معاناتي مع غرفتي

انتي ذكرتيني باأختي ...والله غرفتها جنان ديكورها..بس شوهتها بسبب الحوسة والبلاوي اللي فيها...

شوفي اول شيء نظمي نفسك ..

جيتي من الجامعه عبايتك علقيها بمكانها.. صندلك وانتي بكرامه خليه بدولاب الصنادل دايم...اكسسواراتك رجعبها في درج الاكسسورات..

ملابسك لاتفسخينها وترمينها عالارض والا تحطينها بالدولاب يقولك عقلك بعدين اوديها سلة الغسيل>لابوقتها ياشتورة شيليها وحطيها هناك...

غرفتك لو أكلتي شي او شربتي شيء فيها لاتخلينه بمكانه ابدا ابدا...منشفتك حقت جسمك وشعرك لاتخلينها الا بمكانها...


وطبعا لو سويتي هذا كله غرفتك ماراح توسخ ووتتكووم الاشياء فيها.....

^
^
^
وطبعا كل اللي قلته لكي هذا تسمى عنايه يوميا يعني اجباري يوميا تسوينها حتى لو رجعتي وكنتي تعبانه مرة لا نميت وصحيتي سويها....

نجي للعنايه الاسبوعيه....

كل يوم خميس او جمعه افتحيي شباك غرفتك وهويها.. وبعدين كنسي الغرفة..ومسحي التسريحه والدولايب والكومدينا...

ولما تخلصين روحي لدولاب ملابسك علقي الملابس اللي تفكرين تلبسينها لااسبوع كامل لالجامعه .. وعلقيها بعلاقة وخليها ع جنب..عشان تنظمين نفسك.. وماتحوسين الدولاب لاجيتي تفكرين تلبسين وتروحين الجامعه

طبقي لو لقيتي كم لبس حايس..

وبعدين بخري غرفتك..وشوفي كيف تصير الغرفه... فوله شمعه منوره ههه

ووقتها لو تعبتي وانت تسوين هالجهد يوميا ويوم الخميس صدقيني مايهون عليكي بعدهااا تحوسين شي والا ترمين لبسك والا حتى منديل عالارض




...........

شوفي أفضل نصيحتين ساعدتني بالترتيب والتنظيف

1)ضعي لكل شي مكانه الخاص بمعنى خلي مكان معين لكل شي مقص الظافر له مكان عباتك لها مكان يعني مخصص له وبكذا مع الوقت راح تتعودي ترجعين كل شي بمكانه لأنك اذا رجعتيه راح تلقينه اذا بغيتيه وبكذا ترتاحين

2)الوقت اللي تستغرقينه لرمي التنورة بالأرض هو نفسه الوقت اللي تستغرقينه لتعليقها بمعنى لما تحتاجين 10ثواني لرميها أرضا راح تحتاجين 10ثواني لتعليقها فأيهما أفضل ؟

ماشالله نصايح البنات حلووووه

والله ياحبيبتي أهم شي الترتيب أول بأول
مهما كنتي تعبانه
كل يوم خصص لو 10 دقائق
ويوم إجازتك خذي راحتك في التنظيف
الله يوفقك في حياتك