معاناتي وااااااه من معاناتي

سلام ياحلوات بخش طوالي في مشكلتي

انا يابنات ملكة جمال (ظاهريا)على قول الناس وماعمري رحت مكان الاوالناس تتكلم بجمالي ملامحي جميله وبشرتي بيضا ماشاءالله والحمدلله بتقولون هذه جايه تمدح نفسها دامك جميله ايش المشكله يعني!!

المشكله اني مااصير ملكة جمال الابالمكياج وهذا اللي مخوفني وتحديدا بكريم الاساس الثقيل والبودره لان النمش المزمن مغطي وجهي بالكامل هذا غير الهالات السمرا البنفسجيه حول العين والله يابنات صرت اخاف احد يشوف وجهي على طبيعته ينصدم بشكلي واموت خجل احد يشوف بشرتي لان النمش جاي كانه وسخ ومتداخل على بعض

تخيلو حتى قدام زوجي مااطلع الابكريم اساس وفي بيت اهلي ووسط اخواتي بكريم اساس لان شكل بشرتي معدوم معدوم بالنمش والتبقعات

كل مامرت سنه كل ماتعمق النمش وكثر على الاقل في الطفوله كان النمش فاتح
جربت كل شي من جد كل شي ممكن تتخيلونه تقشير وكريمات ومواد طبيعيه وليزر ومانفعني شي احس العبره خانقتني مشتااااااااااااقه اكون على طبيعتي مااخجل من وجهي والله اتمنى لوكنت سمرا بس بشرتي تكون صافيه وهذا اللي قاعده اسويه استخدم لون اساس غامق مثل لون البقع عشان ينسجم معها ويبين بشرتي صافيه

اتمنى اكون ببيتي قدام زوجي بدون اساس وانا واثقه اتمنى اروح لاهلي واجلس وسط خواتي وبنات عمي وانا مثلي مثلهم بدون قناع اغطي فيه وجهي

والله حتى الاطفال لما يشوفوني بدون اساس وبودره يعلقون يقولون ليش وجهك فيه نقط!!!!!!!

وكله كوم وتعليق زوجي كوم صار هذا نقطة ضعفي والشي اللي يجرحني
استخدمت كريمات مفتحه وفتحت وجهي وفتحت النمش يعني مازال التفاوت الكبير بين لون التبقعات ولون البشره الاساسي واضح
من جد هالمشكله مأثره على نفسيتي ومشوهتني

اتمنى الاقي عندكم لوبصيص امل من حل اوعلاج اوتجربة وحده قدرت تشيله من وجههاا ولوماعندكم شي بالله ادعولي والله هذه اول دعواتي الناس تدعي بالجنه وانا ادعي الله يرزقني بشره صافيه يارب اعطني اياها الثنتين انا وجميع البنات اللي يساعدوةني لوبالدعاء:26: