معاناتي مع زوجي والدور الثاني 💔

الأسرة والمجتمع

مساء الخير على الجميع
بدخل في المشكله على طول بنات أنا ساكنه في فيلا دورين وزوجي إنسان كسول لامبالي قرر مايطلع الدور الثاني نهائي وجالس بالدور الأول كان ينام على كنب الصاله وأنا وياه في صراع أن هذا مايصير وخطاء والنوم له مكانه وهو مصر على رايه وصار مايطلع إلا إذا إحتاج للأمور الخاصه وصرت أرفض أنا عندي بنات ثانوي ومتوسط
ويفهمو ووضحت له بدون فايده يعني لما فجاءه ينام عندي وكل الأيام تحت راح يفهمو
المهم تطور الموضوع صار يتحمم في قسم الضيوف وينادي على عياله جيبو ملابس جيبو شامبو
وإذا رفضو قام يصارخ ويعصب عليهم وأحيان يمد يده
قسم بالله كرهت البيت نفسي أنزل وأنا كاشخة وأحط قهوتي وبخوري وأستمتع بالصباح وصالتي وأسمع شي هادي أو برنامج بدون المناظر اللي أشوفها كل يوم
نسيت أقولكم من كرهي للصاله شلت الكنب وخليتها سجاده بس وصار ينام في مجلس الرجال
هو متقاعد ولاعنده شغل وعمره صغير ٤٤سنه أفكر كيف بكمل معاه على هالحاله
على فكره بنات هو مو راعي حركات وبنات وكذا لكن مررره كسول في كل شي حتى الأغراض الثقيله مايشيلها يخلي ولده عمره ١٠سنين يشيل عنه أو البنات
والله يابنات قلبي يعورني خلاص تعبت وملابسه في كل مكان تحت
وحارمني ماني قادره أستمتع بحياتي لاأقدر أعزم أخواتي وصديقاتي ولاشي يرفض يطلع فوق يقول قفلي الباب
أبغى رأيكم بنات فكرت أقفل الحمامات اللي تحت أجيب سباك وأقفلها يمكن يتحرك وأخاف أني أخرب على نفسي خاصة أني عندي
طفله صغيره تحتاج الحمام مو كل شوي بطلعها فوق
49
10K

يلزم عليك تسجيل الدخول أولًا لكتابة تعليق.

تسجيل دخول

عبيرهه المده ٢
طيب مافي مشب جنبة حمام خلوه له
او غرفه فاضيه حطي فراشه فيها
طنشي الموضوع يمكن يرجع هو يطلع فوق
أبنائي حياتي
أبنائي حياتي
رأيك كذا يعني أستسلم وأنزل ملابسه تحت وأرتاح لكن والله حرام دور كامل ماني قادره أخذ راحتي فيه ٢٤ساعه وهو في وجهي وصوت المروش وإتصالاته ونومه
أبغى أخذ راحتي أنا والبنات نفسي أنه إنسان سوي ومحترم نفسه وله كيانه ومنظم نومه وطلعته يعني له هدف في الحياه مو عاله علي
العوض الجميل 1
العوض الجميل 1
ريحي نفسك ونزلي اغراضه تحت في مجلس الرجاجيل وانتي جلسي ف الصاله واستمتعي بحياتك ووقت تبي تعزمي ضيوف خلي اغراضه مكان معين
@--@
@--@
دام إنه زوجك سوي ومو راعي بلاوي وأبو عيالك ، بس عيبه الكسل الشديد خلاص تعايشي مع عيبه .. و أنتي وفري له كل أغراضه فوق و ريحيه قولي ماعليك غير تطلع فوق و أغراض الشور و النوم وو كلها جاهزة


وإن مانفع خلاص تعايشي اعزمي و انبسطي بس سكري عليه .. لا تعزمين ناس يدورون بالبيت ..


أعرف وحدة نفسك بالضضضبط و أسوأ ، حاط فرشة بالصالة و حاط مجلس خاص فيه كله أجهزة كمبيوتر و شاشات و رسيفرات و يترك هالغرفة و يقعد بالصالة يقول أونس


ومتقاعد بعد وفاضي ما يطلع ماعنده أصدقاء


ممكن تأثرين عليه ببناته خليهم يترجونه يخلي المكان حلو و مرتب .. وممكن يشغلونه عياله بمشاريع و طلبات مثلاً خلينا يا بابا نجدد الملحق أو نركب الشي الفلاني أو نجيب الأثاث الفلانـي
@--@
@--@
وممكن تقترحين عليه مشاريع .. ما يخرب الرجال إلا عدم الشغل .. خليه يفتح له أي مشروع بسيط لو محل خضار بيشغل وقته 100%