معاناه ناس اعرفهم مع الغلا وحلول من عندي لغلا الاسعار ونظام ساهر

يقول الشاعر الخليجي /عبدالرحمن بن مساعد

إحترامي .. للحرامي ii!!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ii..
وبعدها تَعدى محيطه ..
وصار في الصف الأمامي .. !
احترامي .. للحرامي .. ii!!

احترامي .. للحرامي ..
صاحب المجد العصامي ..
صاحب النفس العفيفة ii..
صاحب اليد النظيفة ..
جاب هالثروة المخيفة ii..
من معاشه في الوظيفة ii..
وصار في الصف الأمامي ..
احترامي .. للحرامي .. ii!!

احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ii..
إلا في جنح الظلام ..
صار في الصف الأمامي.. ii
احترامي .. للحرامي .. ii!!

احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ii..
يعرق ويرجي المثوبة ..
ما يخاف من العقوبة ii..
صار في الصف الأمامي ii..
احترامي .. للحرامي .. ii!!

احترامي .. للحرامي ..
صاحب المجد العصامي ..
صار يحكي في الفضا ii..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ii..
احترامي .. للحرامي ..
احترامي للنكوص ..
عن قوانين ونصوص ii..
احترامي للفساد ii..
وأكل أموال العباد ii..
والجشع والازدياد ii..
والتحول في البلاد ..
من عمومي للخصوص ..
احترامي للصوص .. ii!!




مرحبا ياحريييم ..كيفكم..؟!؟!

الحين ودي اتكلم في موضوع مع اني عارفه انه بينحذف بس تكفون لاتحذفونه صدقوني بنحاوول نحل اشيا ونشوف الخلل

وان فيه بنات بيهاجمون الموضوع  بس الي ايده في النار مومثل الي ايده في الماااي

انا بقول الي عندي وياليت ماتحذفونه والله نلقى حلول اقل شي كيف نتصرف وايش نسوي ..

الحين لماقريت موضووع عن مكرمه الكويت شفت ردود بنات حنا وحنا مايعطونا ثمن تجي وحده ترد عليهم تقوول حرام عليكم ماقصرو ...!!؟

معك ياحبيبتي ماقصرو بس فيه اشيا لازم لها ضوابط..

احسن نعمه الامان والله لايغير علينا بس اشياء ثانيه لا 

مابي وحده ترد تكفوون وهي ماحست بشي ولاتدري وش الحاصل بالواقع تسمع اعلام وبس ..انا مااتكلم الاعن التجار والبطانه الفاسده الي تنهب ولا الحكوومه ماقصرت والدليل قصيده الامير عبدالرحمن بن مساعد لماقال فيما معناه انه الامير يعطي فلووس مية الف مثلا ومن واحد لوااحد لحد ماراحو للفقير وقالو الامير يسلم عليك وهو صادق والله ..اقسم بالله اعرف واحد يشتغل عند الامرا راتبه مايتعدا 3000 وعنده خيير وعماير وغيرهليه؟؟ من الهبات والاكل الزايد الاشيا ياخذونها.. 

اول نقطه غلاء الاسعااار:

لاحظو معي كل ماجت المكرمه زادو الاسعار التجار ولاحظو مايزيدون الا العساكر الغالب طيب والباقين وش ذنبهم ؟؟؟ والي بقطاع خاص وراتبه 2000 وعياله 5 شيسووي ؟ مانبي شي بس ارحمونا تكفوون من الغلا ..التجار مترصديين بقووه للزيادات حسبي الله

الحل :انه يجي قرار من الحكومه يمنع هذا الرفع للاسعار ابد..ارحمو من في الارض يرحمكم من في السما ..

ثاني شي ساهر:

بتجوون تقولون خفف حوادث طيب اوك بس طبقوه بنظامه المعروف بالدوول ماهو بطريقه النهب ..
يعني حطو لوحات انه فيه ساهر مثل الدول الباقيه مو تندسون ورا الاشجار بسياراتكم
فكره ساهر بالاشارات كويسه ولا الباقي والله احيانا يلقطنا وحنا مهدين بس فسقه
غير كذا لاتدبلوون الاسعار ربا والله العظيم ربا باي حق يندبل السعر ..؟
تخيلو معي غرامه قريب لي هذا الشهر 300 اوك جاه الراتب وراتبه جدا جدا قليل ماقدر عنده اطفال وبيت بتقولون مايقدر ع ثلاثميه بقولكم ايه وربي وربي انه احيانا الفسحه خمسه ريال ولاعشره يتسلفها لعياله واقساط واجار يغني 300 احق عياله فيها هذا اذا لقاها قال مومشكله اسددهم الشهر الجاي يوم جا الشهر الي بعده لقاهم دابلينها له ؟؟ لييييه مو حرام تااازم المسكين الله يفرج له ..

الحل : 

انه نظام ساهر يصير مكشوف وفيه لوحات مثل العالم وتبين انه فيه ماهو دسدسه
تحديد سرعات معقوله ماهو عند اللفه الفلانيه كذا والشارع الفلاني كذا والمخرج الفلاني كذا والله تضيييع 
بالطرق السريعه سرعه محدده 
جوا المدينه سرعه محدده وصلى الله وبارك

ثانيا: عدم الدبل اذا ماسدد لانه اصلا حرام 
المسكين من وين له اصبرو المسلم للمسلم..

وبكذا يكون نظام ساهر كويس وماعاد احد يسبه..

وغير الضمان الي تكلمو عليه البنات انا مااعرفله والله فاتكلم بالي اعرفله


ياليييت هالحلوول يطبقونها نرتاح شوي والله تعبنا من الديون والسلف ..

حد للاسعار وقرار صارم للتجار
وساهر لاتدبلون وطبقوه زين وبس

<<تحمست ^_^ بس والله ماراح تحس بموضوعي الا الي عانت وحست ...


وشكرا لحسن استماعكم..؟!