الدمعة الحــزينــة @aldmaa_alhzyn_5

عضوة جديدة

معاناتي مــع أهــلي

بسم الله الرحمن الرحيم

السلام عليكم ورحمة الله وبركاته ..

كيف الحال عساكم بخيير ؟؟

هذي أول مشاركه لي معكم بالمنتدى وأتمنى تقبلوني أخت لكم أو صديقة ..~

الأسف ما عندي صديقات أفضفض لها عن اللي بقلبي ولا تجيني الجراه أصلا لأني اقول كل شخص عنده همه ويكفيه والشكوى لغير الله مذله ..~

مشكلتي مع أهلي بحكيكم قصتي أتمنى ما تملوا من القريتها ..~

<<<<< مو عارفه من وين أبدا ..
عشت الحمد لله طفولتي بسعادة وبحضن أمي وأبوي وكنا نعيش بسعادة وبعد ما خلصت الإبتدائي انتقلنا الى منطقه ثانيه غير اللي كونا ساكنين فيها .. ~

وكنت امتلك شخصيه قويه وثقه بنفسي كان الكل يعجب بشخصيتي على رغم من صغر سني .. ~ :

بعد ما دخلت الثانوي أخواتي البنات تزوجوا والأولاد سافروا لدراسه وعقبه توظفوا
صرت أنا الكبيرة حاليا بالبيت وتحتي بنت وولد توهم بالابتدائي ..~

الولده كانت حنونة معي بالحيل وكنت دلوعة الوالد بدأت معناتي من بداية دخولي لثالث ثانوي.. ~

تغيرت معامله أمي وأبوي بشكل غير طبيعي ولا اعرف السبب كنت قبل متفوقة في دراستي لكن من تغيرت معاملتي عكست على دراستي وما جبت معدل مرتفع يدخلني القسم اللي كنت أتمناهـ
ولكن الحمد لله دخلت الكلية لكن مو نفس التخصص لي أبيه ومع كذا
كونت فرحانة حييل لاني بدخل الكلية

وعقب بدى يجون الخطاب وكنت ارفض ما جاء العريس اللي كنت أتمناه
وفعلا جاء العريس الخلوق المتدين وكنت ناويه اوافق عليه لان أي بنت تتمناه
جاء ولد عمي ورفض اتزوجه قال أنا أبيك قولت يالله ولد عمي ما فيه عيب وأخلاق والكل يذكره بالخير بدأت الدراسة واول سنه بالكلية تلاشت فرحتي يوم بعد يووم

وكان الوالد يقولي خواتك تزوجوا بدري وأنتي لحد الحين عندي متى تزوجين وارتاح منك
أخوانك بعد الثانوي يطلعوا من عندي فديتهم وأنتي غثى على قلبي يا عانس >> عمري 20 حاليا وقال عانس
وبنظر أمي وأبوي عانس وعلى قلوبهم أحاول أسعدهم بأي طريقه لكن دائما افشل
امي كانت قريبه مني في البداية واحكي لها كل شي بس الحين غريبه وكلها تهاوشني بسبب وبدون سبب ونفس الشي أبوي .. ~

وحده من خواتي ساكنه في نفس المنطقة يعاملونها غير وأنا غير كأني أنا الغريبة اللي جايه تزورهم
يسعون على رضاااها وبعكسي وربي بعض الأوقات أغار منها هذا ما كان طبعي هذي أختي وأحبها أهلي السبب اللي حاولو يفرقون بيني وبين أخواني الباقين

اذكر مره طلبت من أمي تتطبخ لي مرقوق أنا اعرف له بس مو مثل طبخ أمي تتقنه رفضت قالت إنتي فاضيه ما عندك شيء هذا الظهر جت أختي العصر طلبت من امي تسوى لها مرقوق قالت لها >>> من عيوني يا كحيله العين وتناظر فيني نظرات تجرح .

