معاناه طويله اللي فاضيه تدخل 🌹

اه مدري محتاره بين نارين انا 💔
اهلي والا زوجي
اول شي عندي عمتي اخت ابوي وذي مره كانت قريبه مني وقريبه من ابوي
مره من المرات زوجي كلم اخوي ع اساس يعزمه عندي بالبيت فقال اخوي لا اليوم فيه عشاء عند واحد من الجماعه ومقدر اجي
المهم قالي زوجي ورحت اكلم عمتي لقافه طبعا اسال عشاء مين
كانت تتريق وكذا وشويه وتعطي الجوال زوجها ذا الرجل طول حياتي قريب من بيت اهلي وكذا
وجلس يسولف معي ويقولي وش يقربلي اللي مسوي العشاء
للمعلوميه زوجي مو من قبيلتي
وانا اعرف زوجي يغار بالحيل فسكت كان جالس جنبي واقول طيب طيب وايوا ايوا وشافني كذا وقرب مني وسمع صوت رجال واخذ جوالي وسكر الخط شويه وتدق عمتي تكلمني واخذ زوجي الجوال وكلم عمتي ويقول كيف يكلمها كيف يكلم وحده مي محرم له وتعطي الجوال زوجها وكلم زوجي زوج عمتي وطبعا زوج عمتي اعتذر منه وسكر
عاد عمتي من بعدها قلبت علي
وبدت المشاكل 💔💔💔
انقلبت حياتي عند اهلي جحيم بسببها لانها تروح وتقولهم كلام عني واشوف الكل متغير علي
ويقولون لي انا تغيرت صرت بلا شخصيه ويقولون زوجي ياخذ مني حافز ومني ذهبي
وهو مياخذ مني ريال غير اعطيه انا بنفسي والح عليه وبالقوه ياخذ وفوق ذا يعطيني مصروف
والحمدلله جدا سعيده معه
المهم هو لاحظ حركات اهلي تجاهي
وبدا حتى هو يتغير كان رجل بمعنى الكلمه وصار كل شي يسونه اهلي فيني يوصله لامه 💔😩
مثلا يجي ابوي يقول قدام زوجي وعزي عنها بنتي تغيرت مو مثل اول
ومثلا يقولون ان فيني امراض وكذا بعد الزواج لان زوجي مصاب بالبهاق
ويقولون لي ليش اخذتيه احنا مكنا نبغاك تاخذينه
لدرجة يقول ابوي عنه الوزغ 💔
واختي تزوجت بعدي يروحون عندها ومساير وانا ولا احد من اهلي يجيني
اجيهم يطنشوني طبعا غير وحده من خواتي واخواني الصغار اللي عادي معاي وانبسط معهم
زوجي يقول كل اسبوع لازم اوديك لاهلك مبي اقطعك عنهم واستحي اقول مبي اروح
صار ابوي وامي وعمتي حاضريني بالاتصال وحاضرين زوجي
زوجي قبل اتصل ع ابوي وقالي كل مدقيت ع ابوك مشغول قلت يمكن يكلم هو عنده مكالمت كثيره 💔☹😩
وعماني الباقين بمناطق مختلفه وكلهم يحبوني انا ويبون يزووني تجي عمتي وتقول لحد يروح لها زوجها بيطردكم
وتتكلم ع زوجي ومتخليهم يجوني
اليوم جيت عند اهلي جاء ابوي وقال ابغاك تتطلقين منه ابيك ترجعين مثل قبل
يقولون شخصيتي تغيرت وزوجي معذبني بس انا متكلم ويقولون احنا منبيهم ويقول والله بيجي يوم ويرميك عندي
انا متاكده لو تطلقت اكثر ناس بشمتون فيني هم
وزوجي ذحين بعد متغير علي بس يهددني بالطرد من البيت وبس يدور الكلام عن اهلي ويبي يعرف اخبار لدرجة يسال اخواني الصغار
طبعا انا صرت اكتم بالحيل ومتحمله من الجهتين شوي وانفجر
حبيت افضفض واريح نفسي مدري وش السواة عندي رضيع واكيد لو ابتطلق بياخذه ابوه 💔😩😩
ابيكم تعلموني ايش اسوي حبيباتي طبعا سارا قالتلي اقولكم مشكلتي عشان تحلونها لي وتعطوني نصايحكم جزيتم خيرا 🌹