من أين ابتدي الحكاية فمهما حاولت اختصارها يسقط جزء من الأحداث
قبل ثمان سنوات من ذا الشهر الفضيل سنة 1432 .. كنت بالسنة التحضيرية و اختي اللي اكبر مني ما كانت بالجامعه تدرس دبلوم اعلام .. والثالثه الكبيره تخرجت من الجامعه و عمرها 23.
في هذي السنه انخطبت الكبيره و ما كملت خطوبتها اربع اشهر ثم طلبت الطلاق و خلعته ..
في هذي الايام اللي خلاص قررت انهاء الزواج كان عندنا بالبيت اجتماع على عشاء و كان في وحده تصير بنت عم ابوي كننا بالعربي ما نطيقها تحب توصل كلام ل أمي علشان تكسب رضاها بأي طريقها كل ذا لأهداف اخوي يتزوج بنتها ..
في وقت العشاء و لما أمي رحبت بالضيوف و كلهم راحو لصالة الطعام رحت ارتب صالة الاستقبال و لقيت هذي الآدمية تاركه العشاء و الصالة و واقفه قداااااااام باب المخزن و عند غرفة اختي الكبيرة اللي انا كنت حاطه دولاب ملابس لي عندها لاني ارمم غرفتي وكان منضرها يخوف كأنها ماسكه شي بيدينها و تحوس فيه
و اروح لها طيران سألتها اذا غرفتك قافله ولا لا وقلت لها عن الموقف
جت أختي تشوف المنظر الا وتلقاها واقفه هالمره عند مراية دورة المياه وقالت لها روحي تعشي تقول شوي مو الحين .....
و فجاءة وانا واختي كننا واقفين عند الضيوف على العشاء دخلت بسرعه وجلست بطريقة تضحك و تخوف بنفس الوقت
و من بعدها البيت صارت فيه حركات غريبه و مرينا بفترة رعب يطول شرحها لمدة شهرين و نصف وصلت الى تكسير الأثاث و حتى وصلت الى تكسير المغاسل والسيفونات و كان فيه بسه ( قطه يعني ) تتمشى على جدار سور البيت الخارجي 24 ساعه و مزعجه بشكل ....
ومجرد ما نصحنى الشيخ برش البيت بماء و ملح اختفى كل شي
لكن الشي اللي صار اني انا بديت احلم احلام غريبه .. فسرتها بالمنتديات قال لي شيخ .. هناك من يرغب بخطبتك ولكن فيه وحده حاسده واقفه بطريقكم .. وعليك برقية نفسك بسورة البقره ... لكني اخذت الموضوع من واقع حياتي كلامه ماعليه أي دليل ولا فيه أي احد ممكن اقول هوا ...
طنشت ... بعدها صارت تطلع بجسمي كدمات بالذات الساق اليسار و خصوصا بعد زواج ولد عمي ... وانا بثاني سنه بالجامعه
حاولت استمر لكن الدراسه تاخذ وقت حاولت بالاجازات مااستمر عزيمتي صفر
استمريت احاول سنتين وشوي ... تخرجت بدات هنا عهد علي احافظ على البقرة واحفظ صفحه من القران يوميا .. واختمه كل شهر .. ثم بدأت ادور بالنت حلول و لقيت موقع عبدالله الخليفه وبدات اطبق .. اولها بدات بقراءة مية صفحه من القران يوميا
كانت النتيجه كدمات ملأت ساقي و احلام مرعبه زادت ... ( احلامي بحد ذاتها قصص رعب ما تخلص )
حلمت اني بحفل تخرجي وكان في وحده اعرفها في الحقيقه امي تتمنى ان ولدها يخطبني وانا ما اعطيهم أي بال .. وكأني ادور على ( جزمتي الله يكرمكم ) ورفعت كيس لها قالت روحي مالك شي عندي هنا .. بعدين طلعت ولقيت جزمتي وحده بالارض والثانيه عالقه بشجرة .. لبست الاولى و نزعت الثانيه من الشجره وانا قاعده البسها كانت هي ماره بالسياره و شافتني وانا البسها ,,,
فسرت الحلم من الضاهر لي طرتدها لي الاولى واضحة الشي الي امي تبغاه هي ما تبغاه .. و الجزمه هي حقيقه الحسد اللي قاله الشيخ اول مره انه في وحده واقفه بيني و بين من يرغب بخطبتي .. فالله أعلم اذا هي فعلا ام وحده غيرها ... رغم انه من المفترض ان يكون ولدها متزوج قبل ست سنوات ,,, من ايام ما بدات معي الاحلام ...