سكت ما قولتلها شيء وعقب أختي تعشت عندنا وراحت بيتها وطول الوقت امي تقول أختك أحسن منك أختك أفضل منك أخت وأخت إخوانك مشتاقة لهم وحشوني ..
واذكر مره سافرت امي وابوى لان جدى جته جلطه بالقلب واختي جت جلست عندي كانوا يدقوا على اختي ويطمنون عليها

دقت امي على جوال اختي مقفل ما كان فيه شحن دقت على التلفون الثابت رديت انا
ما قالت حتى اشلونك لا على طول أختك وينها ليه جوالها مقفل قلت لها أمي اشتقتلك قالت لا تكثرين حكي علي

: بسرعه عطيني اختك لاني ما عندى شحن كافي وجلست مع أختي أكثر من نص ساعة وربي جلست ابكي من القهر
ليه كل هذا يصير فيني ليه محد يحس فيني بدرجه أحس بضيقه وابكي على طول حتى ولد عمي ما كلف نفسه وحدد الزواج تاركنى وكل الناس يعرفوا إن ولد عمي يبني عشان كذا ما صار احد يجي ويخطبني : ..~

مليت من العيشه هذي حتى بدرجه صرت فاشله بدراستي و شوف كيف امي وابوي يتريقون علي يا الفاشلة يا العانس أصلا أنتي ما تنفعي لشيء فاشلة بكل شيء

وربي يا بنات أحاول ما اجلس معهم واجلس بغرفتي واخذ جهازي اتسلى عليه
تصوروا أمي مره وش قالت لي

( انتي أربع وعشرين ساعة على النت أكيد تعرفتي على شباب وتكلمين شباب أنتي أصلا صايعه >>> في أم تقول لبنتها هل الكلام مستحيل )

انا وبنت عمي نكلم بعض بين فتره وفترة دقت على الساعة 2 بالليل كان يوم خميس يعني عادي قالت من تكلمين بهل والوقت أكيد واحد من الشباب اللي تعرفتي عليهم ماقدرت أتكلم عطيتها التلفون عشان تتاكد إن اللي كنت اكلمه بنت عمي والله يبنات اني بحاله نفسيه زفت ..

بعد اسبوع كان عندي امتحان بالكلية قالو بني نطلع رحله للبر قولت ما اقدر اطلع عندي ماده صعبه ولازم أذاكر قالوا خلاص طلعوا كلهم ظليت بروحي من الظهر لحد بعد صلاة العشى سالت أمي كيف استانستوا بالرحله قالت ايه
أيوه كيف الشاب اللي جاء البيت يقابلك خوفي تكونوا وصلتوا للمحرم قلت أمي مستحيل أسوى هل الشي وأنا تربيتكم ما أخونكم إيه هذا كان زمان مو الحين ..؟؟؟

آآآآآآآآآه يا بنات أحس نفسيتي بالحييييييييييل تعبانه محاجه أتكلم مع أحد يفهمني
والله فقدت ثقتي بنفي فقد كل شي حلو ما صرت اطلع صرت إنطوائيه .. ~

كل مره أقول هذولا أمي وأبوي واجب علي احترمهم وأقدرهم ..~

بقلبي كلام كثير أقوله بس خفت تملوا مني .. ~

وسامحوني لاني طولت عليكم .. ~

الـــدمــعــة الـــحـــزيـــنــــة

يلزم عليك تسجيل الدخول أولًا لكتابة تعليق.

تسجيل دخول

امل واعد • 16 سنة

والله مو عارفه شاقول لكن كل الي اقدر اقوله

لله يفرج همك ويشرح قلبك ويحنن قلب امك وابوك عليك

راغدة111 • 16 سنة

يمكن اهلك يطفشونك عشان تعرسين
الله يوسع عليك اذا ولد عمك شاريك خذيه احسن الله يسعدك يارب ادعي الله يسخر لك امك وابوك والله يفرج عليك

$ام كوني$ • 16 سنة

حبيبتي دامك تقولين علاقه امك باختك مره حلوه خلي اختك تتفاهم مع اهلك وبالذات امك

صدقيني بتحل الموضوع

والله يحنن قلب اهلك عليك ويصبرك

وهذولا اهلنا مهما صدر منهم لازم نتحمل

ماسويت باهلك يتسوابك

ديــــــــ أم ـــــــــا • 16 سنة

مااقدر اقولك الا كثري من الاستغفار وبتشوفين شي عجيب وطبعا لاتنسين الدعاء

اما تعاملك اهلك معك يمكن هم خايفين عليك وودهم انك تتزوجين ويحاولون يضيقون عليك علشان توافقين على المعاريس

وحاولي تلتمسي لهم العذر ترى بعض الاهل مايعبرون عن خوفهم على عيالهم

@دمعة موادع@ • 16 سنة

لاحول ولاقوة الا بالله...!!

اذا الأهل كذا يعاملون بناتهم ويجبرونهم ع الغلط....

اذن لاتعليق..

فقط ثبت الله قلبك على طاعته واصبري واحتسبي ولن صبرك عند رحيم كريم....