معاناتي مع زوجي واهله

السلام عليكم ورحمه الله وبركاته
انا مالي في المقدمات لذلك بدخل في الموضوع على طوول
زوجي له اربعه شهوور تعبان وكان مستحيل ياكل من برا البيت لذك ولله الحمد اللي اشووفه انا اني وقفت معه وانحرمت من اشياااء كثيره عشان اجلس معاه والبي طلباته طبعا حاولت كثير يروح المستشفى يالله راح مره وحده بالطقاق لانه مايحب المستشفيات كان عايش على المسكنات وبس
في هذي الفتره كنت حامل وتعبانه ويااالله اشووف نفسي ومع ذلك ماقصرت بحقه (هذا اللي اشووفه ) المهم ان خلال الاربع شهوور كل فتره له تعب معين مره البطن ومره ظهره ومرااات ترتفع حرارته من دون سبب كنت والله اجلس عنده واصيح ابيه يتحرك يروح مستشفى اي شي حتى كنت اكلم امه اتراجاها تكلمه تقنعه يروح قالت مووو صغير هوو لو حس بشي راح
وسكتت انا لين اقنعته يرووح طبعا تحاليل وحوووسه وكل شي سليم
المهم اخر خمس ايام بدا زوجي يقراء عند شيخ وبدت تتغير النفسيه على مين تتوقعوون ؟ علي انا صار مووقف سخيف اللي هوو طلبت منه انام عند اهلي يوم شفته بدا يخف وسالته اكثر من مره اذا مو تعبان انام عندهم لان اختي الصغيره والده وبيت اهلي مافيه الا ابوي واتفقنا انا واخواتي نقسم الايام بيننا ننام عندها
اللي صار انه وافق وقال مافيك خير لو ماناظرتي اختك حرام صغيره نمت عند اهلي يومين المهم كلمني مره الصباح كنت اسوولف معاه سالته (بما اني حامل وبشهوري الاولى ) وش رايك يا فلان وين بوولد فيه قال لي اذا تيسرت امووري باذن الله اولدك في اهلي قلت خلاص وسكرنا على الموضوع
المهم اني قبلها بكم يوم كنت عند اهل زوجي وانا والله اغليهم وبما ان امي متووفيه اعتبر خالتي مثل امي (وهذا اكبر غلط لان مهما سوويتي مستحيل تعتبرك مثل بنتها )سالتني وين ولدت اختك ومن هالكلام قلت لها في اهلي وكذا سالتني وين بتوولدين فيه قلت والله مدري للحين ( علما ان عندي ولد من قبل وصارت سالفه عليه يوم جيت بولد قبل 5 سنوات طقاق وحوسه لا تولدين في اهلي وطبعا زوجي سواا اللي في راسه وولدني في اهلي ) قامت خالتي الله يهديها تتكلم فلانه ولدت في حكومي وعلانه مولده خمسس من بناتها في حكومي طبعا بنتها شاركتها في المووضوع وقالت شوفي امي قدامك جابتنا كلنا في حكومي ولا صار لها شي وردت خالتي انو هذي مظاهر وحب فشخره لا اقل ولا اكثر وصار كلام كثير وقتها انا تفشلت ونزلت راسي العب بجوالي
انتهت السالفه على كذا ( مع ان اهل زوجي مو اغنياء مره بس يحبون السفر بالسنه خمس ست مرات واحيان يجلسون بالشهر والشهرين وماعمري تدخلت فيهم )
سكتت عن السالفه وجاء زوجي وخذني من عند اهلي رجعت البيت عادي وسوالف انا وزوجي قال لي تدرين يافلانه ان خووي يسولف عن الولاده ويقول ان امه مولده اخواته الخمس في المستشفى الفلاني اللي هو حكومي قلت يصير خيرهذا الكلام بدري عليه
يوم جاء بكره الا زوجي كذا معصب من لا شي قلت خير وش السالفه قام يهاووش ويقول كلام استغربت يقول انتي تحبين المظاهر قلت اي مظاهر الضروره صارت مظاهر والسفر والخرابيط ضروره وجاب طاري الولاده قلت انت اللي موافق وقايل لي بلسانك انك تبي تولدني في المستشفى الفلاني وش غيير؟ قال انا مليت وما اعرف ايش ( ما ادري وش منه مل مع ان لي 4 شهور اتمنى الطلعه وارحمه عشانه تعبان ولا مصاريف ولا حتى اغراض للبيت ) جبت انا طاري انو خالتي قالت نفس كلامك عن خويك قلت بالحرف الواحد (وش توارد الخواطر العجيب بين كلامك وكلام خالتي )عموما مابي اولد الا في حكومي ولو تبي بالشارع بعدد بس عيب ان احد يغير رايك مفروض تكون عند كلمتك جلس يعصب ويهاوش وحلف الا يكلم امه كلمها بصوت عالي يمه ان فلانه تقوول كذا وكذا وان امك هي اللي قايله لك وانا مليت وانا وانا وانا طبعا كان حاط سبيكر وسمعت خالتي الله يهديها تحلللف وتقسم انها ماجابت طاري تقول لا انا ولا اختك تكلمنا ؟؟؟؟؟؟ والمشكله ان بنتها معي بالبي بي وعندي كلامها كله عن الولاده اولدي في حكومي لا تسافرين لا تشترين لا تحطين لا تسووين طبعا انا اصوور كلامهم لانهم يكذبوني دايم احفظه عندي كذا يعني ما اوري زوجي ولا احد يدري عنه بالعكس دايم انصحه يكلم امه يناظرها يبر فيها بس هي الله يهديها تكذب ومو اول مره
طبعا انا انجرحت منه وجلست اصيح كلمت ابوي قلت بابا اسمع زوجي يكلم امه ويعلمها على مشكله صارت بيننا عاد ابوي حساس مره زعل وكلمه بهدوء وقال له عيب تتدخل امك في الموضوع وبنتي ماعليك منها ولا مصاريفها كلها علي بس ماله داااعي ابد احد يتدخل في ولاده وخرابيط خلص الموضوع على كذا راح زوجي ينام صحى بعد المغرب ولا كأنه صار شي يكلمني عادي بس ما ارد الا ضروره ويالله بطلعكم سفهته ورحت غرفتي اذا طلب مني شي اسويه بس جلسه ما اجلس معه عشاء وسويته طبعا اليوم اربعاء وانا مستحيل اروح لخالتي الا بررد اعتبار لي وعلى الاهانه اللي سواها قدامها ياليت يا بنات تقولون لي وش اسوي او وش اخليه يسووي لي مستحيل اروح لها وهي كاذبه علي مشكلتها هي قويه وانا لو احد هاوشني ماعاد اعرف اتكلم حتى لو الحق معي
هذا شي الشي الثاني رأيكم اوري زوجي كلام اخته اللي حلفت خالتي انهم ماقالوه والا بيسبب مشكله على الفاضي بليز ساعدوني وربي مالي غيركم
( على فكره ماتفرق معي ولاده اهلي او حكومي بس تعرفون لما الواحد يجلس يحننننن عليك بالكلام سوي كذا سوي كذا بالغصب تبين تسوين عكس اللي يبون وهذي حالتي معهم اذا عرفوا اني بسوي شي نشبوووا لي لا تسوين لا تفعلين من دون ما احد يطلب رائيهم ولاعمري سويت اللي يبون اسوي اللي يريحني وبس )