معاناتي مع ولدي وأول يوم دوام ..؟؟

بسم الله الرحمن الرحيــم

خواتي العزيزات ساعدوووووووني بخبراتكم ..

أنا صار لي يومين بديت دوام .. وطفلي طفرني وكرهني بعيشتي .. للعلم عمره سنه وأسبوعين ..
يوم أروح الدوام أوصله عند عمته ( أخت زوجي ) وهي تهتم فيه طول اليوم ويوم يرجع زوجي ياخذه من عندها وبعدها ياخذني من الدوام ..
أول يوم ولدي كان زعلان مني طول اليوم .. وكله لاصق في أبوه أو أي حد يشوفه ان شاء الله الشغاله المهم ما يبغي يتم وياي ... كسر خاطري وبنفس الوقت قاهرني .. لانه اول مره أتركه أصلا ...
ثاني يوم .. أول ما شافني فرح وتم لااااااصق فيني ... والله ظهرني انكسر من الشل .. اول ما انزله يصيح بدرجه فظيعه وما يبغي يبتعد عني ولو بنفس الغرفه .. والله حتى الاكل آكل وأنا شالتنه ...
عزكم الله حتى الحمام ما اقدر اسيره لانه يتم يصييييييييييح .. تعبت والله وطفرت من هالحاله ..
المشكله انه رافض الاكل نهائيا وبس يبغي يرضع واذا أكلته أي شي بالغصب يرجعه على طووول .. تعبني .. و رافض النوم نهائيا .. أحسه تعبان وهلكان وأرضعه ويغمض عيونه ومجرد اني ايي أحطه في سريره على طوول يصيح ويتعلق فيني ..
والله هلكـــــــــــــت .. تخيلوا اتم للساعه ثلاث في الليل ما أرقد وأنا وراي نشه الصبح وفوق هذا ما أرقد لا الظهر ولا غيره .. يعني كل ارقادي ثلاث أو أربع ساعات بالكثـــــــــــير ...
والله نفســيتي تعبت .. طفرت منه وكرهت عيشتي احس خلاااص ما فيني طاقه ولا أقدر أتحمله أبد ..
ما أعرف شو اسوي فيه .. لدرجه اني استغفر الله اشوي وبضربه من التعب ..:angry2:

ساعدونــــــــــــي جــزاكم الله خير ...