بسم الله الرحمن الرحيم
اخباركم اعضاءنا الكريم
حبيت استشيركم بموضوع وتقولون لي اراءكم او تجاربكم وربي يجزاكم خير
انا متزوجه من 8 شهور عانيت من ارتفاع هرمون الحليب و رحت لمستشفى عياده الرياض عند الدكتوره كيران
واخذت على اشاعه صوتيه وقالت عندك تكيس واخذت علاج لهرمون الحليب وحبوب منع الحمل لمده شهر وقالت لي التكيس راح
وبعد الشهر الاول اخذت علاج لتكيس اسمه كلموفاج مع علاج الهرمون وبعد الشهر الثاني عطتني علاج ثاني لتكيس اسمه ميتفور
والى الان وانا استخدمه مرتين باليوم وقالت لي اذا جت الدوره بعد الشهر الثالث اللي هو هذا الشهر تعالي ثاني يوم من الدوره عشان اعطيك منشط
ورحت لدكتوره ثانيه بمستشفى الموساه اسمها هاله السعيد قالت لي كل شي تمام تقصد ان كلام دكتوره عياده
الرياض سليم واخذت علي اشاعه صوتيه وقالت ان
عندك تكيس مع ان اللي بعياده الرياض قايله لي انه راح وسالتها عن المنشط قالت اذا مانتي مستعجله على الحمل
خوذي منظم ووصفت لي منظم وقالت استمري عليه من3 شهور الى 6 شهور وراح ينظم الدوره وراح يساعد بأذن الله على الحمل
بس انا ماراح اكله بس انا حبيت اخذ رأي دكتوره ثانيه وراح اتابع مع دكتوره عياده الرياض ورحت هالشهر لها على اساس انها قالت لي اذا جت الدوره تعالي
وتاخرت الدوره عن الشهر اللي راح 7 ايام لما رحت قالت لي راح اعطيك كلوميد (( منشط)) مع الميتفور اللي هو علاج التكيس
قلت لها مابي منشط اخاف اجيب توأم وانا توي بكريه قالت بكيفك وشكلها عصبت قالت خلاص استمري على الميتفور اقل شي 3 شهور
وسجلي تاريخ الدوره ومتى ماحبيتي تراجعين تعالي وش رايكم بدكتوره كيران اللي بعياده الرياض هي كويسه والا لا ؟؟:(:(
الله يجزاكم خير ساعدوني نفسيتي تعبت فيه احد مر بهالتجربه او سمع اي معلومه ممكن تفيدني ؟؟
او تعرفون علاج مضمون للتكيس واذا ممكن تنصحوني بدكتوره نساءوولاده مرره كويسه؟؟
تخبروني وربي يوفق كل من تساعدني
ودعواتكم لي بالذريه الصالحه
اجمل انسانهـ @agml_ansanh_12
عضوة نشيطة
يلزم عليك تسجيل الدخول أولًا لكتابة تعليق.
حلمها وظيفه
•
الله يرزقك ويشفيك فووووووووووووق
الله يكتب لك الخيره ويرزقك بالذريه الصالحه عاجلا غير اجل من دون علااااااااااااااااج ومن دون مستشفيات
دهمشه
•
ياأختي عليكي بالرقيه الشرعيه مع وضع الأيدي على مكان الرحم والصقه وشرب بردقوش
والرازق هو الله
والرازق هو الله
الصفحة الأخيرة