معاناتي وبرود مشاعري مع صديقتي...أراائكم.

السلام عليكم ورحمة الله وبركاته..


يسعدلي صباحكم ومسائكم..


حبيباتي في عالم حوااء أنا عندي مشكلة مضيقة لي صدري وسجلت عندكم عشان أطرحها عليكم وأن شاءالله أشوف تفاعلكم وماتقصرون..

مشكلتي أو بالأصح معاناتي هي:


عندي صديقة تعرفت علي من سنتين تقريبا وهي طيبة وخلوقة وتحبني بشكل خيالي ومافي منها أي قصور بالعكس ماشاءالله عليها بس مشكلتي هي:

أني ماأحبها بقووة ومشاعري بارده جددا معها مع أني ماأكرهها بس ماحسيت أحبها مثل حبي لصديقاتي الثانيات..

وهذا الشعور غصب عني حاولت أحبها مثل صديقاتي الثانيات بس عجزت..

يعني لو أجلس فترة طويلة ماأكلمها أو أراسلها عادي وماأحس بشووق لها بس أراسلها من باب الأخوة في الله..

صح أني ماأكرهها وماأبغى تكون بيننا قطيعة بس ماحبيتها كصديقة.

مررات تتصل فيني وماأصدق تخلص من المكالمة..

ماأحب تقولي كلمات فيها حب وشووق أحس أتقرف مررره..

أرجوكم خواتي لاتلوموني بشعوري غصب عني وأنا محتاجة أرائكم وهل أنا علي أثم بتقصيري معها مع أني ماأبين لها برودي عشان ماأكسر بخاطرها ولاتقولون لي صارحيها لأني مستحيل أكسر قلبها ولاتقولون شوفي أيجابياتها لأني شايفتها بس غصب عني.


أنتظر ردودكم ربي يسعدكم ويرزقكم بالأزواج الصالحين..