في هذي الفترة لما قلت لأختي اللي حصل معاي تشجعت وبدأت بقراءة سورة البقرة كانت اول ايامها ما تقدر تكمل السورة تحس ان الكلمات تتداخل في بعض و تنام وهي تقرأ
ضلت على هذا الوضع شهرين .. ثم شهرين ثانيات و تحققت دعوتها وقت القراءه بالوضيفه .. و توضفت
كانت بهذي الفترة تحلم بمكان عندنا بالحوش ورى شجره مرات ان احد يرمي فيه شي او انه حفرة تطلع منها ثعابين ومرات بريعصيه ....
بعدها جت الاجازة و رجعت على سورة البقرة بعد ما سمعت ان في ناس لهم سنتين يسألون عنها و ما تقدموا ... وفعلا تزوجت هذا الرجال .. لكن كانت متكتمة على ما صار معها ثاني مره
انا تدهورت .. كل ما بدات بالبقرة هيجي شي يقول بدعه واتركها
المختصر اني اربع سنين من تخرجي و انا ضاغطة على نفسي بالرقى المكثفه والمتقطعه بسبب الفتور و الكسل اللي امر فيه .. اخرتها دوبني اخذت عمره والكدمات اللي قلت انها اختفت طلعت لي وحده رغم اني اختم القران وبطلت تطلع معي ... وهذا بسبب اني اضغط على العارض ولما يتعب واتعب انا اوقف ويرجع اقوى من قبل ( كذا قال لي راقي )
من اقوى تجاربي الفترة هذي رقية ابن جبرين ( اتأثر فيها بشكل فضيع ) لكن ياخذني بعدها النوم الطويل اللي يجي وقت الرقيه اللي هوا الصباح والضهر والمغرب وما اقوم لوقت الضهر والمغرب ....
و في نقطه مهمه المكان اللي حلمت فيه اختي ,,, الان في بسه ( قطوه ) جت من الشارع و ومعها قطو صغير .. الكبيرة تركت ولدها وراحت و مهما طردنا فيه يرجع لنفس المكان ..
ومن يوم دخلت بيتنا مريت بحالة اكتئاب وصلت اني راجعت عند طبيب نفسي
و كل مابدات بالبقره ما استمر
و دوبني قريت قصة بنت استمرت على سورة البقره مع رقية ابن جبرين لمدة اسبوع وتشافت من عين لها 11 سنه معها
سوال تحليلكم
لأول موقف لما الحرمه تحاول تدخل غرفنا ....لما رقيت نفسي وحلمت في وحده ما ادري اذا الموضوع مرتبط فيها او لا .. المكان اللي عند الشجرة اولها احلام والان قطو ما يفارق ,, و حالة الاكتئاب اللي دخلتني بحالة استصغرت نفسي واني خلاص اموت احسن لي لان حالتي متشائمة منها لابعد درجه ..
الكدمات اللي كل ما اختفت ترجع .وخاصه اذا استمريت فترة على سورة البقره . الغثيان والاستفراغ مع الرقيه .. والاحلام اللي تجي وقت الرقى ... علما بأني مره رقيت نفسي اربع ايام حلمت اني بعرس و ان المخلوقه اللي قلت انها تطردني وانا ادور جزمتي بالحلم الاول .. كانها تاخذ جزمتي بالحلم هذا كمان ورحت بيتنا حافيه
ما ادري اذا الموضوع متوقف على حسد من هذي الانسانه او انها فعلا تبغاني لولدها وفي احد حاسد بيينا ,,,او ان الشجره و مكان القطوه له علاقه بشي .. و الادمية اللي تتسحب بين غرفنا و الحاله اللي جت بيتنا قبل فتره
الشك يخالطني بين الحسد و السحر ..... و الحرمه اللي احلم فيها ما لها اي علاقه او اي تواصل مع اللي بتدخل غرفة اختي
على فكرة من بدات هالحاله ذي كنت قبل انخطب لكن من ثمان سنين اسمع كلام وما اشوف شي
ظنيت بك خيرا @thnyt_bk_khyra
عضوة جديدة
يلزم عليك تسجيل الدخول أولًا لكتابة تعليق.
تهانيا
•
الله يشفيك عليك بسورة البقرة اقريها باستمرار والدهان بزيت زيتون مقري
خوله..
•
ربي يعينك ويشفيك استمري على قراءة البقره
واستمعي لرقيه وتدهني بزيت زيتون
واقري بموية زمزم واشربي منها
بنية الشفاء
واذ تقدري اشربي ملعقه من زيت الزيتون
ربي يشفيك وكل مريض
واستمعي لرقيه وتدهني بزيت زيتون
واقري بموية زمزم واشربي منها
بنية الشفاء
واذ تقدري اشربي ملعقه من زيت الزيتون
ربي يشفيك وكل مريض
انصحك بالاستمرار على الرقية الشرعية وسورة البقرة يوميا ..
واشربى قهوة تساعدك انك ما تنامى
واشربى قهوة تساعدك انك ما تنامى
الصفحة الأخيرة