معاناتي ... مع طفلتي المفرطه في السمنه

علاج السمنة والنحافة

كيفكم يابنات أحبكم والله عاد ماأدري وين أحط موضوعي وأتمنى أني ألاقي تجاوب عندكم تكفون اللي عندها خبره بها الشي تقول لي والله أدعي لها كل ماذكرتها

مشكلتي يا أخواتي مع بنتي الصغيره عمرها الآن ثلاث سنوات وشهرين ووزنها يابنات 30 كيلو ولكن أعاني من سمنتها المفرطه التي لاحظتها عليها من يوم عمرها خمس شهور يعني مو بذيك السمنه حقت الأطفال اللي تدنن لأ وزنها مرررررررررره زايد يابنات وعندها شهيه مفتوحه للأكل وتعبت معها ياربي لك الحمد على كل حال

أتفشل لما أروح عند ناس تجلس ياحليلها وتقعد تاكل والناس ماترحم يقعدون يناظرون ويضحكون عليها والله أني مره يابنات لما رجعت قعدت أبكي وقلت خلاص ماعاد أروح عزايم وفعلا عاد هي مسيكينه ماتعرف طفله

اييييييييه يابنات والله ماعاد صرت ألاقي لها ملابس وكل شهرين تقريبا لا زم لها كسوه جديده والشي اللي مقطع قلبي عليها هو أنه عندها كرش تصدقون عاد صرت آخذ عمر عشر وتسع سنين والله أنها تحزن يابنات أحسها حتى أهي تنقد نفسها ولما نروح أستراحات ولا جمعات تعالو شوفو أيش يقولون لها الأطفال يادبيه \ الدبيه جات بنات تكفون لا تضحكون عاد ماأشوف الا الهمز واللمز من كل اللي حولي والله تعبت يا بنات وبعد أهي تعرق كثير من أقل مجهود آآآآآآآآخ وزنها في أزدياد برغم أني أمنعها واللي مسبب فيني هذا الحزن كله هو أني قريت موضوع عن مرض نادر يصاب به الأطفال وهو عباره عن أن السمنه تزيد عندهم باستمرار لدرجه ماعاد يقدرون يتحركون وتضغط على الخلايا ومن ضمنها خلايا الدماغ إلا أن تؤدي إلى الوفاه لاحول ولا قوة إلا بالله اللهم لاراد لقضائك و أهي عندها زيادة في الهرمون عاد ماندري أي هرمون لأن للحين وأحنا في بداية علاجها وماأدري وش آخرتها مع هاالدكاتره تكفون قد مرت عليكم حاله زي كذا وطمنوني مالي بعد الله الا أنتم ياعالم حواء والله ماعاد أنام اليل بس أدعي وأبكي
16
1K

يلزم عليك تسجيل الدخول أولًا لكتابة تعليق.

تسجيل دخول

طايرتن بوهتها
ياااااعمري لايضيق صدركـ وتااابعي مع الاطباء لاتقطعين .. وانا اتذكر وحده من قرايبنا بنتها كذا والان عمرها اتوقع 18 سنه ونحفت بس باقي ترهلات كبيره لانها توهااا مسويه ربط مدري قص المعده


بس ان شاء الله راح اتأكد من متى وهي بسمنه زايده .. وارد لك ياقلبي .. وارجع اقولك لاااا تقلقين والله يخليها لك يارب
:)
قلبك وطني
قلبك وطني
ماعندي فكره ياغاليه بس مابيدي غير الدعاء الله يرفع عنها ويشفيها وتشوفيها احلى عروسه ولاتنسيها من دعائك ولا تتجاهلي سهام الليل فهي لاتخطئ
شـفق
شـفق
ما أعرف شي عن الموضوع .. بس انتي راجعي الدكاتره وخليج ع العلاج ..

بس بغيت ارفع لج الموضوع
وادعي لها من كل قلبي
ربي يعافيها ويخفف عنها وعنكم وإن شاء الله تلقون لها العلاج الشافي .. والله يخليها ويحفظها لكم
رشيقة في الأحلام
الله يخليها لك ويبلغك فيها
بس ضروري تراجعين طبيب تسوين لها تحاليل تتاكدين ان مافيه سبب عضوي
بعدين خذي نظالم غذائي والزميها فيه
صدقيني بالعمر سهل تتحكمين فيها وتمشينها على نظام صحي مناسب لعمرها من اخصائي
لكن ان كبرت وشهيتها على هالحال
بيصير الوضع صعب لان تحرمينها بالبيت بتعوض بالمدرسة
حاولي تخلينها تلعب وتتحرك كثير جيبيلها نطيطة وشاركيها كنوع من المرح
اصرفي تفكيرها عن الاكل باللعب بالتلفزيون ولا الكمبيوتر
اذا ما فيه سبب عضوي صدقيني اسهل من هالعمر مافيه
عبيــــر الــــورد
أول شي وديها لأخصائية تغذية ،،،،،،،،،،،،،


ثاني شي ،، حاولي إن الأكل في البيت دايما يكون صحي ،،، فواكه خضروات ألبان توست أسمر تمر وغيره من الاشياء المفيدة ،،،،،،،،



والله يحفظ بنتك وتشوفينها أحلى عروس بإذن الله ،،،،،،،،،،،