معاناتي من الرهاب،،

السلام عليكم ورحمة الله وبركاته

هذه قصة معاناتي من الرهاب والخجل،،فأنامن كنت وأنا صغيرة فالأبتدائ وأناكذا لدرجة أن البنات بالمدرسةيستهزن بي ويتلفظ علي بألفاظ مره تجرح ولاأقدرأرد عليهم حتى كانت واحدة من زميلاتي دائما تقول عني يالخبله وهذه الخبله وزي كذاولاكانت عندي صديقات لاوحده بنت جيرانا يعني اقدر اسولف معهاوتتقبلني أكثرمن غيرها حتى كنى يأتمرن بعضهن بى هاتى هذا وجيبي هذا والبعض منهم ينظروني بشفقه هذاالبنات الكويسين والله أني كنت اهتم بنفسي ولبسي وأحرص تكون ريحتي حلوة وكان في بنات مهملين نفوسهم وريحتهم خايسة وعادي ماأحد يهنهم مثلي بالعكس يعاملوهم كويس ..كنت أرجع البيت وقلبي مكسور وكارهه نفسي وأشكى للاختى الكبيرة من الي القاه بالمدرسة تجىء تهاوشني ليش متدافعين عن نفسك ليش خوافه ومن هذا الكلا م..وبعدماكبرت ووصلت الثلاثين ومازالت نفس المعاناة للاسف الناس حتى لان مايحترموني مثل غيري وكني واحدة لاشي مثل كنت بعزيمة وكان وقت العشاء جيت اغسل وكان وحدة وزوجت أخوها يغسلون وقد خلصوا عشاءلما شافتني تقول لحماتها يالا غسلي لان هذى شكلهابطول وتضحك تحسب اني مافهمت ومره كنى مجموعة بنات وحده تسأل البنات من الي انخطبت وكذا وسألتنى قلت .ايه .تقول اكيد شياب ...والي يناظروني باحتقار والي يتكلمون ويضحكون وهم يناظروني ويالي اذا جلست جنبي تعطيني ظهرها وأشياء كثيره ..لدرجة كرهت المناسبات والجمعات الكبيره "الحين الحمد لله بدأت أثق بنفسي أكثر من قبل ولكن اذا جيت اسولف اتأتى فالكلام واذا مشيت أوسويت اي شغلة تجني رجفة وأحس برتباك أما اذاكنت جالسة عادي .. بنات في أحد منكم مثلي أو أحديقرب لها .... ..دعواتكم لي بالشفاء الله يجزاكم الجنة ويرحم والديكم