لي 8 شهوور و يجيني الم براسي و اتعب و تتعب نفسيتي و دوخه و غثيان و تعب و كثرة نوم و جهد و قلق و توتر
و كنت كل مرره احسب انه حمل مع اني استخدم مانع بس مرات انساه
و الالم كان مو مستمر يعني ايام و يخف و كل شهر يزيد و كنت ماتحمل اسمع اصوات كثيره
و اتنرفز لما اسمع احد حتى لو يناديني
قلت يمكن التهاب بالاذن و دكتور يقول مافيه و دكتور يقول فيه بس بسيط و يعطيني علاج و استمر و مافيه فايده
وهذي صوره لمواقع الالم
و يوم الاربعاء قبل يومين زاد الالم و صرت ماقدر اتحمله ورحت للمستوصف الكندي و قالت الدكتوره انه يمكن يكون عضلات مشدوده و ارهاق
و اليوم الي بعده صرت ماقدر انام و البيت يدور علي و حتى بنتي ماقدرت اشيلها بس امشي واتمسك بالجدار و ماقدر امشي عدل
ورحت ع طوارى العسكري بالدمام و قامو عملو لي تحليل السكر و ضغط الدم و الكشف و قال الدكتوور انا شااك بالاذن و لما كشف ع الاذن قال هذي سبب المشكله انا استغربت و سالني تستعملين قطن تنظيف الاذان قلت ايه قال ماشفتو التحذيرات وووو
قال هي خطرررر لانها لما تنظفو الاذن تدخل الاوساخ لجوا الاذن و تسبب التهابات و الاذن سبحان الله فيها عضلات تطرد الصمغ و اي شيء جوات الاذن لبرا و تنظف الاذن بس انتو نظفو بمنديل من برا اما جوا لااا و مع الوقت تسكر الاذن و يصير السمع معدوووم
و يقوول بلغوو الكل حولكم ترا الكل مايدري و هي خطرر على الاذن
و اعطاني مهدي كلوب رام لان يقول مالها علاج خليها مع الوقت بتزول
و الحمد لله لي كم يوم مرتاحه بس الم خفيف مقارنه بالالم الي فات
و حبيت ابلغكم و انذركم و انتبهوو لاطفالكم لان وحده خبرتني ان قريبتها تركت قطن تنظيف الاذاني ع التسريحه و اخذها الطفل و دخلها باذنه و انفتحت عنده طبلت الاذن :(
دعوااااتكم ان ربي يحرم عني النار و يحرمها عن امي و ابوي و اهلي جميعاا وزوجي و اهله جميعاا
لا اله الا الله العظيم الحليم لا اله الا الله رب العرش العظيم لا اله الا الله رب السموات ورب الارض ورب العرش الكريم
لا اله الا الله وحده لاشريك له له الملك وله الحمد يحي ويميت وهو حي لايموت بيده الخير وهو على كل شي قدير
سبحان الله وبحمده عدد خلقه ورضا نفسه وزنه عرشه ومداد كلماته