غرااااامي صعب @ghraaaaamy_saab

عضوة جديدة

معاناتي يا أخواتي ..

السلام عليكم ..

ابحيكلكم معاناتي افضفض يمكن ارتاح من الهم اللي بقلبـــــي ..

انا متزوجة صارلي سنتين وعندي ولد ..

المهم زوجي اهله مو هنا في مدينة ثانيه وكل شوي يسافر لهم اسبوع ورا اسبوع لدرجة ان بعض اهله هناك يقولون ايه ولدنا يبي عندنا مايبي هناك عندكم ومررره اتضايق ..كلمته كذا مرة اقوله اجلس اسبوعين ثلاثه بعدين روح هناك يعصب علي ويقول انتي تحرميني من اهلي ومن هالكلام
المشكله يابنات ان اذا كلمت اخواته ونسولف مع بعض يقولون والله مانشوفه ومانجلس معاه بس يطلع للاستراحه يسهر الى الفجر ويرجع وينام وبس ..
ويروح اربعاء مسافة 600كيلو ويرجع الجمعه يقول متكسر وظهري يعورني وبأنام ومن بكره نفس الشي يقول بأنام تعبان من الطريق ..
المسافه ماهي بسيطه وهو ماشاءالله يروح اسبوعيا أو أسبوع ورا أسبوع
حتى اهلي اتفشل اذا رحت نهاية الاسبوع كل شوي عندهم ..

وهو يقول انا اروح دايم عشان اهلي ..
ماأدري كيف يروح وهو مايجلس معاهم ولا شي ..

ويا أخواتي مررره رافع ضغطي احسه يهينني أنا اقوله احترمني وقدرني انا زوجتك
يقول طيب وبعدين ..
اقوله انت ليه كذا بارد معاي يقول انا بارد ليش عندك شي ؟؟
ويطنشني ..

ملييييت وتعبت نفسيتي تعبت من القهر احط حرتي بولدي
طيب ليه كذا يسوي

المشكله اقوله انا مقصره معاك بشي يقولي لا

وازعل مرات ومااحاكيه ابيه يحس فيني ولا حياة لمن تنادي ..

والله بس اقول حسبي الله ونعم الوكيل من القهر
احس بأنفجر بس ماأدري متى ..

انصحوني وشاركوني مشكلتي ..

يلزم عليك تسجيل الدخول أولًا لكتابة تعليق.

تسجيل دخول

rzan99 • 11 سنة

الله يعينك
ماعندي مانصحك به لاني اصلا ماعرفت احل مشكلتي
الحمد لله بس
حببت ارفع لك الموضوع وادعيلك

jo0el • 11 سنة

ولدك حرام طفل ماله ذنب لاتطلعي حرتك فيه ولاشي وش ذنبه بالله ترا اذا كبر ان شاء الله محد بينفعك الا ولدك هذا الله يصلحه ويخليه لك

واذا حسيتي نفسك مقههوره ومتضايقه توجهي لله صلي وادعيه ومابيخيبك والله تمر علي اوقات احس بموت من الضيقه ومارتاح ولا احس بسكينه الا اذا قمت صليت وشكيت لربي عن كل شي بداخلي وكل شي متعبني وبكيت له وتنفرج علي من حيث لا احتسب الحمدلله الحمدلله الحمدلله

استغفري 1000 مره فاليوم
صلاة الوتر صليها كل يوم 3 ركعات بس عظيمه عند الله وادعي فها باللي فخاطرك
وخلي على لسانك دايم كلمة حسبي الله ونعم الوكيل

الله يفرج همك و يشرح صدرك ويصلح حالك انتي وزوجك ويهديه لكم

دلع شرقي • 11 سنة

هدي يابنت الحلال واحمدي ربك يم اهلك
والاستراحه مو يم بيتك
قريبتي زوجها عنده استراحه ماتشوفه وبعيده عن اهلها وعن اهل زوجها مقابلة جدران الشقة
هو ما اهانك لماراح لديرته وربعه
وكثر الزن ممكن يجي عليك يقدم نقل لديرة اهله وبتاكلينها انتي لانه كل يوم بيروح يسهر عند ربعه
وعادي جدا الشباب استراحات مايرجعون الا وقت الفجر
وشوفي قصص المتزوجات من مدمنين الاستراحات ومعاناتهم وكل يوم طلعه للفجر
ونتي الحمدلله سبت واحد واثنين وثلاثاء واربعاء عندك
واحيانا مايرووووح
خليه كذا ترتاحين من لو كان قريب من اهله
وروحتك لاهلك كل اسبوع شيء جميل جدا ومررررررررررريح

مانجا وفراوله2 • 11 سنة

الله يعينك فعلا حااااااااسه بشعورك واحراجك من اهلك لان حيان زوجي كذا تاخذه الروحه للاستراحات مننا بس مالنا الا الدعاء الله يسخر لك زوجك يارب بس انا شايفه انه لوكنتوا بنفس مدينه اهلو اهون يمكن يطفش من كثرة الروحات ويخففها بس صعبه عليك لانك تبعدي عن اهلك كذا زي مافهمت مادري شقولك فكروا بالنقل...

غرااااامي صعب • 11 سنة

مانجا وفراوله2 :

الله يعينك فعلا حااااااااسه بشعورك واحراجك من اهلك لان حيان زوجي كذا تاخذه الروحه للاستراحات مننا بس مالنا الا الدعاء الله يسخر لك زوجك يارب بس انا شايفه انه لوكنتوا بنفس مدينه اهلو اهون يمكن يطفش من كثرة الروحات ويخففها بس صعبه عليك لانك تبعدي عن اهلك كذا زي مافهمت مادري شقولك فكروا بالنقل...

الله يعينك فعلا حااااااااسه بشعورك واحراجك من اهلك لان حيان زوجي كذا تاخذه الروحه للاستراحات مننا...

الله يجزاكم ويفرج همكم ,

لا مو اهانه لما يروح بس ليه يقول عشان اهلي وهو حتى مايجلس معاهم ولاشي بس بالاستراحات
يعني يتركنا ويطق 600 كيلو عشان استراحه بس ؟؟

وايام الاسبوع تدرين مانشوفه يانايم يامسكر على نفسه ويدخن ويتابع شي بس ..

فرصتنا نهاية اسبوع وهو يسافر مايلقي بال لنا ..

قهر والله ..