط
ويفهمو ووضحت له بدون فايده يعني لما فجاءه ينام عندي وكل الأيام تحت راح يفهمو
المهم تطور الموضوع صار يتحمم في قسم الضيوف وينادي على عياله جيبو ملابس جيبو شامبو
وإذا رفضو قام يصارخ ويعصب عليهم وأحيان يمد يده
قسم بالله كرهت البيت نفسي أنزل وأنا كاشخة وأحط قهوتي وبخوري وأستمتع بالصباح وصالتي وأسمع شي هادي أو برنامج بدون المناظر اللي أشوفها كل يوم
نسيت أقولكم من كرهي للصاله شلت الكنب وخليتها سجاده بس وصار ينام في مجلس الرجال
هو متقاعد ولاعنده شغل وعمره صغير ٤٤سنه أفكر كيف بكمل معاه على هالحاله
على فكره بنات هو مو راعي حركات وبنات وكذا لكن مررره كسول في كل شي حتى الأغراض الثقيله مايشيلها يخلي ولده عمره ١٠سنين يشيل عنه أو البنات
والله يابنات قلبي يعورني خلاص تعبت وملابسه في كل مكان تحت
وحارمني ماني قادره أستمتع بحياتي لاأقدر أعزم أخواتي وصديقاتي ولاشي يرفض يطلع فوق يقول قفلي الباب
أبغى رأيكم بنات فكرت أقفل الحمامات اللي تحت أجيب سباك وأقفلها يمكن يتحرك وأخاف أني أخرب على نفسي خاصة أني عندي
طفله صغيره تحتاج الحمام مو كل شوي بطلعها فوق