السلام عليكم خواتي بنات حواء..
اقسم لكم بالله اني اكتب ودموعي ماوقفت ويالله اشوف الحروف بالكيبورد..
حسبي الله ونعم الوكيل على من ظلمنا وزاد همنا هم..
انا وزوجي نراجع بتخصصي بريده وآهـ منه ..طبعا بعد ماتعبنا من الأهلي وبعد مااتعبتنا الماده اتجهنا لتخصصي وقلنا عسى خير ولنا الحين سنتين نراجع عندهم ولسى ماسوولنا اطفال انابيب كله مواعيد ومواعيد طووووووووويلة المدى ..الى ان جاء يوم أمس ورحنا انا وزوجي عشان احلل بثاني يوم لدوره واخذ موعد وبعد ماحللت رحنا لموظفة الاستقبال عشان ناخذ موعد والله وربي شاهد علي من الساعة 7 الصباح واقفة على الشباك وهي قاعده تسجل مواعيد لرجال وتقعد على الموعد 10 دقايق تقلب الكرت كم مره ولاتعرف ..ونفسيتها خايسه اكلمها الله يعافيك سجلي لي موعد ولاكأني أتكلم ساعتين واقفه على الشباك عشان اخذ موعد تخيلو..!!
الله ياخذ الحاجة الي خلتني انتظر واذل نفسي ..والله ولاعبرتن لاانا ولامجموعة معي..رحت انا وزوجي وشكيناه على المدير ولافيه فايده..رحت وكملت الوقفه واذا طقيت الشباك عليها نزرتنااااا بقووه ..اخرته قلت له حرام عليك احنا واقفين من سبع ولاعبرتينا وخاصرتنا آهـ وثم آهـ طلعنا انا ورجلي ولااخذنا موعد تخيلووو..!
ندق عليهم مايردون..!
والمشوار بعيد ولانعرف وش نسوي يارب الطف بنا يارب.
لاتقولون كان خليتي زوجك يوقف بشباك الرجال وقف وقف وقف ويوم اخذت الكرت قالت اصبر لين ينادونكم واذن الظهر مانادون..!!!!!
يارب اليك المشتكى ..يارب الطف بنا وارزقنا من دونهم يارب.
بعد كل السنتين مراجعات وتحاليل نوقف العلاج..؟!!! وش الحل والله تعبت وتعبنا من الحاجه ..
يوم كانت المصريه فيه كنا ناخذ الموعد بسهولة وراحة وكانت ترد على التلفون وتعطينا موعد الله يذكرها بالخير والحين جت السعوديه بداله وكأنه مستشفى ابوها لاترد على تلفون ولاغيره ماذاقت ولاحست بالانتظار والتعب الي يغلي بقلوبنا حسبنا الله ونعم الوكيل.
سكون البرد @skon_albrd
عضوة نشيطة
يلزم عليك تسجيل الدخول أولًا لكتابة تعليق.
سمآ الورد*
•
كلهم كذا انا بالاطباء يعني بفلوسي وقبل يومين بجز جلست ثلاث ساعات على تلفون وماردو غير ارسلت وحدة عليهم وحجزتلي الله يسامحهم المفروض للتلفون موظفات خاصات
الله لايحوجك لها والله يرزقك الحمل ف القريب العاجل ولاتنسي الجئ لربك وادعيه وان شاء الله ربي يرزقنا
الصفحة الأخيرة