معايا حق !!

بنات كنت فالبحر وخلاص ع وشك اذان المغرب وبنروح.اتصلوا اهلي قالوا جايينك طبعاً اهلي من زمان يبون يجوني بس م حددوا يوم والله يهديهم فاجأوني بجيتهم وماقدرت اردهم لان اللي بيجيبهم اخوي مسافر بكرا يعني فرصتهم اليوم.قلت لزوجي ترا اهلي جايين مر البقاله البيت فاضي بحكم اننا لسى م اسقرينا ف اي لحظه بنروح منطقه ثانيه عشان دوامه يعني بالعاميه م شرينا عزبه للبيت نبي نستقر ونشوف الوضع تاليها نشتري.المهم قال الناس ف الصلاه وانا بصلي المغرب وبروح العزا.العزا ف قريه يبعد عننا يمكن نص ساعه.قلت له طيب اهلي جاايين وش اقدم لهم مر البقاله جيب الاغراض وتاليها روح العزا ترا يمديك قال م يمدي وانتي وحده م تقدرين الوقت .ي بنات وربي ان البقاله يمكن تبعد عننا ٣ دقايق ب السياره ولا بياخذ من وقته شي ادري انه يبي يلحق ع العزا طب انا برضو مضغوطه زيك كلنا ف الهوا سوا ٣ دقايق من وقتك م بتضر.قلت له طيب خلاص روح العزا وبعدين تعال اشتري الاغراض يمكن يكونوا اهلي لسى م وصلوا يقول لا م برجع ب جلس عند اهلي💔💔💔💔قلت له اي صح لانهم مو ضيوفك لو ضيوفك م قلت كذا لو شلت هم ع الاقل وقدرت موقفي.وجلس يخاصم انتي م تقدرين الواحد و اقولك مافيه وقت وانتي وحده م تهتم بالوقت.وربي ي بنات ان لمن يجونه ظيوف اشيل البيت شييييل طبخ ونظافه وبخور وقهوه وشاهي وحلا ومعجنات ومن العصر اشيل هم وابيض وجهه.بس انا تركني ف حيرتي م ادري وش اسوي.قلت له طيب لو ببسي وشيبس بس جيب قال اتعنى للبقاله عشان شيبس وببسي💔💔💔قلت طب اغراض العشى قالت م يمدي م يمدي.💔💔واتصلت ع اهلي قلت لهم خلوها وقت ثاني قالوا ليه قلت زوجي مو فاضي وناقصه كم غرض خلوها اذا زانت الظروف قالوا خلاص عشانا معانا وكل شي معانا حنا بنجيبه اصلا مانبي نتعبك وانتي حامل.انحرحت قسم بالله.مدري انا معي حق ولا فعلاً انا ضغطت زوجي.بس وربي اني م قلت له هالكلام الا من قلة حيلتي انا مامعي مخررج وشلون اضيفهم حتى شوكلت ع القهوه او شيبس او مكسرات ع الشاهي ماااافيه .وللامانه هو من النوع اللي م يقصر يشتري عطووووووول عطوول اي شي ابيه يشتري بس اجو اهلي ف وقت نحن مو مستقرين فيه.نصيحتكم ليا ي اخوات وبدون تجريح لان وربي اللي فيني كافيني و وجهي طايح بالارض .