تمره..

تمره.. @tmrh_4

عضوة جديدة

معانة عصلى

الصحة واللياقة

السلام عليكم ورحمة الله

ادري بتقولون اكيد عندها سالفه::: لا سالفه ولاهم يحزنون السالفه اني تعبت ...
تعبت بجد من نحافتي قبل الزواج كنت قول اذا تزوجت اكيد ابسمن مع الحمل والولاده زي اغلب البنات
الحين متزوجه وعندي بنتين الله يحفظهن لكن مازاد وزني الا 4كيلو من 43الى47 وانا يبغالي الحين16 كيلو عشان يتوازن مع طولي...
تعبت من كلام الحريم وخاصتن ذا العجايز لين قامن يقولن ياااربيه قاضن حالتس يبنيتي ماتاكلين بناتس ياكلن عنتس
والثانيه تقول انصرمتي <<< ليه شايفتني نخله
اول زواجي يقول لي زوجي ماتبين تسمنين ؟؟؟<<<مسوي مايبي يجرح
عاد انا اقول لا بسم الله علي <<<<< انا مسويه واثقه وانا والله منحرجه ودي اطقه
اكلت الحلبه وقت نفاسي والله بدت تجيب نتيجه حليوه بس تركتها عشان ريحتها اكلت حبوب الخميره لا نتائج ملحوظه
اكلت الحبوب الصينيه زدت 3 كيلو في شهر بس تركتها لأنها خطيره واختفن 3 كيلو جربت مسيجور تعبت منها كله نووووووووووم كسل بس ابي اكل ونوم وانا وراي مسوؤلية زوج وبنات وبيت تركتها على طول من اول اسبوع <<طبعا كل هذا بدون علم زوجي لأني مسويه جسمي عاجبني
تخيلوا يابنات فقدت ثقتي بنفسي في اي مكان دايم اقول اكيد انهم يقولون وش ذا العصلى ..
ادري طولت عليكم بس وش اسوي ساعدوني واسوني عطوني حل اكيييد اهئاهئ اهئ اهئ <<<جاها اكتئاب
7
967

يلزم عليك تسجيل الدخول أولًا لكتابة تعليق.

تسجيل دخول

ام الحلوةمعين
كتبت رد وش طوله وراح الله يعين

اسمعي ياوخيتي وسعي صدرتس وريحي بالتس واتركي الحرارة وكثرة التفكير والتوتر انت من النوعغ الي ياكل نفسه بالهواجيس

عليتس بالراحة وقللي حركة قدر ماتقدرين كولي ونامي بعدها عليتس بالاكل السنع الدسم عندتس بيتزا والسمبوسة والكبسة والموز يوميا

كوليه واستبدلي الحلبة بالماش يهبل طعمه ومافيه ريحة سويه مثل الشوربة لاتنسين الكاكاو والعسل

الله يلبسنا واياكم الصحة والعافية ولا يرينا مكروه ويحسن خواتيمنا

ل
(آنسه بسه)
(آنسه بسه)
يازينك يالعصلا ذكرتيني بعميري=اعصل منك
انا مثلك تقريبا وزني 48 هع هع احس اني بزر
بس عندي امل لما اتزوج اسممممممممن لاني الحين مو مرتبه وقتي عشان كذا
النوم يخرب علي اكلي ونفسي دايم منسده
الله يرزقنا واياكم السمنه التي ترضينا
تحياتي
استغفر الله واتوب اليه
alhyranh
alhyranh
أخــتي تــفااااحه الله يسعــدك كــيف طــريقة المــاش ؟؟

الله يسمــنا بالصحه والــعااااااافيه ..
منبع الود
منبع الود
والله نفس المعاناة ياأخت تمره وش تقولين عني إذا وزني أقل منك بكثير حاولت أسمن بس مافيه فايده وأنا ما أشتهي الأكل ورحت المستشفى ولا فيه فايده وحاولت أزور أخصائية تغذية وكلن يقول ماراح تستفيدين بس أكل فلوس والله ماأدري وش أسوي تدرين أهم شيء العافية
ام عروووب
ام عروووب
اكثري من اكل الوجبات السريعة والمقليات والايس كريم والحلويات والطحينية مع الخبز وشوفي مع العيد تدورين مقاس xxl هههههه