معاناه مع هالسمنه ساعدوني

الله يتمم لك على خير ان شالله حبيتي اتركي التجارب على جنب والله ماراح ينفعك اي شي غير الاكل الصحي المنظم مع الرياضه وغير هالحكي لاتاخذينها بتروح شهووووووور وانتي محطة تجارب مابي احطمك وزنك كبير بس مو صعب انك تنزلينه اذا كان عندك اراده والي يثبت لك شوفي الرابح الاكبر اكبر من وزنك ومع ذلك في ظرف 6 شهور طلعو رشيقات لاتيأسين ولا تحوسين ابدي من اليووووووم لاااااااااااا للسمنه نعم للاكل الصحي والرياضه وربي يعينك وييسر امررك

والله نفس المشكله عاد انا ابي انحف باسبوعين قلت بجرب رجيم السوائل تبدئين معاي؟؟
وبعدها بمشي على نظام صحي اذا ودك خلينا نتواصل

مبروك حبيبتي....مو مشكلة اذهبي الى دكتور عام عشان يفحصك و يتأكد انه لا يوجد لديك مشاكل عضوية ثم يحدد المشكلة ثم يحولك الى الطبيب المختص...صدقيني هذه أفضل طريقة و طبعا أفضل من أن تاخذي مواد قد تؤثر على جسمك ... لا تقولي طبيعية ...لأنه هناك الكثير من المواد تؤثر على الجسم سلبا مع انها طبيعية... ولا تخافي الدكتور ان شاء الله سيقول لك ما هي أفضل الوجبات و الادوية الي تناسبك بناء على نتائج الفحوصات و اجابتك على اسئلته...

حبيبتي الله يوفقك ويستر عليك وينولك اللي في بالك

تبين تنزلين وزنك وجسمك يكون مشدود وبدون ترهلات عليك بالاكل الصحي وحددي سعراتك فيه كذا موقع يحسب لك كم سعره حراريه يحتاجها جسمك في اليوم بناء على وزنك الحالي وعمرك وكل ما نزل خمسه كيلو ارجعي عيدي الحسبه. والرياضة جداً ضرووووووري مؤ بس المشي مايكفي للوزن الكبير لشد الجسم علشان يدينك ماتترهل وباقي جسمك

حاولي تمشين كل يوم نصف ساعة على الاقل واعلمي رياضة لاجزاء الجسم نصف ساعة شامله الاحماء قبل التمرين والتمدد بعد التمرين. خوذي يوم راحة في الاسبوع من الرياضة

النظام الغذائي لك أتبعي الهرم الغذائي وخلي وجباتك تشمل كل الأصناف مثلا استخدمي طبق متوسط وخلي نصف الطبق خضار سواء مطبوخة او سلطة وربع الصحن كربوهيدرات وربع بروتين. خوذي حبة فاكهه كوجبة خفيفه بين الوجبات وممكن تخلين فطورك سلطة فواكه واحرصي على الأناناس والكيوي والشمام والفراوله والقريبفروت لانها من الفواكة اللي تساعد في الحرق. ممكن كمان كوجبه خفيفه تاخذين علبة زبادي قليل الدسم مع ملعقه صغيره نخاله وملعقه صغيره بذرة الكتان مجروشه وملعقة صغيره جنين القمح واشربي بعده كاس شاهي أعشاب وافضل شي شاهي اخضر أنا كنت أخلط النخاله وبذرة الكتان وجنين القمح الصباح في علبة صغيرة وأخذ علبة الزبادي معي الدوام وأكلهم الضحى لما اجوع وبعدهم كاسة شاهي اخضر او ابيض اللي عندي في المكتب

لا تأكلين اي شي قبل النوم بثلاث ساعات على الاقل الا اذا حبيتي شاهي أعشاب مثل البابونج او النعناع وهالشغلات

ثمان كاسات ماء على الاقل في اليوم

خلال فترة الرياضة والنظام الغذائي اهتمي بترطيب بشرتك وياحبذا الكريم يحتوي على زبدة الكاكاو والشيا وفيتامين ه

الرياضة لو ما قدرتي تنتضمين في نادي وهو الافضل حاولي تجيبين لك دي في دي او حمليهم من التورنت فيه تمارين الزومبا وتمارين جيليان مايكل حلوين

هذا اللي يحضرني وان شاء الله اكون أفدتك ونصيحه اخيره ابعدي عن رجيمات النزول السريع تدمر شعرك وبشرتك وصحتك والوزن يرجع بسرعه وجسمك بيصير يمتلي سترتش ماركس من تذبذب الوزن