السلام عليكم ورحمة الله وبركاته
احكي لكم معاناتي اللي دامت 3 سنوات من حياتي الزوجيه
انا احب زوجي وهو يحبني لكن مشكلتي اهله وانه هو وحيدهم
المشكله بإختصار
زوجي دائماً عند اهله من تزوجنا وهو دايم عندهم حنا لنا جناح خاص بالبيت لكن انا مااعتبر انه خاص وراح اقولكم ليه مااعتبره خاص
المهم جالس عندهم دائماً من يصبح الين يجي وقت النوم وننام سوا<<الظاهر لو عادي ينام عندهم كان نام
ويقولي تعالي معي كنت اروح معه بداية الزواج وبعدها خلاص مليت الى متى كذا
ليه حاط جناح خاص ومتعذب
المهم مرت سنه كامله وهو على هالحال وقلت خلاص راح اكلمه بهالموضوع كلمته وقالي مااقدر اهلي ماعندهم الا انا ولازم اكون عندهم ماابيهم يحسون انك اخذتيني منهم
والله يابانت حتى الطلعه يطلع معي وهو متضايق :44:
اشوف الضيقه بعيونه والله ويوم قلت له خلاص مو لازم نطلع اذا كنت بتتضايق وتفكر بأهلك ومارد علي ؟...
والمشكله اهله اذا كنا طالعين والا جاء يوم وجلسنا بالبيت يدقون عليه بتتعشى معنا؟؟عاد هو مايحتاج يتضايق على طول ويقول ايه خلاص:(
وبعد سنه ونص تقريباً حملت وقلت خلاص بيجي ولدي ويشغلني عنه وعن حركاته
وبعد ماولدت وجبت بنت اللحين عمرها 8 شهور ماتغير شي مايجلس وعادي ولازم اخذ منه موعد واتفاق نتعشى سوا او نتقهوا سوا او نتغدا سوا؟!!
واحاول اعطيه بنته يلعبها عشان يجلس بالبيت شوي لكن يآخذها ويروح لأهله والله تعبت تعبت
هذي معاناتي الاولى وانه مايجلس معي ابد واذا جلس يجلس وهو مو مرتاح
المعاناة الثاني اني ماآخذ راحتي ببيتي بلبس وطبخ وجلسه وكل شي
لان الباب من كثر مايروح ويجي لأهله دايم مفتوح والرايح والجاي يشوفنا لان بابنا على صالتهم :(
من جد ابي البس زي الحريم ابي اتدلع اشوف لبس بالسوق اتمنى آخذه والبسه ببينتي لكن ماأقدر :(
محرومه من هالشي والمشكله يجي ويعيب علي انتي ليه كذا ماتلبسين زي الحريم :44:
معاناتي الثالثه عيال وبنات خواته ؟! رايحين جايين عندي بالبيت لان خواته ساكنين بنفس البيت بعد
ولا يقولهم شي عادي خوذو راحتكم وامهاتهم مايسألون عنهم وينهم...حتى اذا رحنا عزيمه والا شي يتركون كل السيارات ولا يجون الا معي واهلهم عادي مايقولون لهم شي
تكفون يابنات ثلاث سنوات وانا متردده اكتب لكم معاناتي والا لا
واخيرا كتبتها ارجوكم عطوني حل وريحوني
ودي اطنش ولا اهتم ودايم ادعي ربي اني اطنش ولا اهتم بحركاته ابد
*صبا2010 @sba2010_2
عضوة جديدة
معاناتي مع زوجي يحبني واحبه لكن اعاني من هالشي ثلاث سنوات حلوها معي تكفوووووون
71
13K
يلزم عليك تسجيل الدخول أولًا لكتابة تعليق.
والله مدري وش اقول لك بس اصبري وش تسوين ماراح يتخلى عن اهله وكمان هو وحيدهم الله يعينك وبالنسبه للبس البسي في غرفتك اللي تبغين
الصفحة الأخيرة
لأن هذا الشي يبسط زوجك منك واذا على اللبس لبسي وقت اللي بيجي زوجك على الأقل يوم بالأسبوع لايتأخر مع اهه يجي بدري باليل وتلبسي بكيفك