مساء الخير خواتي
انا متزوجه وعندي3 اولاد الله يحفظهم ويخليهم لي يارب
والحين لي 21يوم وانا نفاس ووالده قيصيري وتعبانه للاخر وعمليتي انفتحت من الشغل في بيتي وعندي ولدي الصغير عمره توه سنه يبي له رعايه واهتمام وتعبني وربي الله يهديه
المهم عندي زوجي تعبت منه ومن تصرفاته احترت وشلون اتعامل معاه
اول شئ زعلان عشان ماولدت عند اهلي قل اول شئ امي تعبانه وكبيره بالسن وثاني شئ اهلي مو ملزومين بعيالك ولازم اتنفس عندهم انت اللي لازم تتحمل مسؤليتي انا وولدك مع اني وربي كل ولادتي بعيالي قيصيري ودايم اولد عند زوجي واجلس في بيتي اسبوعين وارجع اكمل نفاسي عند اهلي ولاعمره كملته في بيتي وفوق ذلك وعد ني يجيب لي شغاله ولاجاب وهو مقتدر ويقدر يجيب وساكنه في بيت كبير وعيالي صغار وربي تعبانه اختي ماقصرت جاتني جلست عندي اسبوعين وربي ارتحت كانت تهتم بعيالي مثل عيالها وتطبخ لي وتساعدني بالنونو وزوجي مريح على نفسه لايدري عن العيال ولا عني ومن راحت اختي وانا في هم لايعمله الا ربي انكرفت في البيت وطبخ للعيال وسهر مع النونو والعمليه انفتحت عندي هذا غير متهاوشه مع زوجي لايسالني وش محتاجه وش تبين اكل ويساعدني بالعيال مع انه وعدني يساعدني بالعيال وكله بس كلام
والقهر ماخذ اجازه شهر واسبوع نروح لاهله قلت له انا تعبانه خليني ارتاح في بيتي واخلص الاربعين وبعدين ننزل اجازه قالي لا انا قدمت على الاجازه هالاسبوع قلت خلاص انا مقدر اجي معك لان وضعي مايسمح نفاس واروح لاهله وماحد بيهتم فيني هناك واهل زوجي ساكنين بشقه صغيره وضيقه وربي حتى المويه ماتنزل الا بالاسبوع مرتين وبس ودايم انام بغرفه الجلوس وفوق ذلك مايبي ياخذ شقه مفروشه خايف من امه يعني نزولي صعب نفاس وتعبانه وانزل لاهله مو حلوه وربي حلاه الوحده تنزل بعد الاربعين كنها عروس
قلت لزوجي انا مابنزل معك بروح مع اخوي عند اهلي وانت روح لاهلك
زعل مني قلت له بروح لاهلي اول شئ اخواتي كلهم عند امي وثاني شئ ابي ارتاح ومنها خواتي يساعدوني بعيالي واغير جو قالي روحي بس باخذ خالد معي اللي هو ولدي الكبير عمره 4 سنين
مدري وش قصده يبي يهددني بولدي ولا عشان شنو من متى اروح لاهلي وزوجي ياخذ ولدي الكبير معه
وربي تعبانه نفسيا وجسديا من حركاته يعني ياتنزلين معي يااخذ الولد اللي يشوفه راح يهتم فيه وهو مادري عنه في بيتي
وش اسوي يابنا ت هل انا غلطانه عشان بروح لاهلي مع ان خواتي قالوا لي اني بفتره نفاس المفروض مايزعل من روحتك لاهلي بالعكس لان صعبه تنزلي لاهله واني تعبانه
وهو خايف من امه تزعل
اللي قاهرني يابنات ان انا الوحيده من سلايفي انزل مع زوجي على طول بيت اهله وابيت عندهم بالاسابيع مع انه اهلي بمكه واهل زوجي بجده حى لمن انزل امر علي بيت اهلي ولا اعدي اسلم عليهم يقول زوجي لا اول اهلي ويوديني بعدين عند اهلي اما سلايفي وربي مايروحون لاهل زوجي الا زياره وبس ماينامون هناك ابدا طول وقتهم عند اهاليهم واناالمقروده مع زوجي كل خوف من امه وهو عارف الوض عند اهله امه شاكنه بشقه ضيقه والمويه معبينها في براميل كباروقرف وفوق ذلك متحمله وصابره
ياريت تساعدوني بنات هل انا اللي سويته صح او غلط وربي تعبانه
ومابي ياخذ ولدي معه اخاف عليه وربي ولابكره يقولوا رمت ولدها لنا ومادر ت عنه وزوجي اعرفه بيكون اغلب وقته سهر ورامي الولد عند اهله هذا غير ولدي اعرفه بيفقدني وراح يبكي واهلي الحين في ابها مابيرجعون الا على وقت المدراس وانا بروح لهم هناك
تكفون عطوني اراءكم هل اللي سويته صح او غلط
واللي ماعندها رد ترفع الموضوع بدعوه ان ربي يسخر لي زوجي ويهديه
طبعا اللي حكيته رؤؤس اقلام ماحكيت شئ عن مشاكلي انا وزوجي وضربه لي ودايم يسب اهلي ويقولي ماوراك اهلك ولمن قل له بقول لاهلي واعلمك ان ماوراي اهل قال متي قلت لك ان ماوراك اهل وانكر كل اللي قاله وصاير خايف
ياريت تساعدوني
كتـ_ٌٍـٍكوت?هٍ @kt_koth_1
عضوة نشيطة
يلزم عليك تسجيل الدخول أولًا لكتابة تعليق.
تاااج محل
•
الله يعينك يمكن زوجك يجي بالهداوه
دااادو
•
حاولي تكلميه وتفهميه ان الولد ماراح يصبر عني وانا مو قريبه عشان اجيه فخلي الولد معاي وانا بروح مع اهلي لابها اذا خلصت الاربعين اروح لاههلك وليش تقعدي اسبوعين عندهم اجلسي كم يوم وارجعي بيتك وقولي لزوجك من بعد جده عنا كل فتره نروحلهم وبس وحاولي ماتكوني عنيده اكثر الرجال مايحب الحرمه تمشي كلامها عليه فانتي تعالي معاه بالطيب والله يعينك
الصفحة الأخيرة