baby sitter :

الحل مو سهل لكنه بإيدك أنا كان فيني وسواس قهري مو بس في الصلاة والوضوء بل حتى الأرض اللي أمشي عليها والأشياء اللي أمسكها يعني الباب ما أفتحه بيدي أفتحه بكوعي وإذا كان مطرَّف فبرجلي وإذا ما يصير أفتحه إلا بيدي اجيب المنديل وأفتحه لا وما آخذ أول منديله ، اول وحده أرميها وأحيانا حتى الثانية لو كانت طالعة شوي من العلبة وبعدها آخذ الثالثة لأنه يتروالي تنجست من طلعتها بره العلبه! وأغسل يدي بعد ما أمسك أي شي! تخيلي لو بالخطأ أمسك رجلي أغسل يدي! لو بالخطأ أمسك ثوبي أغسل يدي! مثال لو بروح المدرسه اول ما أصحى أغسل يدي أول ثم أغسل وجهي ثم أبدِّل ملابسي ثم أروح أغسل يدي ثم أمشط شعري ثم أغسل يدي ثم ألبس شرابي ثم أغسل يدي ثم ألبس جزمتي ثم أغسل يدي ثم البس عباتي وقبل ما أطلع من البيت أغسل يدي! وهذا كلّه قبل ما أروح المدرسه،،، حتى وصلت لمرحلة جلدي يتشقق من كثر الغسل والوضوء أقعد نص ساعة أتوضأ وكل شوي أعيده حتى صرت أخلي أمي وإلا أخوي يطالعوني وأنا أتوضأ ويعدون معي! والصلاة نفس الشيء!! ووصلت مرحلة من الضيقة ما يعلم بها إلا الله جلست على هالحالة سنة وزيادة والحالة تزيد والسبب واللي بدأ هالمشكلة عندي إني شفت وحده داخله للحمام حافية واللي خللاني أتنبه إني لازم أوقف هالشيء وإلا بيدمرني هي أمي مرة قالت لي واحنا جالسين وراك صاكه يدك؟ شفتوا وصلت لمرحلة ما أفرد يدي عشان أصابعي ما تلمس شيء وتتنجس!!! وبديت شوي شوي أول شيء بالصلاة وبعدها بالوضوء ما أعيده وأقول في نفسي وأحياناً بصوت عالي : أنا سويته صح وأتعوذ من ابليس بداني هالشيء بثاني متوسط واستفحل بثالث متوسط وبديت أقاومه وأنا بأول ثانوي تدريجياً لمن صرت أتوضأ وأصلي عادي ولله الحمد بس بقت مشكلة غسل يدي وما تخلصت منها إلا وأنا بالجامعه والحين صرت أفتح البيبان بيدي مو بكوعي ، حتى باب الحمام ^_^ والمناديل صرت آخذ أول وحدة عادي ^_^ والفضل بعد الله هو لقوة الارادة والتصميم وإنك تثقين بداخلك إنك صح والأشياء اللي تخليك تعيدين وتزيدين بالوضوء ماهي إلا وهم والله يوفقك

الحل مو سهل لكنه بإيدك أنا كان فيني وسواس قهري مو بس في الصلاة والوضوء بل حتى الأرض اللي أمشي...